YEREMIA 36:7 - WUKE SUSI WATTI'U AL᷊AL᷊USASSA

⁷ Asinungka ana waugu udde i mangitou sarun umal᷊iomanna su Mawu, wuṛṛu mawal᷊u wuassu manga inolaanni mangitou apan dal᷊eo. Mawu mangke nasa'u atonna si mangitou wuṛṛu mammansaggi mangitou.”

YEREMIA 36:7 Referans Kwoze

YEREMIA 36:3

Asinungka taumatan Yehuda tate ma'ola'a al᷊al᷊eo napawe i mangitou maaringikka su ola'u anambon asasilaka apan Ta'u niṛṛia'a si mangitou. Ne i Ya'u sarun mangampungnga rosa wuṛṛu al᷊al᷊eo mangitou.”

HOSEA 5:15

Uma-U sarun Ta'u itantangnga ma'oman sara i mangitou natimute uatataṛṛangnga ana waugu manga rosane, wua'udde rumanta maddea'a si Ya'u. Asinungka sulal᷊ummu asasusane, i mangitou sarun mattinsahadda maddea'a si Ya'u.”

LAL᷊ALLU 4:11

Mawu napasabbangngu asasa'u-Ne wuṛṛu nanoṛṛobba Soa Sion na'oman sara naddatakku leta'a.

YEREMIA 21:5

I Ya'u sassane sarun mamangalo si yamiu ringannu ahewallu auatanna ringannu asasa'u apan nangillembo.

YEREMIA 4:4

Agasse pa'airenu si Ya'u, Mawunu, wuṛṛu ṛaea'e watangannu tumba'u huna-U, ei tumana'u Yehuda wuṛṛu Yerusalem. Amungkangngu tawe, ne asasa'u-U sarun ṛumopa wuṛṛu manoṛṛobba ere putungnga apan tawe iapaddummu isai-sai. Sarangkanambone udde sarun maṛṛia'a su watangannu ana waugu manga inolaannu apan dal᷊eo.”

2 MARARATU 22:17

I mangitou buatte nanantangku wuṛṛu nangonggolu sasamba su manga mawu waine. Sarangkanambone apan niola'i mangitou naal᷊al᷊eo naung-Ku. I Ya'u nasa'u si Yerusalem, wuṛṛu asasa'u-U tawe al᷊imbatanna.

2 MARARATU 22:13

“Roote paiwal᷊o Mawu su ereapa i ya'u wuṛṛu anambon tumana'u Yehuda su ola'u lal᷊oṛṛon buke indi. Mawu nasa'u si ite ana waugu al᷊amonan kite tawe mapaamattu manga parenta apan uawoṛṛetta sulal᷊umme.”

ZAKARIA 1:4

Ariewe ere iupungngu al᷊amonanu. Sutempon dorone manga nabi mammasingkattu tanata-U si mangitou tadea'u i mangitou tate lai ma'ola'a al᷊al᷊eo wuṛṛu ma'ola'a rosa. Arawe i mangitou tawe maddaringikka wuṛṛu maddiri tumuṛṛutta si Ya'u.

YUNUS 3:8

Taumata wuṛṛu winatangnga ṛinone mappaattu nasa karongnga. Maola'a tatialan sasassillu anambon taumata ṛinone umal᷊iomanna ringannu atonna-tonna su Ruata. I mangitou ṛinone mangapia pallal᷊agune apan dal᷊eo wuṛṛu inolaanne apan nepenen dosa.

DANIEL 9:13

Al᷊awo'u asasilaka apan uaweoṛṛetta sulal᷊ummu Titan Musa buatte niapaṛṛia'u Mawu si yami. Arawe salaiwe aroddi, oh Mawu Ruatan kami, i yami ta'e lai mannol᷊a'a malluassa naung-Nu. I yami sidutu maddiri manantangngu manga rosan kami wuṛṛu maddiri lai maddaringikka manga al᷊aṛṛang-Ngu.

YEHEZKIEL 20:33

“Sulal᷊ummu arang-Ku, Ruata apan biakka, Mawu Apan Atanggaṛṛanne, i yamiu Ta'u iapanaungnga manungku ana waugu asasa'u-U, i yamiu sarun parentang-Ku ringannu maṛṛagissa wuṛṛu matotogga ma'oman sara i yamiu maasingkatta taṛṛino-U. I yamiu apan buatte Ta'u nisal᷊iawukka.

YEHEZKIEL 13:13

Mawu Apan Atanggaṛṛanne nabbisara, “Sulal᷊ummu asasa'u-U, i Ya'u sarun mandatan anginna wahewalla, uranna masaddatta wuṛṛu uranna eisse ipakkimunsa'a darandungnga udde.

YEHEZKIEL 8:18

I mangitou sarun mattemma asasa'u-U apan bahewalla! I Ya'u tawe mangonggollu ampunge si mangitou. Salaiwe i mangitou mangintul᷊in aal᷊iomanna si Ya'u ringannu ma'ikka-ikkatta, i Ya'u maddiri maddaringikka!”

YEHEZKIEL 5:13

I'o sarun maapendamma asadattu asasa'u wuṛṛu al᷊al᷊eo naung-Ku ma'oman sara i Ya'u mul᷊ete. Napawe sarangkanambone udde nariaddite, i'o sarun mangimanna atonna manungku i Ya'u, Mawu, buatte nabbisara si'o, ana waugu i Ya'u massa'u su ola'u lal᷊awangngu.

YEREMIA 26:3

Asinungka walahanna udde maddulu maddaringikka, ana see maddote ma'ola'a al᷊al᷊eo, ma'oman sara i Ya'u tate manakkuttu apulu-U eteudde manilaka si mangitou uasul᷊ungngu inolaanni mangitou apan dal᷊eo.”

