YEREMIA 33:6 - WUKE SUSI WATTI'U AL᷊AL᷊USASSA

⁶ Arawe sutempo addantane i Ya'u sarun mapawelengngu ola'u soa indi wuṛṛu tumanangnge; i mangitou sarun matohassa apia. I Ya'u sarun mangonggolla si mangitou lal᷊umanna'a wuṛṛu atatahul᷊andimma apan nangillembo.

YEREMIA 33:6 Referans Kwoze

YOHANES 10:10

Taṛṛa ta'o rumanta tumba'u manna'o, mamate, wuṛṛu manggohakka. Arawe i Ya'u nirumanta tadea'u taumata maasomba wiakka – wiakka apan tawe masue.

YESAYA 30:26

Wul᷊anna sarun masemakka ere semakku matannallo, wuṛṛu matannallo sarun maola'a paapitu asemakke wuassu wiasane, ere semakku pitu allo niammulla naola'a sambau. Sarangkanambone udde sarun mariaddi sutempo Mawu mami'unna wuṛṛu mapaapia manga lessa uman-Ne apan buatte nipuulle.

DARALO 67:2

Antimanna Ruata mandangngu wuṛṛu mangal᷊amatta si ite, antimanna i Tou ma'ellega si ite ringannu sasaṛionto'u naungnga.

YESAYA 58:8

Ne asasemakka sarun sumabbangnga si yamiu ere matannallo, wuṛṛu manga lessanu mal᷊ihakke mapia. I Ya'u sarun makkundinganna si yamiu. Daranta-U sarun mallu'adda si yamiu wuassu al᷊awo'u pappi'uanne.

HOSEA 6:1

Manga taumatan Israel nabbisara, “Wette i ite mabbelengke ringannu Mawu. Ete i Tou apan mannansara si ite, arawe ete i Tou apan sarun mangapia. I Tou apan nallassa, arawe i Tou lai apan sarun mami'unna manga lessang kite.

YESAYA 66:12

Ana waugu Mawu nabbisara, “I yamiu sarun Ta'u onggol᷊annu lal᷊umanna'a naal᷊ihidda sal᷊ukka apan mangngelekka; pa'aala manga walahanna sarun iapidda ringannu naal᷊ihidda sal᷊ukka apan tuttompe'a. I yamiu naal᷊ihidda ana'a apan iappasusu wuṛṛu sasal᷊uruannu inangngene, see lai sassaṛṛiolohanna su ṛiwane.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

YESAYA 54:13

Anambon tumanangngu nabbal᷊i mallal᷊aṛṛenggeng-Ku, i mangitou sarun tawe su awussa ewe'e su lal᷊umanna'a.

HOSEA 7:1

Mawu nabbisara, “Suapan i Ya'u mappulu mangundamma uma-U Israel wuṛṛu mamelengngu ola'u pabbiaṛṛanni mangitou, ne apan Ta'u aellehanna tumba'u al᷊al᷊eo wuṛṛu rosan mangitou. I mangitou ual᷊al᷊inga, i mangitou sussutta su wal᷊en taumata maddea'a manna'o, wuṛṛu i mangitou mangngaṛṛo su manga lal᷊anna.

YEREMIA 17:14

Mawu, paapia'awe i ya'u, ne i ya'u sarun mabbal᷊i mapia. Sal᷊amata'awe i ya'u, ne i ya'u sarun masal᷊amatta. Tumba'u I'o apan wabbantuhangku!

MIKHA 4:3

Mawu sarun makkawessu hatton pasaseetta suwallattu manga walahanna, suwallattu manga araratuanna matohassa, apan marau ara'e lai marani. I mangitou sarun manassalla manga hal᷊elen mangitou mabbal᷊i pajeko wuṛṛu manga sambeangngi mangitou mabbal᷊i lari'a bawabbassa. Manga walahanna tate lai mapapangalo, tate lai masasaddia inai mapapangalo.

