YEREMIA 4:20 - WUKE SUSI WATTI'U AL᷊AL᷊USASSA

²⁰ Asasilaka nirumanta ualal᷊intuṛṛutta nanggohakku ahewallu wanua. Niaṛṛombanganne rasangku nihohakka, manga pampelene ringanna nihesa'a.

YEREMIA 4:20 Referans Kwoze

DARALO 42:7

Su leta'a pamamanguanna indi naungku naṛimunsa'a, ana waugu udde i ya'u nanaungnga Mawu. Niawa'u nielekku saggan asasusa, i ya'u niṛṛammon manawangu al᷊iba'ukka; naal᷊ihidda tingikku ampassu Sal᷊ukku Yordan wuassu Wowon Hermon wuṛṛu Wowon Mizar.

2 TESALONIKA 1:9

Manga taumata udde sarun manengkamma ṛuumanna papate sarangkal᷊o'engnge, iramme su liudde wuassu ammul᷊annu taumata Mawu wuṛṛu wuassu taṛṛino-Ne apan mawantuga;

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

YOEL 1:15

Allon Mawu maranite, allo apan maata'utta; sutempo Apan Lembon Taṛṛino mandantan araṛṛimunsa'a.

YEHEZKIEL 14:21

Mawu Apan Atanggaṛṛanne nabbisara, “I Ya'u mangema'u appatta ṛuumang-Ku apan asaddatanne su Yerusalem ipamate mawae taumata aroddi lai winatangnga. Ṛuumanna udde eteudde: pangalo, al᷊aṛṛutumma, winatangnga mal᷊aṛṛaga wuṛṛu ṛiwutta.

LAL᷊ALLU 3:47

i yami niaṛṛiaannu asasilaka wuṛṛu ahahohakka, see mabbiakka sulal᷊ummu asasilaka wuṛṛu atata'utta.

YEREMIA 17:18

Doronganna iapa mangngenggenna wuṛṛu mangngallangnga si ya'u, pansilian-Nu wuṛṛu penean-Nu ringannu atata'utta. Arawe ariewe ma'ola'a aroddi si ya'u, oh Mawu. Rantate asasilaka si mangitou ma'oman sara i mangitou masue mawinasa.

YESAYA 33:20

Pa'ellege soan Sion, tampan kite mallaghu manga andeangngu agama. Pa'ellege Yerusalem! Al᷊angngannawe eteapa tampa udde atanaanna, naal᷊ihidda rasanna apan tawe saran paassa niingkatta, pati'anna tawe saran paassa nisawutta wuṛṛu tal᷊ine tawe saran paassa nabbassutta.

YESAYA 13:6

Lalluaite, ana waugu allo Mawu maranite, eteudde allon papate apan niaparanta Mawu Apan Lembontaṛṛino.

IMAMATTA 26:24

ne i Ya'u sarun manggesekka wuṛṛu makkuumanni yamiu paapitu lai awakkane wuassu manga ṛuumanna apan nal᷊iu.

IMAMATTA 26:21

Amungkangu i yamiu lai ta'e sidutu lullawanga si Ya'u wuṛṛu maddiri tumuṛutta si Ya'u, ne ṛuumannu lai sarun Ta'u tambanna lai paapitu.

IMAMATTA 26:18

Napawe buatte naapendamma ṛuumanna udde ana see i yamiu lai taambe tumuṛutta si Ya'u, ṛuumannu sarun Ta'u tambanna paapitu lai anambone.

HABAKUK 3:7

I ya'u naasilo tumana'u Kusyan niarṛṛiaannu atata'utta, wuṛṛu taumatan Midian mangngiladda.

YEREMIA 4:6

Pantingira'e lal᷊anna watukku Sion, wuiddu Mawu, pa'asaṛṛawutte massal᷊iu, arie mal᷊annabba. Mawu tantal᷊anna mandantan asasilaka wuṛṛu ahahohakka apan bahewalla wuassu sawannakka.

YESAYA 54:2

Tambaite ahewallu manga rasanna atatanaannu; lo'engke manga tal᷊ine wuṛṛu tohasse manga pasa'e!

YESAYA 47:9

Arawe tumba'u sangkaṛṛondapa, sulal᷊ummu allo massallo, hatto darua udde sarun mariaddi maṛṛindo'a. Salaiwe i'o mappaattu wal᷊i'imata wuṛṛu laṛṛopa, awingngu esakka wuṛṛu anangungu insueanna lai.

DARALO 72:19

Daralo su aran-Ne apan mawantuga saran mal᷊annu-l᷊annu; antimanna ahewallu runia mapenen awawantu-Ge! Ariaddite aroddi. Amin!

REENGANNA 16:45

“Soṛṛotte wuassu manga taumata udde. I Ya'u sarun mamate si mangitou su tampa indi lai!” Itarua niumal᷊intudda nassubba,

REENGANNA 16:21

“Soṛṛotte wuassu manga taumata udde; i Ya'u mamate si mangitou orassa indi lai.”

IMAMATTA 26:28

wuṛṛu ringannu massa'u i Ya'u sarun manggesekka si yamiu, wuṛṛu makkuumanni yamiu paapitu mabbakatanna wuassu ṛuumanna nanangkal᷊iu.

YESAYA 15:5

I ya'u u'akkannu Moab! Tumanangnge nattal᷊angnga watukku soan Zoar wuṛṛu watukku Eglat-Selisia. Piaddu sinuma'a su lal᷊anna watukku Luhit lapiddu lulluai; piaddu lai apan tinumal᷊angnga watukku Horonaim lapiddu ma'uare ana waugu niaṛṛiaannu asasilaka.

YEREMIA 4:21

Sara tingngera i ya'u mabbiala taumata uapapangalo waggate mate? Sara tingngera i ya'u maddaringikka tingikku trompetta apan ma'awengella?

YEREMIA 4:27

Mawu nabbisara manungku ahewallu runia sarun maoala'a wadda'u anne, arawe i Tou tawe manggohakka abbi.)

YEREMIA 12:11

Ore, i Ya'u naasilo si mangitou na'ola'a wanua-U tampa mal᷊annabba wuṛṛu ma'asusa. Sarangkanambone niwala aroddi, taweddu mamadul᷊i.

YEREMIA 9:18

Taumatan Yehuda mabbisara, “Doloṛṛa'e i mangitou mangngantarin aantarin lalal᷊o hunan kite sarangkanambone, tadea'u allon mata mangke lakkubbasanna su wambalan kite.”