YEREMIA 4:22 - WUKE SUSI WATTI'U AL᷊AL᷊USASSA

²² Mawu nabbisara, “Woddo atonna uma-U udde, i mangitou tawe ma'aillal᷊a si Ya'u. I mangitou naal᷊ihidda al᷊aṛṛana'a lal᷊eo ringannu tawe pasasunna sarangkadio'a; matikko'a sulal᷊ummu al᷊al᷊eo, marau wuassu apapia.”

YEREMIA 4:22 Referans Kwoze

1 KORINTUS 14:20

Manga tuṛṛangnga! Arie paṛṛingidda ere al᷊aṛṛana'a. Sulal᷊ummu al᷊al᷊eo, ṛinone i yamiu uatatana'a ere ana'a maradio'a. Arawe sulal᷊ummu paṛṛaṛṛingidda, ṛinone i yamiu maola'a taumata apan timmaddete.

ROMA 16:19

Anambon taumata naasingkate manungku i yamiu matuṛṛuta su al᷊aṛṛa'u Watti'u Al᷊al᷊uassa wuassu Ruata. Wuṛṛu i ya'u mal᷊uassa su inolaanni yamiu udde. I ya'u maapulu tadea'u i yamiu pande su inolaanna apan mapia, wuṛṛu longonna su inolaanna apan lal᷊eo.

YEREMIA 5:21

“Paddaringikka, ei i yamiu taumata woddo wuṛṛu longonna! I yamiu pia mata arawe tawe maasilo, pia tal᷊inga arawe tawe maaringikka!

ROMA 3:11

tawe saran sangkatou apan maasunna wuṛṛu tawe saran sangkatou apan massubba Ruata.

HOSEA 4:6

I yamiu, manga imam, tate maddaringikka si Ya'u, ne uma-U lai tate maddaringikka si Ya'u na'oman sara i mangitou nasilaka. I yamiu mannola'u manga al᷊aṛṛa-U. Nariaddi, i Ya'u sarunmanol᷊a'i yamiu, wuṛṛu manga anangu tawe Ta'u a'uanna maola'a manga imammu Mawu.

ROMA 1:22

I mangitou mammendamma manungku i mangitou pandete, wutte'e i mangitou woddo.

HOSEA 5:4

Al᷊al᷊eo apan niola'u taumatan Israel pangillul᷊eanne i mangitou tate mapabbelengnga ringannu Ruatan mangitou. I mangitou tataṛṛinoante pasasubba paal᷊uanna, na'oman sara i mangitou tate maddaringikka Mawu.

YOHANES 16:3

I mangitou ma'ola'a udde si yamiu ana waugu i mangitou taambe naaillal᷊a Iamangnga aroddi lai si Ya'u.

MIKHA 2:1

Nasilakate manga taumata apan manggolagu al᷊al᷊eo tantal᷊anna ual᷊allowangnga su tampan tatiil᷊anna sutempo ṛabbi, ana see niola'a sutempo marua allo ana waugu i mangitou pia atatohassa ipa'ola'a udde.

TAHIUL᷊E 32:28

Israel sambau walahanna apan tawe maṛṛingidda asuene; i mangitou tawe pasasunna.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

YEREMIA 13:23

Wotongnge taumata maitumma mamal᷊u kaluren pisine, ara'e harimau mamul᷊in woṛṛentenge? Udde tawe mariaddi! Aroddi lai i yamiu apan ninumarampe ma'ola'a al᷊al᷊eo tawe mariaddi ma'ola'a apapia.

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

YEREMIA 10:8

Longonna wuṛṛu woddo mangitou sarangkanambone ana waugu mongannu tumba'u alu sangkabuwu, tawe maapangaṛṛa'a apa apan pia gunane.

YESAYA 1:3

Sapi maaillal᷊a tatahuanne, keledai maaillal᷊a tampan aannananne apan buatte nisaddian mawune, arawe uma-U Israel tawe; i mangitou tawe maatutukka.”

YEREMIA 5:4

I ya'u naṛṛingidda, “Eh, i mangitou tumba'u tumanangnge lal᷊ebbone apan waggan apa-apa. Inolaanni mangitou woddo, ana waugu wagga apa apan ipaapulu wuṛṛu raddorongannu Mawu Ruata wuassi mangitou.

LUKAS 16:8

Ne mawu mangangadon roitta apan taṛṛa l᷊inga udde nadalo si tou ana waugu inolaanne apan mangngapande udde; ana waugu manga taumatan runia indi mappandeanna mangatokku manara mangitou wuassu mangatokku taumata apan mabbiakka sulal᷊ummu asasemakka.”

