YEREMIA 36:21 - WUKE SUSI WATTI'U AL᷊AL᷊USASSA

²¹ Wua'udde ratu nandolokki Yehudi inai niapaal᷊appa buke lalul᷊unanna udde. Napawe buatte nianu wuassu wabbo'an Elisama, i Yehudi nabbasate su saruannu ratu wuṛṛu su anambon tembonanne apan tantal᷊anna uarisikka uapal᷊iwutta si tou.

YEREMIA 36:21 Referans Kwoze

2 MARARATU 22:10

Wua'udde i Safan nabbisara, “i Hilkia nangonggolu wuke indi si ya'u.” Ana see i Safan nabbasaten buke udde niapararingikka su ratu.

2 TAWARIKH 34:18

Wua'udde i tou nabbisara apia, “Hilkia nangonggolu wuke indi si ya'u.” Ana see i Safan nabbasate wuke udde su saruannu ratu.

YEREMIA 36:15

“Ringannu addata aiana'e,” unnu mangitou, “wasa'e buke lalul᷊unanna udde si yami.” Ne i Barukh tinumuṛṛutta.

YEREMIA 26:2

Mawu nabbisara si ya'u, “Roote darisikka su rallakku Wal᷊e-U wuṛṛu pabbisarate su tumana'u Yehuda apan uddanta mattaṛṛamawu isudde. Wal᷊oa'a si mangitou sarangkanambone apan Ta'u nirolokka si'o tadea'u iapasingkatta si mangitou. Arie hainganna sarang kaddio'a.

YEREMIA 23:28

Nabi apan nabbal᷊iawa ṛinone mabbisara, ‘Indi tumba'u wal᷊iawa.’ Arawae nabi apan naasomba tanata wuassia-U ṛinone mamasingkattu tanata udde ringannu atonna. Gandumma tawe iasul᷊ungngu laṛṛami.

YEREMIA 36:14

Wua'udde manga tembonanne udde nandolokki Yehudi (eteudde ana'i Netanya, pulunni Selemya, tuwonnuta'i Kusyi) ringanni Barukh ringannu parenta tadea'u iaparanta wuṛṛu mangapidda ringanni mangitou buke lalul᷊unanna apan buatte niwasane udde. Ne i Barukh nangapidden buke udde.