YEREMIA 38:22 - WUKE SUSI WATTI'U AL᷊AL᷊USASSA

²² Sulal᷊ummu aellega udde i ya'u naasilo anambon bawine apan ta'e su wal᷊en araratuannu Yehuda niapasabbangnga su liudde ṛattangannu manga tembonannu Babel. Lapiddu u'amatta i mangitou mabbisara, ‘Ratu niaawusuante manga hawene ate, wuṛṛu paparentanni mangitou. Orassa indi, napawe leddane nal᷊ioṛṛo'a sulal᷊ummu labbo, i mangitou sarangkanambone sinumoṛṛotta.’ ”

YEREMIA 38:22 Referans Kwoze

LAL᷊ALLU 5:11

Manga wawine su Sion niṛṛampassa, manga maṛṛuala nil᷊al᷊eo su manga ampungngu Yehuda.

LAL᷊ALLU 1:2

Su al᷊o'engngu ṛabbi i tou lulluai massusa, allon matane mangngelekka su wambala. Tawe saran sangkatou wuassu arangnguanne apan mappulu maminalatta si tou. I tou nil᷊al᷊eon manga hawene apan nabbal᷊i'e nabbal᷊i ro'appa.

YEREMIA 43:6

Esakka, wawine, al᷊aṛṛana'a, manga sinangianna apan nitantilli Nebuzaradan su lu'addi Gedalya, nasutta i ya'u wuṛṛu i Barukh, sarangkanambone niapidda su Mesir.

MIKHA 7:5

Imbaṛṛangnga mangimanna su manga al᷊indongannu, ariete mangantimma hawenu. Paatehamma ringannu manga wisaranu salaiwe apan maddaringikka udde awingngu sassane.

LAL᷊ALLU 1:13

Wuassu langitta i Tou nanossokku putungnga apan manoṛṛoba sara lal᷊ummu naungku. I Tou nantaingngu sedda su saruangku na'oman sara i ya'u nul᷊ussa. Ana see niwala-Ne i ya'u sassane uatataṛṛangnga su al᷊o'engngu allo.

YEREMIA 41:10

Wua'udde i Ismael nanametta manga sinangiannu ratu wuṛṛu anambon taumata apan ta'e uatana'a su Mizpa apan buatte nitantilli Nebuzaradan su lu'addi Gedalya. I Ismael nanawanna si mangitou ana see inaite suadio'a ringannu mangitou watukku wageangngu Amon.

YEREMIA 38:19

Ratu sinumimbakka, “I ya'u matta'uttu manga taumatan balahanni ite apan buatte tinumal᷊angnga ringannu taumatan Babel. Aṛṛengenne i ya'u itantilla si mangitou wuṛṛu sansaranna.”

YEREMIA 20:10

Niaringiṛṛanna taumata sussal᷊imburunga suapan tampa, “Atata'utta suapan tampa! Wette alaea'e udde siapa pia taṛṛinone!” Ewe'e lai anambon hawe'u ate uaṛṛaddo ananawo'u. Unni mangitou, “Asinungka ringannu sasal᷊o'a, i tou wotongnge iawaddo, tadea'u wotongngete i ite mabbal᷊issa atataddu'u naungnga si tou.”

YEREMIA 6:12

Wal᷊e mangitou sarun ionggolla su taumata waine, aroddi lai manga wailla wuṛṛu inangngu ana'i mangitou. Tumana'u wanua indi sarun iṛṛuumanna.

YESAYA 42:17

Taumata apan mangngimanna su paal᷊uanna sassubbanna wuṛṛu mangnga'u udde maola'a mawu mangitou, sarun lobbosanna wuṛṛu pansilianna.”

DARALO 69:14

Arawe i ya'u niumal᷊iomanna Si'o, oh Mawu, oh Ruata, simbaṛṛewe i ya'u sutempo apan mapia. Ontol᷊ewe i ya'u ana waugu darangngu-Nu apan wahewalla wuṛṛu ana waugu paddul᷊i-Nu.

DARALO 69:2

Sal᷊amatewe i ya'u, oh Ruata, ana waugu ua'e sarate ullekka'u.

DARALO 41:9

I mangitou mabbisara, “Radange mawakkate atonna, i tou lai maawangunna.”

YEREMIA 46:21

Ewe'e lai manga tantara apan nisewanne tawe naail᷊ore ere ana'u sapi apan tumanite matawa. I mangitou tawe naataṛṛangnga. Sarangkanambone nabbal᷊i'a wuṛṛu tinumal᷊angnga tadea'u masal᷊amatta. Allo ṛuumanni mangitou nia'omante; temponete i mangitou aṛṛiaannu asasilaka.

YEREMIA 46:5

Arawe i Ya'u, Mawu, ma'asilo si mangitou sinumoṛṛotta matta'utta. Manga tantara mangitou niwaddo, wuṛṛu tinumal᷊angngu atata'utta ringannu tawe nanaille liudde.

YEREMIA 8:10

Ana waugu udde i Ya'u sarun mangonggollu wailla su manga mawun leta'a waine, wuṛṛu awingngi mangitou su taumata waine. I mangitou sarangkanambone, wahewalla addio'a, maddea'a auntungnganna ringannu lal᷊anne mammahia. Ewe'e lai manga nabi wuṛṛu imam mangngawusu taumata.

YEREMIA 13:21

Apa apan sarun iwisarang kamiu amungkangngu manga taumata apan haggaweanni yamiu namaddo wuṛṛu uataṛṛino si yamiu? I yamiu sarun maapendamma hiadda ere wawine apan tantal᷊anna mangngunsiwe.

YEREMIA 38:21

Arawe amungkangngu i Tuangnga maddiri manatillu watangannu, Mawu buatte namasilo si ya'u apa apan sarun mariaddi.

AYUB 6:15

Arawe i yamiu, ei manga hawe, tawe apangimananna wuṛṛu iawansaga. I yamiu naal᷊ihidda sal᷊ukka apan niasueannu ua'ene, napawe uranna tawe rumanta.

YEREMIA 27:14

Ariete paddaringikka manga nabi apan manningaddi Tuangnga massuṛṛubbawa su ratun Babel, ana waugu i mangitou mammahia si Tuangnga.

YEREMIA 27:15

I mangitou nabbisara manungku i mangitou mabbisara ringannu arannu Mawu, arawe i mangitou mangngawusu. Mawu sassane nabbisara manungku i Tou tawe nandolokki mangitou. Ana waugu udde i Tou sarun manal᷊iawukka wuṛṛu mamate si Tuangnga suadio'a ringannu manga nabi apan buatte nangawusu si Tuangnga.”