YEREMIA 34:14 - WUKE SUSI WATTI'U AL᷊AL᷊USASSA

¹⁴ I Ya'u nabbisara manungku anambon allangngu Ibrani apan buatte nangimbe annummu tonna al᷊annune, ṛinone ipallossa su panginsueannu tonna appitune. Arawe al᷊amonanu maddiri mappandumma ara'e maddaringikka wisara-U udde.

YEREMIA 34:14 Referans Kwoze

TAHIUL᷊E 15:12

“Amungkangngu sangkatou esakka ara'e wawine wuassu walahannu nabbal᷊u'u watangannen maola'a allangnga, i tou ṛinone mammanara ringannu al᷊annune annumu tonna. Su tonna appitune ṛinone i tou iapasabbangke.

1 MARARATU 9:22

Taumatan Israel tawe niola'i Salomo allangnga; i mangitou niapamanara maola'a tantara, piaṛṛa'u tantara, tembonannu tantara, piaṛṛa'u keretan pangalo, wuṛṛu tantara uasa'e awal᷊o.

ROMA 7:24

Ne, aroddite ola'u riri'u: i ya'u tuttuṛṛutta tita Duata ringannu ṛingiṛṛangku, arawe ringannu pallal᷊agu'u ere sangkatou taumata, i ya'u uasuṛṛubawa su rosa. Tumanite nal᷊ongonna i ya'u indi! Isai maapulu manal᷊amatta si ya'u wuassu wadangnga indi apan mangngapi'u su papate? Adiangkamanna su Ruata! I Tou maapulu manal᷊amatta si ya'u sulal᷊ummu Mawu Yesus Kristus.

AMOS 8:6

Gandumma apan nal᷊eote wotongnge iwal᷊u'i ite apia ringannu aregga apan matanggakka. I ite maddea'a taumata asiangnga apan tate maawaekka awallanne, salaiwe awallassa udde tumba'u areggan sampare silope, wuṛṛu i ite mamalli si tou maola'a allangngi ite.”

AMOS 2:6

Mawu nabbisara, “Taumatan Israel masokkate ma'ola'a rosa, ana waugu udde i Ya'u sarun makkuumanni mangitou. Taumata matulidda apan tawe maawelengngu awallanne, buatte niwal᷊u'i mangitou maola'a allangnga Arodi lai inolaanni mangitou su taumata asiangnga apan tawe maawaekka awallanne, salaiwe awallassa udde tumba'u ere areggan sampare silope.

YEHEZKIEL 20:8

Arawe i mangitou lullawangnga si Ya'u wuṛṛu maddiri maddaringikka si Ya'u. I mangitou maddiri manddamme manga paal᷊uanna apan maarantinna udde wuṛṛu lai maddiri mangillol᷊o massubba manga paal᷊uanna wuassu Mesir. Sutempo i mangitou ta'e poiaroddi, i Ya'u nasaddiate mapasabbangngu asasa'u-U si mangitou.

YEHEZKIEL 20:4

Ei taumata apan mattate, nasaddiate i'o mkkuungngi mangitou? Ne, amata'e! Panaunga'a si mangitou al᷊awo'u al᷊al᷊eo apan buatte niola'u al᷊amona mangitou.

YEREMIA 32:30

Ro'en pinanattaṛṛannu watti'i mangitou, taumatan Israel wuṛṛu taumatan Yehuda buatte na'ola'a si Ya'u tawe mal᷊uassa. I mangitou mapasabbangngu asasa'u-U ringannu manga inolaanni mangitou apan dal᷊eo.

YESAYA 58:6

Eteindi puasa apan ipa'apulu-U: Pallosa'e mantungngu pangangallanga wuṛṛu winabbawa mallinga, wuṛṛu pallosa'e manga taumata niallangnga.

