YEREMIA 34:1 - WUKE SUSI WATTI'U AL᷊AL᷊USASSA

¹ Sutempo i Nebukadnezar ratun Babel ringannu tantarane apan nitohassu manga tantara wuassu al᷊awo'u walahanna wuṛṛu araratuanna apan nassuṛṛubbawa si tou nirumanta mamangalo Yerusalem wuṛṛu manga soa maranine, Mawu nabbisara si ya'u.

YEREMIA 34:1 Referans Kwoze

YEREMIA 1:15

I Ya'u sarun mandolokku anambon walahanna su samba'an sawannakka rumanta mangaṛṛo Yerusalem. Manga darandungnga apan uapal᷊iwutta soa indi see lai manga ngaran pasallangannu wahewalla wuṛṛu anambon soa su Yehuda sarun aṛṛoanni mangitou.

YEREMIA 32:2

Sutempo udde tantaran ratun Babel tantal᷊anna mammangalo Yerusalem. I ya'u nitaṛṛanganna su rallakku wal᷊en araratuanna

DANIEL 5:19

I tou aroddi ahewalle, na'oman sara manga taumata wuassu al᷊awo'u walahanna, ṛuanganu walahanna, wuṛṛu wahasa, mangngiladda wuṛṛu matta'utti tou. Amungkangngu i tou mappulu manal᷊amatta sangkatou taumata, i tou mangke manal᷊amatta taumata udde. I tou mapatanggakka wuṛṛu mapaawawon sai-sai tumuṛṛuttu apulune.

DANIEL 4:22

Oh Tuangku, ete i Tuangku punnu alu apan matanggakka wuṛṛu matohassa udde. Awawantugi Tuangku aatambanna maddatingngu langitta wuṛṛu taṛṛinon Tuangku aatambanna sara pentakku runia.

DANIEL 4:1

Eteindi papasingkati Ratu Nebukadnezar apan niiringnge su manga taumata wuassu al᷊awo'u walahanna, ṛuangannu walahanna wuṛṛu wahasa su ahewallu runia: “Tabbean paddarame!

YEREMIA 34:7

sutempo tantaran ratun Babel tantal᷊anna mammangalo soa udde. I mangitou lai namangalo soa Lakhis wuṛṛu Aseka, darua soa pia tanda batune apan ta'e pia su Yehuda.

YEREMIA 21:2

“Paddorongke tatantiro wuassu Mawu si ite, ana waugu i Nebukadnezar ratun Babel ringannu tantarane tantal᷊anna malliwunna soang kite. Asinungka Mawu sarun ma'ola'a al᷊aṛṛindu'a si ite, wuṛṛu mamata'i Nebukadnezar mantal᷊angngu tantarane.”

YEREMIA 32:1

Su tonna appul᷊one i Zedekia ratun Yehuda uaparenta, eteudde tonna mapul᷊o ual᷊u i Nebukadnezar ratun Babel uaparenta, Mawu nabbisara si ya'u.