YEREMIA 4:25 - WUKE SUSI WATTI'U AL᷊AL᷊USASSA

²⁵ Ellehangku tawe taumata, manu'u winalanganna tinumalla'e abbi.

YEREMIA 4:25 Referans Kwoze

YEREMIA 12:4

Ta'e sangkura lai al᷊annune wanua indi mamara, wuṛṛu nannal᷊o tumolangnga su al᷊awo'u wawail᷊anna? Manu'u winalanganna wuṛṛu winatangnga waine nate ana waugu al᷊al᷊eon balahanni yami. I mangitou nabbisara, manungku i ya'u sarun tawe maasilo ola'u pabbiaṛṛanni mangitou.”

HOSEA 4:3

Ana waugu udde wanua indi sarun maola'a maṛṛasa, wuṛṛu al᷊awo'a apan mabbiakka isudde sarun mate. Al᷊awo'u hatin binatangnga su winalanganna, su ammaranne wuṛṛu su tahal᷊oangnga sarun mate.”

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”

YEHEZKIEL 38:20

Anambon inassa wuṛṛu manu'u winalanganna, anambon binatangnga wahewalla wuṛṛu maradio'a, wuṛṛu anambon taumata su runia sarun mangngindon atata'utta sumaruanna si Ya'u. Manga wowone sarun matannekka, manga rampissa sarun moṛṛotta wuṛṛu anambon darandungnga sarun maṛṛa'a.

YEREMIA 9:9

Tawe mariaddi su walahanna ereindi i Ya'u tawe mapaarantan ṛuumanna apan ṛinone? Sarun Ta'u wal᷊isanna inolaanni mangitou; i Ya'u, Mawu, buatte nabbisara!”