YESAYA 50:1

Mawu nabbisara su Israel, “Ei uma-U, sunnanu i Ya'u mallimbuakka si'o naal᷊ihidda sangkatou esakka mallimbuakka awingnge? Amungkangngu aroddi, suapa surattu sindo? Sunnanu i Ya'u mabbalungngu, ere sangkatou iamangnga nabbal᷊u'u anangnge ipamaekka awallassa? Wal᷊ine! I'o niatawanna wuṛṛu niwuangnga, ana waugu rosa wuṛṛu al᷊al᷊eonu sassane!

NEHEMIA 9:30

Tonna uahahanti tonna I'o masabbare mapaanaungngi mangitou; napaattu manga nabi, Ghaṛṛaho-Nu nabbisara si mangitou. Arawe uman-Nu udde nanappingnga tal᷊inga, ana see I'o nanantilli mangitou su manga walahannu al᷊awo'u wanua.

2 TAWARIKH 36:16

Arawe i mangitou mannalangnga manga daroloṛṛannu Ruata udde, wuṛṛu lullagen manga nabi-Ne see lai tawe maddaringikka manga wisara-Ne. Panginsueanne Mawu aroddi nasa'u si mangitou na'oman sara tate dal᷊anna sabbanganni mangitou tadea'u mapallossa wuassu ṛuuman-Ne.

2 TAWARIKH 28:10

Wuṛṛu orassa indi manga taumatan Yerusalem olaante manga allangngi yamiu! I yamiu wagga manungku i yamiu lai narosate su lantakku hatin Mawu Ruatanu?

1 MARARATU 21:25

Tawe saran paassa pia taumata apan ringannu na'utulla ma'ola'a al᷊al᷊eo su aellegu Mawu ere apan niola'i Ahab. Anambon al᷊al᷊eo udde niolangnge wuassu darolokki Izebel, awingnge.

YEREMIA 35:15

I Ya'u sidutu mandolokka ringanni yamiu anambon allang-Ku manga nabi, wuṛṛu i mangitou buatte nanantiro si yamiu tadea'u mamal᷊u pallal᷊agunu wuṛṛu tate ma'ola'a al᷊al᷊eo. I mangitou mapanaungnga si yamiu tadea'u ariete massubba manga mawu waine wuṛṛu tate mattaṛṛamawu si mangitou, tadea'u i yamiu wotongnge sidutu uatana'a su wanua indi apan buatte Ta'u nionggolla si yamiu wuṛṛu su al᷊amonanu. Arawe i yamiu maddiri mappandumma wuṛṛu maddiri maddaringikka si Ya'u.

IMAMATTA 25:10

I yamiu ṛinone maṛṛaen tonna al᷊iman pul᷊one udde, wuṛṛu mamasingkattu apapallossa su anambon tumana'u wanua. Sulal᷊ummu tonna udde al᷊awo'u darotongngu apan buatte niwal᷊u'a ṛinone iapawelengnga su tatahuanne paarorone ara'e papapulunne. Isai apan niwal᷊u'a maola'a allangnga ṛinone iapawelengnga su amonanne.

TAHIUL᷊E 15:1

“Suapan panginsueannu tonna appitune ṛinone i yamiu mallaghun pamamaekka awallassa.

TAHIUL᷊E 15:9

Imbaṛṛangnga tawe mapawallasa si tou ringannu wisara manungku tonna pamamaekka awallasa maranite. Arie mamalan ṛingirannu dal᷊eo udde sumutta sulal᷊ummu naungngu. Amungkangngu i yamiu madiri mapawallasa, taumata udde sarun sumal᷊ande Mawu wuṛṛu mangalaen kamiu, ne i yamiu udde sasagoanne nassal᷊a.

YEREMIA 11:7

Sutempo i Ya'u nangapiddu al᷊amona mangitou sinumabbangnga wuassu Mesir, ringannu ma'ikkatta i Ya'u napanaungnga si mangitou tadea'u matuṛṛutta si Ya'u. Naddatingngu sara orassa indi lai Ya'u ta'e sidutu mappanaungngu uma-U su olangnge udde,