YEREMIA 37:21 - WUKE SUSI WATTI'U AL᷊AL᷊USASSA

²¹ Ne i Ratu Zedekia namarenta tadea'u i ya'u iṛṛuumanna su rallakku wal᷊en araratuanna. Nariaddi i ya'u uatana'a isudde, wuṛṛu allo-allo a'onggol᷊annu roti wuassu tampa pa'olaanna roti na'oman sara saddian roti su soa udde nasue abbi.

YEREMIA 37:21 Referans Kwoze

YEREMIA 38:28

I ya'u sidutu tataṛṛanganna su rallakku wal᷊en araratuanna na'oman sara allo Yerusalem niaṛṛon seetta.

YEREMIA 38:13

Wua'udde i mangitou nabbatunna si ya'u, sinumabbangnga wuassu paṛṛihi udde. Wua'udde i ya'u tinaṛṛanganna su rallakku wal᷊en araratuanna udde.

YEREMIA 52:6

Su allo assione wul᷊anna aiappanne tonna udde lai, sutempo al᷊aṛṛutumma tumaniten masaddatta na'oman sara tumanangnge tate lai anna saran addio'a,

YEREMIA 38:9

“Tuangnga Apan Mawantuga, inolaannu manga taumata udde dal᷊eo. I mangitou buatte nantaṛṛon Nabi Yeremia sulal᷊ummu paṛṛihi; i tou sarun mate amal᷊unusanna isudde, ana waugu anna nasuete su soa indi.”

YEREMIA 32:2

Sutempo udde tantaran ratun Babel tantal᷊anna mammangalo Yerusalem. I ya'u nitaṛṛanganna su rallakku wal᷊en araratuanna

YESAYA 33:16

Ne i yamiu sarun lal᷊u'aranna wuṛṛu amanna, ereola'u sulal᷊ummu tanda batu apan matohassa. Anna wuṛṛu ua'e uddete nasaddiate si yamiu.

2 MARARATU 25:3

Su allo assione wul᷊anna aiappane tonna udde lai ṛutumma aroddite ahewalle na'oman sara tumanange tate maasomba anna sarangkadio'a,

AYUB 5:20

Napawe ṛutumma rumantate, i'o tawe mate amal᷊unusanna. Napawe pangalo mandasakka maata'utta, i'o mal᷊iu wuassu papate.

2 TIMOTIUS 2:9

Ana waugu mabatti'u Watti'u Al᷊al᷊uassa udde, i ya'u natataṛṛangnga; ewe'e lai na'oman sara niṛṛapussa ere sangkatou taumata lal᷊eo. Arawe wisaran Duata tawe iaṛṛapussa.

2 TIMOTIUS 1:8

Ana waugu udde arie masili mangonggolu tatiala su ola'u Mawun kite, wuṛṛu arie lai masili su ola'u riri'u, apan niṛṛuumanna ana waugu i Tou. Arawe ṛinone i'o ringannu atatohassa wuassu Ruata, sidutu sulal᷊ummu asasusa lai ana waugu Watti'u Al᷊al᷊uassa udde.

EFESUS 6:20

Ana waugu ete Watti'u Al᷊al᷊uassa udde, i ya'u naola'a sangkatou daroloṛṛanna, wuṛṛu orassa indi sulal᷊ummu tuttupanna. Aal᷊iomante tadea'u i ya'u waṛṛani mabbisara su ola'u Watti'u Al᷊al᷊uassa udde, su ereapa i ya'u ṛinone mabbisara.

EFESUS 4:1

Ana waugu udde i ya'u – sangkatou taumatan ṛuumanna, apan nitaṛṛanganna ana waugu mangngimbe Mawu – sussal᷊ande si yamiu: pabbiakke uasulungngu ere io sangkatou taumata apan suete niwagoannu Ruata.

WATTI'U MANGA RASUL 28:30

Rua tonna al᷊annune i Paulus uatana'a su Roma, su wal᷊e apan sasewanne sassane. I tou mal᷊uassa manarimmattu anambon taumata apan rudanta mattembo si tou.

WATTI'U MANGA RASUL 28:16

Napawe na'omate su Roma, i Paulus niwala matana'a sassane wuṛṛu rariagannu sangkatou tantara.

WATTI'U MANGA RASUL 24:27

Napawe ruate tonna, i Perkius Festus nallol᷊ossa si Feliks naola'a gubernure. Wuṛṛu ana waugu i Feliks maapulu massal᷊o'u naungngu manga taumatan Yahudi, i tou namalam Paulus sulal᷊ummu tuttupanna.

WATTI'U MANGA RASUL 12:5

Nariaddi i Petrus tataṛṛangante su tuttupanna; arawe manga jamaatta sidutu u'al᷊iomanni Petrus su Mawu ringannu atonna-tonna.

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

LAL᷊ALLU 5:10

I yami uatataṛṛangu al᷊al᷊unussa, na'oman sara pisi ere waṛṛa su sunggilla.

YEREMIA 32:8

See naṛṛino ereapa buatte niwisara Mawu, nirumantate i Hanameel ringangku su rallakku wal᷊en araratuanna, wuṛṛu maddorongnga tadea'u i ya'u mamalli letangnge. Ana waugu udde i ya'u nangimanna Mawu atonna-tonna buatte nabbisara si ya'u.

AMSAL 21:1

Uasul᷊ungngu ere Mawu nangatokku ua'en sal᷊ukka tadea'u mangelekka tumuṛṛuttu apulu-Ne, aroddi lai i Tou mangngehetta ṛingirannu ratu.

AMSAL 16:7

Amungkangngu i'o maal᷊uassa naungngu Mawu, manga seennu olaanna hawe.

DARALO 37:19

Sutempon asasusa i mangitou tawe mataṛṛangnga, sutempon ṛutumma i mangitou sidutu nasuungnga.

DARALO 37:3

Pangimante Mawu, wuṛṛu pa'ola'e apapia, pamanuate su wanua udde wuṛṛu paatul᷊idda mabbiakka.

YEREMIA 33:1

Sutempo i ya'u ta'e tataṛṛanganna si rallakka, i ya'u naasomba tanata wuassu Mawu

YEREMIA 38:6

Wua'udde i mangitou nanganute si ya'u wuṛṛu i ya'u nisossokka ringannu tal᷊i sulal᷊ummu paṛṛihi Malkia parinsin datu, apan aaddone su rallakku wal᷊en araratuanna. Tawe ua'e sulal᷊ummu paṛṛihi udde, tumba'u labbo, ne i ya'u sinumuttate sulal᷊ummu labbo udde.

YEREMIA 20:2

i tou namarenta tadea'u i ya'u puul᷊anna wuṛṛu imantungnga su Ngaran Benyamin, ngara al᷊iurosne su Wal᷊en Mawu.