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

YESAYA 2:4

I Tou sarun makkuungngu manga pabbawalaga, wuṛṛu makkawessu hatton manga ṛuangannu walahanna. Hal᷊ele sarun horapanna maola'a pajeko, wuṛṛu sambeangnga olaanna lari'a papol᷊o. Manga walahanna tate lai mamangalo, tate lai uasasaddia inai mappangalo.

DARALO 37:11

Taumata apan mawawo naungnge sarun mappussa'a leta'a udde, wuṛṛu maapendamma lal᷊umanna'a marasai.

TAHIUL᷊E 32:39

Pa'ellege, i Ya'u Ruata Apan Tinggassa, tawe Duata wal᷊ine tumba'u i Ya'u. I Ya'u mammate wuṛṛu mappaawiakka mallessa wuṛṛu mangngapia. Napawe i Ya'u mammanarate, tawe saran sangkatou apan botongnge lumawangnga.

EFESUS 6:23

Sal᷊andeanna su Ruata Iamangnga, wuṛṛu Mawu Yesus Kristus mamalan anambon jamaatta uaaukka wuṛṛu uararangngu wuṛṛu sidutu mangngimanna si Kristus.

DARALO 72:7

Antimanna atatul᷊idda aatambanna su al᷊o'engngu tempo wuṛṛu paa'ala mannambo su al᷊o'engngu ta'e pia bul᷊anna.

SASABANGNGA 34:6

Wua'udde Mawu sinumabbi ringanni Musa wuṛṛu nabbisara, “I Ya'u Mawu, eteudde Ruata apan napenen naungnga mapia wuṛṛu darangngu. Darungngu-U nilumambalanna, i Ya'u satia wuṛṛu mal᷊iwue masa'u.

YESAYA 39:8

I Ratu Hizkia sinumimbakka, “Mapia lai tanata Mawu apan niapasingkannu si ya'u.” I tou sinumimbakka aroddi ana waugu naṛṛingidda, “Sawal᷊iate araratuangku sidutu mal᷊angnganna wuṛṛu su paddarame su al᷊o'engngu allo i ya'u mabbiakka.”

YEREMIA 3:22

Ei i yamiu sarangkanambone apan nanantangke Mawu, pabbelengke! I tou sarun mangapia si yamiu, wuṛṛu ma'ola'a si yamiu mabbal᷊i satia. I yamiu mabbisara, “Ore, orassa indi i yami rumantate ringannu Mawu, ana waugu i Tou Ruatan kami.

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

DARALO 147:3

I Tou mangundamma taumata apan naungnge massusa, wuṛṛu mama'issa manga lessan mangitou.

MANNANASE 3:3

tempo ipamate wuṛṛu tempo ipangapia, tempo ipanggohakka wuṛṛu tempo ipa'ola'a.

YESAYA 57:18

I Ya'u naasilote pallal᷊aghun mangitou, arawe i mangitou i Ya'u iapaapia lai. I Ya'u sarun mangehetta wuṛṛu mantul᷊ungngi mangitou wuṛṛu mapaal᷊uassu taumata apan naungnge massusa.

YESAYA 57:19

I Ya'u sarun mangonggollu atatammudda su anambon taumata, mawae ete marani aroddi lai marau. I Ya'u sarun mapaapian uma-U.

YEREMIA 29:11

Wal᷊inewe i Ya'u sassane mamasingkattu manga ṛiing-Ku si yamiu? Manga ṛiinna udde wal᷊ine ma'asilaka si yamiu, arawe hunan lal᷊umanna'i yamiu wuṛṛu mangonggolla si yamiu tempo addantane apan piaddu a'antimanna.

MIKHA 7:20

Su uman-Nu, papapulunni Abraham wuṛṛu Yakub, I'o sarun mapal᷊iatta'u darangngu-Nu wuṛṛu aakkan-Nu apan tawe pattaal᷊anne udde ere buatte nipa're-Nu su al᷊amonan kami tiwatta.