YEREMIA 25:5

I mangitou mandolokki yamiu manatangngu ola'u pabbiaṛṛannu apan dal᷊eo, wuṛṛu manga inolaannu apan ma'arosa, tadea'u i yamiu wotongnge sidutu uatana'a su wanua indi apan buatte nionggollu Mawu si yamiu wuṛṛu al᷊amonanu maola'a pussa'a.

YEREMIA 19:15

manungku Mawu Apan Lembontaṛṛino, Ruatan Israel, nabbisara arendi, “Ana waugu mal᷊awangnga wuṛṛu maddiri maddaringikka, ne i Ya'u sarun mandantan su soa indi wuṛṛu su anambon ampungnga maranine al᷊awo'u asasilaka apan buatte Ta'u nihol᷊aga.”

YEREMIA 16:10

Napawe i'o mamasingkattu sarangkanambone indi si mangitou, asinungka i mangitou sarun maiwal᷊o anio i Ya'u makkuumanni mangitou aroddi ahewalle. I mangitou sarun maiwal᷊o apa pasasal᷊a wuṛṛu rosa mangitou si Ya'u, Mawu Ruata mangitou.

YEREMIA 1:3

Wua'udde Mawu nabbisara si tou apia ringannu masokka-sokka, manattakka wuassu i Yoyakim ana'i Yosia uaparenta naddatingngu tonna mapul᷊oassa i Zedekia ana'i Yosia uaparenta. Su wul᷊anna al᷊imane tonna udde lai tumana'u Yerusalem niṛṛuwo watukku pamamuanganna.

2 TAWARIKH 34:21

“I yamiu roote paiwal᷊o Mawu, su ola'u i ya'u wuṛṛu manga taumata apan ta'e uatana'a su Israel wuṛṛu Yehuda su ola'u lal᷊oṛṛon buke indi. Mawu nasa'u si ite ana waugu al᷊amonan kite tawe napaamattu manga parenta apan uawoṛṛetta sulal᷊umme.”

TAHIUL᷊E 31:17

Amungkangngu udde mariaddi, i Ya'u sarun masa'u nipangillembo su saruanni mangitou. I mangitou sarun Ta'u itantangnga wuṛṛu Ta'u pateanna. Manambo asasusa apan masaddata maṛṛia'a si mangitou, ana see i mangitou maatutukka manungku sarangkanambone udde nariaddi ana waugu i Ya'u, Ruatan mangitou, tate lai ual᷊u'adda si mangitou.

TAHIUL᷊E 31:16

Wisaran Mawu si Musa, “Papatenu maranite. Su apapul᷊enu walahannu Israel maddirite tumuṛṛutta si Ya'u wuṛṛu lumawangke pa'aire apan Ta'u niola'a si mangitou. I mangitou sarun manantang-Ku wuṛṛu massubba manga Mawu apan sassubbanna su wanua apan tate mal᷊annu lai suttanni mangitou.

YEREMIA 37:20

Orassa indi, i Tuangnga apan mawantuga, doronganna maddaringikka darorongku indi. Ariewe i Tuangnga mandolo'u apia watukku tattupanna su wal᷊en Yonatan udde, antahanna i ya'u mate poiaroddi.”

YEREMIA 42:2

ringangku wuṛṛu nabbisara, “Papa, ere lai aellehenni Papa sassane, i yami indi dorone manambo, orassa indi ete addio'a. I yami sumal᷊ande si Papa umal᷊iomanni yami su Mawu Ruata apan sassubbanni Papa. Al᷊iomana'e i yami apan lambene indi,

YEHEZKIEL 12:3

Ana waugu udde, ei taumata apan mattate, tantal᷊anna allo ta'e allatune, pandiahite manga saranapanu su lal᷊ummu sambau wungkusanna ere inanaramanna a'olaannu taumatan buanganna. Tantal᷊anna ṛabbi taambe, tantanga'e wal᷊enu su saruanni mangitou ere taumata apan iapidda su pamamuanganna. Ola'e loṛṛangnga su darandungngu wal᷊enu ringannu aellehannu taumata mal᷊awangnga udde, wuṛṛu apira'e pinampiunanna apan lal᷊oṛṛoannu manga saranapanu udde see sabbangnga wuassu loṛṛangnga udde. Pasante pinampiunanna udde su wambangngu. Amatte sulal᷊ummu wasa tuudda; taapete matanu ma'oman sara i'o tawe maasilo lal᷊anna apan a'amatannu. Wala'e ahewallu walahannu Israel maasilo sarangkanambone apan niolangngu udde, tadea'u maola'a pananaunganna si mangitou. Asinungka i mangitou sarun maatinnau manungku i mangitou udde lumal᷊awangnga.”

DANIEL 9:18

Daringiṛṛewe i yami, oh Ruata, elehetewe i yami wuṛṛu intannoiwe asasusan kami see ahahohakku soa apan isassago ringannu aran-Nu. I yami umal᷊iomanna Si'o wal᷊inewe ana waugu manga inasaharanni yami, ewe'e ana waugu I'o napenen darangngu.

YOEL 2:12

Mawu nabbisara, “Arawe orassa indi, pabbelengke ringang-Ku ringannu al᷊al᷊uassu naungnga, lapiddu mappuasa, sumangitta wuṛṛu lumuai.

YOEL 2:13

Hesa'e naungngu wuṛṛu wal᷊ine sahenggellu.” Panailete Mawu Ruatanu. I Tou masabbare wuṛṛu maakkanna masaṛṛionto'a wuṛṛu napenen darangngu. Mal᷊uassa mangampungnga wuṛṛu maddiri makkuumanna.