YEREMIA 38:5 - WUKE SUSI WATTI'U AL᷊AL᷊USASSA

⁵ Ratu Zedekia sinumimbakka, “Mapia! Ola'e i tou ere su apulun kamiu, i ya'u tawe maawo'a si yamiu.”

YEREMIA 38:5 Referans Kwoze

2 SAMUEL 3:39

Salaiwe i ya'u indi ratu apan nipilen Duata, arawe orassa indi ya'u naapendamma nallome. Manga ana'i Zeruya udde tumaniten maṛṛagissa. I ya'u tawe maatokki mangitou. Doronganna Mawu makkuumannu taumata lal᷊eo udde, uasul᷊ungngu inolaanni mangitou!”

AMSAL 29:25

Matta'uttu addapattu taumata, pangillul᷊eanne asasusa. Pangimante Mawu, ne i'o sarun matammudda.

2 SAMUEL 19:22

Arawe i Daud nabbisara si Abisai wuṛṛu si Yoab iaangnge, “Ariete pallo'a su hatto indi. Anio i yamiu mapasusa'u? Su allo indi ya'u naola'e ratu apia su Israel, wuṛṛu tate wotongnge pia taumatan Israel apan iṛṛuumanna pateanna.”

1 SAMUEL 29:9

Akhis sinumimbakka, “I'o masingkatta manungku ya'u uaantimma si'o matuṛṛutta ere mala'ekattu Ruata. Arawe manga tembonannu tantara udde buatte nakkawessa manungku i'o tawe wotongnge mapapangalo suadio'a ringanni yami.

1 SAMUEL 15:24

Naaringikka udde i Saul nanga'u si Samuel, wisarane, “Atonna ya'u buatte na'ola'a rosa. I ya'u nilumawangke parentan Mawu wuṛṛu tawe naddaringikka tatantiron Papa. I ya'u matta'uttu tantara'u, ana see ya'u nangutungngu darorongngi mangitou.

YEREMIA 26:14

Su ola'u watangangku, atonna sulal᷊ummu taṛṛinonu ipa'ola'a manga apa tumuṛṛuttu apulunu.

YEREMIA 37:17

Wua'udde i Ratu Zedekia nandolokku taumata niapaapi'u sumaruanna si tou su wal᷊en araratuanna. Isudde ringannu iaaddapinga i tou naiwal᷊o si ya'u apa pia tanata wuassu Mawu. “Pia,” sasimba'u. See tinamba'u, “Tuangnga sarun itantilla su ratun Babel.”

DANIEL 6:16

Wua'udde manga taumata udde nabbelengnga apa sinumaṛṛuanna ratu wuṛṛu nabbisara, “Tuangku, rinone Tuangku mannaungnga manungku tumuṛṛuttu atoranna su Media wuṛṛu Persia, parenta apan niapasabbangngu ratu tate wotongnge iawal᷊u.”

DANIEL 6:17

Ne panginsueanne ratu namarenta tadea'u Daniel sametanna wuṛṛu itaṛṛo sul᷊al᷊um muliangngu singa. Ratu nabbisara si Daniel, “Antimanna Ruatanu apan sassubbannu ringannu satia udde manal᷊amatta si'o.”