YEREMIA 4:19 - WUKE SUSI WATTI'U AL᷊AL᷊USASSA

¹⁹ Susatewe eteapa naungku, i ya'u tate lai maataṛṛangnga su asasusa. I ya'u tawe mapaatammuddu watangangku pappuso'u ruddaddoro sulal᷊ummu ro'o, ana waugu i ya'u naaringikka tingikku trompetta wuṛṛu hahoressan pangalo pia sanseongnge.

YEREMIA 4:19 Referans Kwoze

HABAKUK 3:16

Naaringikka udde, naungku mangngiladda wuṛṛu wiwi'u mangngindo. I ya'u nabbal᷊i lome tate ikkata, ledda'u mattara, suapa i ya'u umamatta. I ya'u sarun maṛṛaddo ringannu matammudda ṛuumannu Ruata su taumata mammangalo.

YESAYA 22:4

Imbaṛṛangnga ma'innunu si ya'u; wala'e i ya'u lumuai manga taumata wuassu pabbawala'u apan natete. Arie maannamma maminalatta si ya'u.

YESAYA 16:11

Naungku ma'uare wuṛṛu natuno ma'ellega saṛṛen Moab wuṛṛu Kir-Heres.

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”

YEREMIA 9:1

Apiawe eteapa amungkangngu pua'u ere paṛṛihi apan napeneng kua'e, wuṛṛu mata'u ere sal᷊ossogga apan sidutu mangngelekka! Ne i ya'u wotongnge lumuai allo wuṛṛu ṛabbi, lullalu manga taumata sambalahangku apan nipaten ro'appa.

YESAYA 21:3

Sondappa udde nangal᷊iwu'u na'oman sara tate maasilo wuṛṛu maaringikka lai. I ya'u matta'utta wuṛṛu nataddu'a, naal᷊ihidda sangkatou wawine apan tantal᷊anna mangngunsiwe.

GALATIA 4:19

Manga al᷊aṛṛana'u arangnguanna! I ya'u orassa indi uatataṛṛanga lai ana waugu i yamiu. I ya'u uatataṛṛanga ere sangkatou inangnga apan uatataṛṛanga su tempo mangunsiwe. I ya'u sidutu sarun matataṛṛanga, amungkangu pallal᷊agun Kristus taambe nusippa su wadangu!

DANIEL 8:27

Wua'udde i ya'u naapendamma nallome ana see nirumadda'a manga pira allo al᷊annune. Wue udde nabbangunte i ya'u wuṛṛu nammanarate manga manara'u apia su ratu. Arawe i ya'u sussinggawangnga maṛṛingiddu manga sondappa udde wuṛṛu mangke tawe maasunna manga sondappa udde.

DANIEL 7:15

Manga sondappa apan ta'u niasiloanna udde maawingo wuṛṛu maasinggawangnga naungku.

YESAYA 15:5

I ya'u u'akkannu Moab! Tumanangnge nattal᷊angnga watukku soan Zoar wuṛṛu watukku Eglat-Selisia. Piaddu sinuma'a su lal᷊anna watukku Luhit lapiddu lulluai; piaddu lai apan tinumal᷊angnga watukku Horonaim lapiddu ma'uare ana waugu niaṛṛiaannu asasilaka.

DARALO 116:7

I'o napatammudu naungku, ana waugu Mawu mapia si ya'u.

ROMA 10:1

Manga tuṛṛangnga! I ya'u maapulu atonna tadea'u walahangku masal᷊amatta. Wuṛṛu i ya'u atonna-tonna u'al᷊iomanna su Ruata huna mangitou.

AMOS 3:6

Apa taumata su soa tawe mangiladda amungkangngu maaringikka tingikku trompetta tatialan pangalo? Wotongngewe sambau soa aṛṛiaannu asasilaka, amungkangngu Mawu tawe mandantan asasilaka udde?

DANIEL 7:28

Nattaalle isindi watti'a indi. I ya'u lembon sussinggawangnga na'oman sara nabbal᷊i namikkassa, arawe tawe saran sangkatou apan tau niwal᷊oanna su ola'u sarangkanambone udde.

LAL᷊ALLU 2:11

Mata'u hinumanne ana waugu lulluai tawe illol᷊one, ṛimuu'u massusa tawe sumandingnge. Naungku natuno naasilo ahahohakku walahanna; naasilo al᷊aṛṛana'a see bayi ana'a maradio'a napinsanna su manga lal᷊annu soa.

LAL᷊ALLU 1:16

Ana waugu udde allon mata'u mappinapi, taweddu mangonggollu sasasa ara'e al᷊al᷊uassa. Walahangku niawul᷊ianten al᷊awo'a, ana waugu seetta lembon uataṛṛino.

YEREMIA 23:9

Eteindi tanata'u su ola'u manga nabi: Naungku napussa'a wuṛṛu i ya'u mangngiladda. Mawu wuṛṛu wisara-Ne apan na'ukkassa naaola'a si ya'u ere taumata wu'anna apan tumanite manambo na'inumma anggore.

YEREMIA 20:9

Arawe napawe sulal᷊ummu naungku i ya'u mabbisara, “Wala'e Mawu timbul᷊ianangkute, i ya'u maddirite lai maggahatto ringannu aran-Ne,” ne tanata-Nu naal᷊ihidda putungnga apan lukkenggamma sulal᷊ummu naungnga. I ya'u buatte naannamma manaṛṛangnga, arawe inauranna i ya'u tawe auatanna.