HOSEA 4:1

Mawu pia gatto ringannu tumana'u wanua indi. Ei, Israel, paddaringikka apa apan niwisara-Ne, “Su wanua indi tawe tatuṛṛutta ara'e darangngu, wuṛṛu tumanangnge tawe manga'u i Ya'u udde Ruata.

TAHIUL᷊E 32:6

Ete aroddi yamiu mabbal᷊issa apapian Mawu, ei manga taumata longonna wuṛṛu tawe ṛingiranne? Wal᷊inewe i Tou Iamangngu, Mandariadinu, apan na'ola'a si yamiu sambau walahanna?

2 SAMUEL 13:3

I Amnon pia sangkatou hawe apan pande, aranne i Yonadab ana'i Simea iaangngi Daud.

DARALO 36:3

I tou uapendamma watanganne atohasanne, na'oman sara tawe maatutukka pasasal᷊ane, wuṛṛu tawe mabbinsine.

DARALO 53:4

Arawe anambon taumata buatte sinumewadda wuṛṛu nal᷊al᷊eote tawe saran sangkatou apan na'ola'a apapia.

DARALO 82:5

I yamiu wagate apa-apa, woddo wuṛṛu nial᷊iwune, ana waugu i yamiu, lal᷊oṛṛon banua tate atoranne.

YEREMIA 2:8

Manga imam taweddu maiwal᷊o suapa i Ya'u, Mawune. Manga mallaṛṛuungnga lai wagga isai Ya'u, manga tembonanne lai lullawangnga si Ya'u. Ringannu arannu Baal manga nabi mabbisara, wuṛṛu massubba paal᷊uanna apan tawe gunane.”

YEREMIA 4:21

Sara tingngera i ya'u mabbiala taumata uapapangalo waggate mate? Sara tingngera i ya'u maddaringikka tingikku trompetta apan ma'awengella?

YEREMIA 9:3

wuṛṛu sidutu uasaddia mangngawusu. Su ahewallu wanua, apapia tawe uataṛṛino, ewe'e lai pallal᷊inga pia marasaine. Mawu nabbisara, “Uma-U ma'ola'a al᷊al᷊eo tawe tawe illol᷊one, i mangitou tawe manga'u si Ya'u ere Ruata mangitou.”

YEHEZKIEL 16:30

Mawu Apan Atanggaṛṛanne nabbisara, “Sarangkanambone udde buatte niolangngu ere sangkatou sumasandaga apan tawe masili.

AMOS 3:10

Mawu nabbisara, “Manga taumata udde nalloṛṛo manga wal᷊en araratuanni mangitou ringannu manga saranapa apan nisombanganni mangitou wuassu pangangalangnga wuṛṛu araṛṛagissa. Ewe'e lai manga inolaanni mangitou tawe matul᷊idda.

PANDARIADDI 39:16

Ana see awingngi Potifar nanahipunna juba udde naddatingngu awingnge napul᷊e.

DARALO 36:4

Manga wisarane lal᷊eo wuṛṛu napenen wawahia, i tou tate lai ma'ola'a apapia wuṛṛu apapande.

AMSAL 28:5

Atatul᷊idda tawe asunnannu taumata lal᷊eo, arawe taumata apan massubba Mawu, atonna-tonna maasunna.

YEREMIA 9:2

Unnu wisara su wadda'u anne wotongnge ta'u asangkal᷊anna tampa pattindahoannu taumata apan sulal᷊ummu amatanna! Ne i ya'u sarun manantangngu walahangku, wuṛṛu tumal᷊angke poiaroddi tadea'u mangindau wuassi mangitou. I mangitou sarangkanambone mandal᷊al᷊eo, sambau ammul᷊annu taumata apan mal᷊awangnga,

YEREMIA 9:5

Sarangkanambone mangke uawawahia taweddu mabbisara matul᷊idda. Moṛṛongnge ninumarampe mangngawusu, i mangitou tate lai maatantangngu rosane. Araṛṛagissa ringannu araṛṛagissa, wawahia ringannu pangangawusu sidutu a'olaanni mangitou, i mangitou mangke sidutu mannol᷊a'u Mawu.

MIKHA 7:3

Sarangkanambone pande sulal᷊ummu ma'ola'a al᷊al᷊eo. Tembonanne wuṛṛu mallaṛṛuungnga maddorongnga roitta aonggolla, wuṛṛu matatimmaddu wanua mammata'u apulune, etearoddi i mangitou nabbaidda suadio'a.