YEREMIA 4:14 - WUKE SUSI WATTI'U AL᷊AL᷊USASSA

¹⁴ Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

YEREMIA 4:14 Referans Kwoze

YAKOBUS 4:8

Pangundaniten Ruata, ne Ruata lai sarun mangundanin kamiu. Ukkase limanu, i yamiu apan marosa! Wuṛṛu paatilangke naungngu, i yamiu apan naungnge uapenga!

WATTI'U MANGA RASUL 8:22

Ana waugu udde tantanga'e pandumannu apan lal᷊eo udde, wuṛṛu padorongke su Mawu tadea'u i Tou mangampungnga ṛingiṛṛannu apan lal᷊eo udde!

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

1 KORINTUS 3:20

Pia lai uawoṛṛetta arendi, “Mawu masingkata manungku ṛingirannu manga taumata pande uddewe ṛingiranna apan tawe gunane.”

ROMA 1:21

Taumata maaillal᷊a Ruata, arawe taumata maddiri mangadata ere sangkatou Ruata wuṛṛu tawe lai maadiangkamanna. Arawe taumata sidutu maṛṛingiddu al᷊awo'a apan tawe gunane; naungngi mangitou nadandumpe.

LUKAS 11:39

Ana waugu udde Mawu nabbisara si tou, “Atonna yamiu manga taumatan Farisi ninumaramma mammaresi mangko wuṛṛu lama'a tumba'u su liudde, arawe sulal᷊ummu watangannu napene lal᷊awangnga wuṛṛu al᷊al᷊eo.

YEREMIA 13:27

I Ya'u buatte naasilo si yamiu ma'ola'a manga apa apan iaaranting-Ku. I Ya'u naasilote si yamiu mangngenggenna manga nawu waine su wuidda wuṛṛu su wawail᷊anna, ere sangkatou esakka mabbewan awingngu taumata waine ara'e ere awal᷊o esakka mabbewan awal᷊o wawine. Tumana'u Yerusalem, nasilakate i yamiu! Tingngera i yamiu mapallossa wuassu al᷊al᷊eo?”

AMSAL 1:22

“Ei manga taumata longonna! Maddatingngu tingngera apulun kamiu sidutu aroddi? Tingngerate a'omanna tempone i yamiu umaddo mangngaddio'a wuṛṛu manol᷊a'u al᷊aṛṛa'a?

DARALO 66:18

Unnuwisara i ya'u mal᷊uassa maṛingiddu al᷊al᷊eo, Mawu sarun tawe maddaringikka.

MATIUS 12:33

“Tadea'u maasomba wua apan mapia, alune ṛinone masuwukka. Amungkangngu alune maṛṛisitta, wuane lai lal᷊eo. Masuwukka ara'e maṛṛisitta alu udde asingkatanna wuassu wuane.

YEHEZKIEL 18:31

Addoa'e al᷊awo'u al᷊al᷊eo apan niola'i yamiu wuṛṛu wala'e naungnga wuṛṛu ṛingirannu mabbal᷊i wakku. Anio i yamiu ṛinone mate?

DARALO 119:113

I ya'u marangngu manga tita-Nu, i ya'u maddantinnu taumata apan tawe ringannu ahewallu naungnga tuttuṛṛutta Si'o.

DARALO 51:2

napawe i tou nitaguanni Nabi Natan ana waugu sinumandaga si Batsyeba.

YEREMIA 2:22

Salaiwe i'o mandeno ringannu mamuṛṛa manambo atonna sabonna, arawe manga luhuddu pasasal᷊anu ta'e lai a'asiloang-Ku.

YEREMIA 6:19

Panutukke, ei runia! Uma-U maddiri manengkamma al᷊aṛṛa-U wuṛṛu maddiri tumuṛṛutta si Ya'u. Maola'a pangillul᷊eannu hol᷊agi mangitou i Ya'u nandantan asasilaka si mangitou.

YEREMIA 17:1

Mawu nabbisara, “Ei walahannu Yehuda, rosanu buatte ni'uitta su naungngu wuṛṛu su anambon pappi'uannu manga mezbahnu ringannu pena atta'a apan matane wuassu intanna.

ZAKARIA 8:17

Imbaṛṛangnga manggol᷊agu al᷊al᷊eo su saruannu sansul᷊ungngu. Imbaṛṛangnga massalu awusu. I ya'u maddantinnu wawahia wuṛṛu pallal᷊inga see lai araṛṛagissa.”

YEREMIA 18:11

Mawu nabbisara si ya'u, “Orassa indi, wal᷊oa'e su manga taumatan Yehuda wuṛṛu tumana'u Yerusalem manungku i Ya'u tantal᷊anna makkiinna mando'appa si mangitou, wuṛṛu mannaddiate ṛuumanna ionggolla si mangitou. Doloṛṛa'e i mangitou mangaddon ola'u pabbiaṛṛanni mangitou apan marosa udde see mangapia pallal᷊agu wuṛṛu inolaanni mangitou.

YOHANES 13:9

I Simon Petrus nabbisara, “Amungkangngu aroddi, Mawu, arie tumba'u ledda'u, ewe'e lima'u wuṛṛu pua'u lai!”