YEREMIA 13:17

Amungkangngu i'o tawe maddaringikka, i ya'u sarun lumuai tawe tingikke. Ringannu apendamma massusa ta'u luaianna awawunganu udde. Allo mata'u mangngelekka ana waugu umattu Mawu niapidda naola'a atawanna.

YEREMIA 4:21

Sara tingngera i ya'u mabbiala taumata uapapangalo waggate mate? Sara tingngera i ya'u maddaringikka tingikku trompetta apan ma'awengella?

YEREMIA 4:5

Paniuppe trompetta su ahewallu wanua! Pangikkuitte ringannu ma'ikkatta wuṛṛu matelengnga. Doloṛṛa'e tumana'u Yehuda wuṛṛu Yerusalem tumal᷊angnga watukku manga soa pia tanda batune.

DARALO 146:1

Paddalote Mawu! Ei naungku, paddalote Mawu!

DARALO 119:136

Allommata'u mangngelekka ere sal᷊ukka, ana waugu tita-Nu tawe tuṛṛutanna.

DARALO 119:53

I ya'u tumaniten massa'u su taumata lal᷊eo, ana waugu i mangitou nanantangu tita-Nu.

DARALO 103:1

Wuassi Daud. Paddalote Mawu, ei niawa'u, ahewallu ṛimuu'u, paddalote aran-Ne apan susi.

DARALO 16:2

I ya'u mabbisara, “Tumba'u I'o Mawu'u, lal᷊umanna'u, taweddu naasampal᷊iu Si'o!”

MAL᷊AṚṚUUNGNGA 5:21

Sal᷊ukku Kison nammanawanga nangelekku ro'appa. Inai, inaite ringannu matohassa, ei niawa'u!

REENGANNA 10:9

Wuṛṛu amungkangngu i yamiu mapapangalo su wanuanu su ipannahekku watangannu wuassu seetta apan mammangalo, pattiuppe manga trompeta udde. Ne, i Ya'u Ruatanu, sarun mantul᷊ungnga wuṛṛu manal᷊amatta si yamiu wuassu manga seennu.

PANDARIADDI 49:6

I ya'u maddiri tomantalongnga ammul᷊annu pa'aire mangitou, aroddi lai tawe su ammul᷊anni mangitou. Ana waugu i mangitou mammate sulal᷊ummu asasa'u, napaal᷊omen sapi waugu lal᷊umanna'a.

1 KORINTUS 14:8

Sambau lai sasumandingnge waine: Amungkangngu trompeta walate atuntingikke, isai masasaddia mapapangalo?

YEREMIA 6:24

Naaringikka watti'a udde, tumana'u Yerusalem nabbal᷊i nallome. I mangitou naapendamma atata'utta, wuṛṛu uatataṛṛangnga ere wawine apan mangunsiwete.

YEREMIA 8:21

Naungku naṛṛimunsa'a ana waugu walahangngu maradda'a mawakkatta; i ya'u lullal᷊o wuṛṛu u'ambul᷊isadda.

YEREMIA 49:2

Arawe sarun a'omanna tempone i Ya'u ma'ola'a tumana'u Raba, inangngu soa Amon udde, maaringikka hahuressan pangalo. Soa udde maola'a winal᷊alanna wuṛṛu manga soa maranine masoṛṛobba abbi. Wua'udde Israel sarun mangul᷊e apia letangnge wuassu manga taumata apan dorone nangaṛṛo.

YEREMIA 50:22

Tingikku pangalo ruddallu'a su wanua, ne nariaddite ahahohakka apan bahewalla.

DANIEL 4:19

Naaringikka udde, Daniel apan isassaggo lai Beltsazar, niṛṛumindu'a wuṛṛu tinumiangnga manga piran katempo. Ne i ya'u Ratu Nebukadnezar nabbisara si tou, “Beltsazar, ariete i'o suminggawangnga ana waugu wal᷊iawa wuṛṛu atappasanne udde.” Beltsazar sinumimbikka, “ Tuangku, apiawe eteapa unnuwisara manga arariadiana apan iraṛṛangngon wal᷊iwa udde naṛṛi'a su manga seetti Tuangku wuṛṛu wal᷊ine Tuangku.

2 MARARATU 4:19

Inaṛombanganne ana'a udde nangintul᷊i iamange, “Uare! Pua'u mataddu'a!” “Apira'a ana'a udde ringannu inangnge,” unnu iamange su sangkatou allanga.

2 MARARATU 8:11

Wua'udde i Elisa nanutudda si Hazael ringannu nituturanna na'oman sara i Hazael niumambul᷊isadda. Inaṛṛombanganne i Elisa nilumuai.

YESAYA 21:4

Naungku u'ambul᷊isadda; apendamma matta'utta naola'a i ya'u mangngindo. Rabbi apan ta'u a'antimanna tumba'u mangngapiddu atata'utta.

YEREMIA 8:18

Naungku na'iṛṛitta wuṛṛu maṛṛagge, asasusa'u tawe aundumanna.

LAL᷊ALLU 1:20

O, Mawu! Ellehewe i ya'u, naungku sussinggawanga wuṛṛu uasongkakka, naṛṛimunsa'a ana waugu al᷊al᷊eo'u dorone. Su manga lal᷊anna pia pamamate, sulal᷊ummu wal᷊en pia papate.