YEREMIA 35:6 - WUKE SUSI WATTI'U AL᷊AL᷊USASSA

⁶ Arawe i mangitou sinumimbakka, “I yami tawe ma'inumma anggore. Al᷊amonang kami Yonadab ana'i Rekhab manningaddi yami wuṛṛu papapulunni yami ma'inumma anggore. Sasingadda udde iappaamatta saran mal᷊annu-l᷊annu.

YEREMIA 35:6 Referans Kwoze

LUKAS 1:15

I tou sarun maola'a taumata mapia su aellegu Mawu, wuṛṛu i tou tawe ma'inumma anggore ara'e inumanna ma'awu'anna. Ro'en inasungkangnge i tou aintaṛṛoanten Ghaṛṛahon Ruata.

1 TAWARIKH 2:55

Wuassu amonanni Tirati, Simati wuṛṛu Sukati apan uatana'a su soan Yabes pia manga taumata apan pande su ola'u pamamoṛṛetta wuṛṛu mangal᷊innu manga suratta apan maarega. I mangitou uddewe taumatan Keni apan naawingngu taumatan Rekhab.

2 MARARATU 10:15

I Yehu nanassukku amatanne. Su tangngan dal᷊anna, i tou sinal᷊ohoanni Yonadab ana'i Rekhab. I Yehu nattabea wuṛṛu nabbisara, “Wal᷊inewe i ite naungnga sambua? I'o maapuluwe mallal᷊ima si ya'u?” “Ore,” sasimbakki Yonadab. “Amungkangu aroddi, wette iaddua ma'a'agasse lima,” sasimbakki Yehu. Ne itarua na'a'agasse lima, wuṛṛu i Yehu nantul᷊ungi Yonadab sinuma'e sulal᷊ummu keretane,

MAL᷊AṚṚUUNGNGA 13:7

Araware i tou nabbisara manungku i ya'u sarun pia illoṛo wuṛṛu maasomba sangkatou ana'a esakka. I tou lai nabbisara manungku imbaṛangnga i ya'u ma'inumma anggore ara'e ua'e ma'awu'anna, ara'e umanna anna ipappalli, ana waugu ana'a udde ṛinone itantilla su Ruata maola'a sangkatou ana'u pa'aire su al᷊o'engngu pabbiaṛanne.”

IMAMATTA 10:9

“Napawe buatte na'inumma ua'e anggore ara'e ua'e ma'awu'anna, i'o wuṛṛu manga anangngu imbaṛṛangnga sumutta sulal᷊ummu Rasang-Ku. Amungkangngu i yamiu lumawangnga atoranna udde, i yamiu sarun mate. Parenta udde sarun daringiṛṛannu anambon papapulunnu.

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

DARALO 105:12

Dorone al᷊aṛṛana'u Ruata mabbiakka ere taumata raho poiaroddi reenganni mangitou tumba'u addio'a.

1 TAWARIKH 16:19

Dorone walahannu Mawu mabbiakka ere taumata raho poiaroddi reenganni mangitou tumaniten matulungnga.

2 MARARATU 10:23

I Yehu sinumutta su wal᷊en Baal udde suadio'a ringanni Yonadab ana'i Rekhab, wuṛṛu nabbisara su manga taumata poiaroddi, “Parikisete ringannu maannuda, ara'e mauddupa, sarangkanambone apan nirumanta indi tumba'u masasuba si Baal. Arie ma'oman sara isindi pia taumata apan massuba Mawu.”

SASABANGNGA 20:12

Pangaddata iamangngu wuṛṛu inangngu, tadea'u i yamiu mabbiaka su lal᷊umanna'a wuṛṛu mabbiakka malannu su wanua apan sarun Ta'u ionggolla si yamiu.

PANDARIADDI 36:7

I Esau nattal᷊em i Yakub ana waugu darotongngi mangitou tumaniten manambo na'oman sara i mangitou tawe mapabiakka su sambau. Ana see lai su wanua apan atatanaanni mangitou udde tawe mattiudda annu winatangngi mangitou apan tumanite manambo udde.

PANDARIADDI 25:27

Ana'a darua udde aatambanna ahewalle. I Esau nabbal᷊i limalul᷊u apan pande wuṛṛu apulune uatana'a su wadda'a, arawe i Yakub matammudda wuṛṛu apulune uatana'a su wal᷊en.

YEREMIA 35:14

Yonadab naningaddu papapulunne ma'inumma anggore, wuṛṛu i mangitou tinumuṛṛutta su sasingadda udde. Naddatingngu allo indi tawe saran sangkatou wuassi mangitou apan ma'inumma anggore. Arawe i Ya'u sidutu mabbisara si yamiu, arawe i yamiu maddiri maddaringikka.