YEREMIA 36:24 - WUKE SUSI WATTI'U AL᷊AL᷊USASSA

^24-25 Salaiwe i Elnatan, i Delaya, wuṛṛu i Gemarya mangke sussal᷊ande tadea'u ratu tawe manutungnga buke lalul᷊unanna udde, arawe i tou maddiri maddaringikka si mangitou. Mawae ete ratu aroddi lai manga tembonanne apan naaringikka lal᷊oṛṛon buke udde tawe mata'utta ara'e pia apendamma sussassilla.

YEREMIA 36:24 Referans Kwoze

YEREMIA 36:16

Napawe i tou buatte nabbasa, i mangitou nasasailete ringannu apendamma sussinggawanga ana see nabbisara si Barukh, “I yami ṛinone mamasingkattu olangnge indi su ratu.”

DARALO 36:1

Su piaṛṛa'u mangangantari. Wuassi Daud, allangu Mawu.

YUNUS 3:6

Sutempo ratun Niniwe naaringikka watti'a udde, i tou nasasaṛṛawutta sinumossokka wuassu adderan araratuanne. I tou nalluatta juban araratuanne wuṛṛu nalluṛṛe nasa karongnga, see niuma'ianna su wowon awu.

YESAYA 36:22

Ne i Elyakim, i Sebna wuṛṛu i Yoah nanggesa'a laungnge maola'a tatiala massusa, wua'udde inaite namasingkatta ratu sarangkanambone apan buatte niwisaran tembonannu tantaran Asyur udde.

DARALO 64:5

Wuassu pa'imbunianne i mangitou mannal᷊iawukku watti'a awusu, ringannu tawe mata'utta i mangitou mangngadio'a taumata apan tawe sal᷊ane.

1 MARARATU 21:27

Napawe i Elia nuddusse nabbisara, i Ahab nanggesa'a laungnge wuṛṛu nalluṛṛen laubba karongnga naola'a tatiala sussassilla, ana see nappuassa. Sutempo mati'illa lai i tou nappaattu nasa karongnga, wuṛṛu amungkangngu umamatta, hatine sidutu massusa.

ROMA 3:18

wuṛṛu tawe massubba Ruata.”

MATIUS 12:41

Su Allong Kiamatta, lal᷊oṛṛo Niniwe sarun mabangunna su sambau ringannu manga taumatan tempo indi wuṛṛu mapaasal᷊a mangitou. Ana waugu manga taumata Niniwe udde nawal᷊u wuassu rosa mangitou, su tempo Yunus nannase si mangitou. Arawe orassa indi pia maggewal᷊anne wuassi Yunus!

YEREMIA 5:3

Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.

YESAYA 26:11

Mawu, I'o nasaddiate makkuumannu seen-Nu, arawe i mangitou waggate. Wala'ewe i mangitou masili maasilo darangngu-Nu su uman-Nu. Wala'ewe i mangitou masue maṛṛadda'a ringannu ṛuumanna apan buatte nisaddia-Nu si mangitou.

AYUB 15:4

Unnuwisara hattonu udde tuṛṛutanna, tate sangkatou taumata apan mata'utta ara'e umal᷊iomanna su Ruata lai.

PANDARIADDI 37:29

Napawe nabelengnga su paṛṛihi udde wuṛṛu tawe naasilo si Yusuf isudde, i tou nanggesa'a laungnge ana waugu massusa.

PANDARIADDI 37:34

I Yakub nanggesa'a laungnge ana waugu massusa wuṛṛu nalluṛṛen laubbu lalal᷊o. Aroddi al᷊annune i tou lulluain anangnge udde.

2 SAMUEL 1:11

Naaringikka watti'a udde i Daud nanggesa'a laungnge ana waugu massusa, wuṛṛu anambon tantarane na'ola'a aroddi lai.

YESAYA 37:1

Sutempo udde i Ratu Hizkia naaringikka aalae wuassu siri tallu taumata udde, i tou nanggesa'a laungnge wuṛṛu nalluṛṛen karongnga tatiala massusa, wua'udde i tou inaite su Wal᷊en Mawu.

SASABANGNGA 7:23

Ewe'e lai i tou napul᷊e watukku wal᷊en araratuanna ringannu tawe apendamma su arariadianna udde saran addio'a.

DARALO 36:2

Rosa mabbisara sulal᷊ummu naungngu taumata lal᷊eo, i tou mangke tawe mata'uttu Ruata.