YEREMIA 39:6 - WUKE SUSI WATTI'U AL᷊AL᷊USASSA

⁶ Su soa udde lai manga anangnge nipate aellehanne sassane, wuṛṛu anambon tembonannu Yehuda lai nipate.

YEREMIA 39:6 Referans Kwoze

YEREMIA 52:10

Su soa udde lai al᷊aṛṛanange nipate su saruannu matane, wuṛṛu anambon mangangumbelen pamamarenta su Yehuda lai nipate.

YEREMIA 21:7

I'o wuṛṛu manga mammamanaran araratuannu see manga taumata apan naatal᷊angnga wuassu pangalo, ṛutumma wuṛṛu al᷊aṛṛusa'itta, sarangkanambone sarun Ta'u iwala sametanni Ratu Nebukadnezar wuṛṛu manga seetta apan mappulu mamate si yamiu. I Nebukadnezar sarun mamate si yamiu sarangkanambone ringannu tawe ampungnge wuṛṛu tawe aakanne. I Ya'u, Mawu, buatte nabbisara.”

2 MARARATU 25:7

Al᷊aṛṛanange nipate aellehanni Zedekia sassane. Wua'udde matan Zedekia niloetta, ana see nimantunga wuṛṛu niapidda watukku Babel.

TAHIUL᷊E 28:34

I yamiu sarun mabbewa ana waugu sarangkanambone apan niapendamanni yamiu.

YESAYA 13:16

I mangitou sarun mabbiala ana'i mangitou ta'e maṛṛamutta ṛimunsaanna, manga wal᷊e mangitou anuanna wuṛṛu manga awingnge laṛṛampasanna.”

ESTER 8:6

Ereapa wotongnge allangnga ma'ellega walahanna wuṛṛu manga tuṛṛangngu allangnga masue ṛatanna?”

2 TAWARIKH 34:28

ana waugu udde ṛuumanna su Yerusalem tawe Ta'u iaparanta amungkangu i'o ta'e wiakka. I'o sarun Ta'u iwala mate ringannu paddarame.’ ” Ne manga daroloṛṛanna udde nabelengke ringannu ratu wuṛṛu namasingkattu tanata udde.

2 MARARATU 22:20

ana waugu udde ṛuumanna su Yerusalem tawe Ta'u iema'a amungkangu i'o ta'e wiakka. I'o sarun mate ringannu paddarame.’ ” Ne manga daroloṛṛanna udde nabelengke ringannu ratu wuṛṛu namasingkattu tanata udde.

PANDARIADDI 44:34

Ereapa allangngu wotongnge mabelengnga ringannu iamangngi yami amungkangngu ana'a udde tawe uaapidda? Allangngu tawe maataṛṛangnga maasilo asasusa apan maṛṛia'a su iamangngi yami udde.”

PANDARIADDI 21:16

ana see inuma'ianna iraṛṛangngo maṛṛasutta su meteṛṛene wuassu tampa udde. Wisarane sulal᷊ummu naungnga, “I ya'u tawe maataṛṛangnga ma'ellega ana'u mate.” Ana see i tou nilumuaiten.

YESAYA 34:12

Tawe ratu apan uaparenta wanua udde, wuṛṛu anambon piaṛṛangnge nawul᷊ite.

YEREMIA 20:4

Mawu sassane nabbisara, ‘I'o sarun Ta'u olaanna pangalo su watangannu sassane wuṛṛu su manga hawenu. I'o sarun maasilo i mangitou pateannu seetti mangitou. Anambon taumatan Yehuda sarun Ta'u iwala tataṛṛinoannu ratun Babel; sambageanganna wuassi mangitou sarun iapidde maola'a tawananna watukku Babel, wuṛṛu lambene sarun pateanna.

YEREMIA 34:3

I'o tawe maatal᷊angnga, ewe'e sametanna wuṛṛu itantilla si tou. I'o sarun massomba wuṛṛu maggahatton tou sassane, wua'udde i'o inaite watukku Babel.

YEREMIA 38:23

I ya'u nabbisara apia, “Anambon ana'a, awingngi Tuangnga sarun iapidda ringannu taumatan Babel. I Tuangnga sassane lai tawe maatal᷊angnga si mangitou. Tuangnga sarun sametannu ratun Babel, wuṛṛu soa indi soṛṛowanna sara masue.”

YEHEZKIEL 23:24

I mangitou sarun mamangalo si'o wuassu sawannakka ringannu tantara apan bahewalla, ringannu manga keretan pangalo wuṛṛu manga kereta uaapiddu wal᷊unna. Ringannu lal᷊indumannu allungnga wuṛṛu manga araposa waja, i mangitou sarun mamangalo si'o. Sarun Ta'u iwala i mangitou makkuungngu tumuṛṛuttu manga tita mangitou sassane.

YEHEZKIEL 24:5

Paata'e ṛemessu domba apan matawa wuṛṛu muda tambai lai alune su sunggilla. Wala'a pahogoṛṛa'a wuṛṛu sumopa ua'ene lantute ṛemessa udde ringannu manga duṛṛine.”

ZEFANYA 1:8

“Su allon pamamate udde,” wisaran Mawu, “I Ya'u sarun makkuumannu manga tembonanne, manga umbasanna ana'u ratu, wuṛṛu anambon taumata apan mappaamattu lal᷊aghun taumata raho.