YEREMIA 36:10 - WUKE SUSI WATTI'U AL᷊AL᷊USASSA

¹⁰ Ana see i Barukh nabbasa wuassu buke lallul᷊unanna udde al᷊awo'a apan buatte ta'u niwal᷊o, wuṛṛu sarangkanambone uararingikka. Pabbawasa udde niola'a su Wal᷊e Mawu su antorin Gemarya, ana'i Safan ruddu tul᷊issu araratuanna. Antori udde addone su rallakka al᷊iu rosone, maranin dal᷊anna sumutta watukku Ngara pasallanganna Wakku su Wal᷊en Mawu.

YEREMIA 36:10 Referans Kwoze

YEREMIA 36:11

I Mikhaya ana'i Gemarya wuṛṛu pulunni Safan uararingikka si Barukh mabbasan bisara Mawu wuassu buke lalul᷊unanna udde.

YEREMIA 52:25

siri pitu mananantiron datu apan ta'e uatana'a su soa, panglima, tepellu panglima apan mammanara administrasin tantara, wuṛṛu siri annummu pul᷊o tembonanne waine.

YEREMIA 26:10

Sutempo manga tembonannu araratuannu Yehuda naaringikka apa apan buatte nariaddi, i mangitou nasasaṛṛawutta sinumabbangnga wuassu wal᷊en araratuanna ana see inaite watukku Wal᷊en Mawu, wuṛṛu niuma'ianna su Ngara Pasallanganna Wakku.

YEREMIA 36:8

Ne i Barukh nabbasaten bisara Mawu su Wal᷊e Mawu, ere buatte niparenta si tou.

YEREMIA 36:6

Ana waugu udde, amungkangngu nia'omante tempone taumata mappuasa, i'o ṛinone inai poiaroddi, wuṛṛu mabbasa ringannu tingikka ma'ikkatta sarangkanambone apan ta'u niampona si'o, tadea'u i mangitou maddaringikka anambon bisara Mawu si ya'u. Manarate udde su tampa apan botongnge i'o daringiṛṛannu suapan taumata apan sulal᷊ummu Wal᷊en Mawu, nasutta taumatan Yehuda apan nirumanta wuassu manga soa mangitou.

YEREMIA 35:4

I ya'u nangapiddi mangitou watukku Wal᷊e Mawu sulal᷊ummu wabbo'a manga mal᷊aṛṛenggeni Nabi Hanan ana'i Yigdalya. Wabbo'a udde addone al᷊iurosone wuassu wabbo'a Imam Maaseya ana'i Salum, maranin wabbo'a manga mammamanara waine. Maaseya uddewe pegawe apan atanggaṛṛanne apan uariaga manga ngara su Wal᷊en Mawu.

YEREMIA 29:3

I ya'u napaapiddu suratta udde si Elasa ana'i Safan, wuṛṛu si Gemarya ana'i Hilkia apan nirolokki Zedekia ratun Yehuda ringanni Nebukadnezar ratun Babel. Suratta udde tingikke,

YEREMIA 26:24

Arawe orassa indi, ana waugu al᷊amattu patatul᷊ungngi Ahikam ana'i Safan, i ya'u Yeremia tawe nitantilla su tumana'u wanua niapapate.

2 MARARATU 18:37

Ne i Elyakim, i Sebna, wuṛṛu i Yoah nanggesa'a laubbi mangitou tatialan massusa, ana see inaite nangalae ratu sarangkanambone apan buatte niwisaran perwiran Asyur udde.

2 MARARATU 15:35

Arawe tumba'u sangkule, manga tampa passubanna monganna tawe nihohakka na'oman sara tumanange sidutu mangangapiddu sasamba wuṛṛu mannambunnu amania isudde. Ete i Yotam apan napararisikku Ngara Pasallanganna su samba'an sawannaku Wal᷊en Mawu.

2 SAMUEL 20:25

Mamamoṛṛettu araratuanna: i Seya. Imam: i Zadok wuṛṛu i Abyatar.

1 MARARATU 6:36

Su saruannu Wal᷊en Mawu udde niola'a rallakku lal᷊umme. Rallakka udde papal᷊iwutannu darandungnga apan ual᷊al᷊apissa; su wowone suapan tallun lapissa watu, pia sallapissa alu cemaran Libanon.

YEREMIA 43:3

I Barukh ana'i Neria uddewe apan nandolokku lumawangnga si yami, tadea'u taumatan Babel mamarenta si yami wuṛṛu wotongnge mamarenta si yami wuṛṛu wotongnge mamate ara'e mangapiddi yami watukku Babel.”

YEHEZKIEL 40:38

Su rallakku liudde pia sambau wabbo'a nitamba su sasuttannu lal᷊ummu samba'a sawannakka. Wuassu wabbo'a pinanamba pia sambau ngara apan mattudda watukku panumbal᷊e wahewalla. Ete isudde niukkassa manga winatangnga olaanna sasamba itattambunna.

2 MARARATU 22:3

I Ratu Yosia pia sangkatou mamamoṛṛettu araratuanna aranne i Safan ana'i Azalya, pulunni Mesulam. Su tonna apul᷊o i Ratu Yosia uaparenta, ratu nangonggolu parenta indi su mamamoṛṛettu udde, “Roote ringanni Imam Wahewa i Hilkia su Wal᷊en Mawu, wuṛṛu sal᷊andete si tou tadea'u mamasingkattu anambon doitta apan buatte niammulu manga imam apan mammanara su ngara sasuttanna su Wal᷊en Mawu.