YEREMIA 33:18 - WUKE SUSI WATTI'U AL᷊AL᷊USASSA

¹⁸ sidutu sarun pia manga imam wuassu ṛuanganni Lewi apan mangngimbe si Ya'u wuṛṛu mangngonggollu sasamba winatangnga, gandumma wuṛṛu sasamba itattambunna.”

YEREMIA 33:18 Referans Kwoze

YESAYA 56:7

“I Ya'u sarun Ta'u iapidda watukku Sion, su wui-U apan susi, wuṛṛu Ta'u onggol᷊annu al᷊al᷊uassa su wal᷊en patataṛṛamawuanna si Ya'u. Manga sasamba apan nionggolli yamiu su mezbah-U sarun Ta'u sengkamanna. Wal᷊e-U sarun isaggo wal᷊en a'al᷊iomanannu anambon walahanna.”

SONDAPPA 1:6

wuṛṛu nandiadi si ite sambau walahannu manga imam, apan mangngimbe Ruata, Iamang-Nge. Mawu Yesus Kristus eteudde awantuhanne wuṛṛu uataṛṛino sarangkal᷊o'engnge. Amin!

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

ROMA 15:16

I Tou buatte na'ola'a si ya'u mangangimben Kristus Yesus tadea'u irolokka su manga walahanna apan wal᷊ine Yahudi. Wuṛṛu i ya'u naola'a sangkatou imam, apan mammasingkattu Watti'u Al᷊al᷊uassa wuassu Ruata, tadea'u manga taumata apan wal᷊ine Yahudi maola'a sambau sasamba su Ruata apan wotongnge sengkamanni Tou. Doronganna Ghaṛṛahon Duata ma'ola'a si mangitou sambau sasamba apan apianne su Ruata sassane.

ROMA 1:21

Taumata maaillal᷊a Ruata, arawe taumata maddiri mangadata ere sangkatou Ruata wuṛṛu tawe lai maadiangkamanna. Arawe taumata sidutu maṛṛingiddu al᷊awo'a apan tawe gunane; naungngi mangitou nadandumpe.

YEHEZKIEL 45:5

Samba'a lai wuassu leta'a udde apan ahewalle 12,5 kilometere kali 5 kilometere ṛinone saddianna huna manga taumatan Lewi apan mammanara sulal᷊ummu Wal᷊e Mawu. Isudde sarun iapararisikka manga soa suapa i mangitou wotongnge matana'a.

YESAYA 61:6

I yamiu sarun isaggo allangngu Ruata wuṛṛu isaggo imam wuassu Mawu kite. I yamiu sarun maatemma pa'aala manga walahanna wuṛṛu maapendamma lulluassa ana waugu darotongngi mangitou.

TAHIUL᷊E 18:1

“Anambon ṛuanganni Lewi nionggol᷊annu manara maola'a imam, ana waugu udde tawe wotongnge manengkamma tahian leta'a su Israel. I mangitou ṛinone mabbiakka wuassu manga aonggola wuṛṛu manga sasamba wal᷊ine apan nionggolu Mawu.

SONDAPPA 5:10

I'o suete nandiaddi si mangitou sambau walahannu manga imam sassane, tadea'u i mangitou mangimbe Ruatang kite, wuṛṛu mamarenta su wowon runia.”

REENGANNA 3:5

Mawu nabbisara si Musa,

TAHIUL᷊E 24:8

Amungkangngu niasombanganna pia radda'a su pisi apan ma'ata'utta, paatutuṛṛe ringannu mapia apa apan nirolokku manga imam Lewi si yamiu; daringiṛṛe manga tatantiro apan ta'u nionggola si mangitou.

YOSUA 3:3

wuṛṛu nangonggolu parenta indi su ṛuangannu Israel “Amungkangu i yamiu maasilo imam uapasanna Wantalu Pa'aire Mawu Ruatanu, ṛinone i yamiu lai inai manantangu tampa paddasananna indi. Tantalongke Wantala udde,

EZRA 3:5

Wal᷊ine wua'udde lai i mangitou ringannu uaatokka mangonggollu sasamba itattambunna see sasamba su Allo Wahewan Bul᷊anna Wakku, wuṛṛu su anambon allo wahewalla waine apan niola'a ipassubba Mawu. I mangitou lai mangngonggollu sasamba walate apulun naungnga su Mawu.

YEREMIA 33:19

Mawu nabbisara si ya'u, “I Ya'u buatte namattan pa'aire ringannu allo wuṛṛu ṛabbi, tadea'u allo wuṛṛu ṛabbi sidutu ruddanta sutempone; paaire udde tawe wotongnge pappasanna.

YEREMIA 33:22

I Ya'u sarun manimu papapulunni allang-Ku Daud wuṛṛu manga imam su ṛuanganni Lewi, ma'oman sara anambone maola'a ere anambon anne su winggin sahatta wuṛṛu anumpitanna su langitta apan tawe iareengnga.”

YEHEZKIEL 44:15

Mawu Apan Atanggaṛṛanne nabbisara, “Sutempo walahannu Israel nanantang-Ku, manga imam Lewi wuassu papapulunni Zadok sidutu satia mangngimbe si Ya'u su Wal᷊e-U. Ana waugu udde ete i mangitou apan orassa indi ṛinone mangimbe si Ya'u wuṛṛu rumanta su saruang-Ku mangapiddu tawa wuṛṛu daṛṛan sapi wuassu manga sasamba.

YEREMIA 35:19

Ana waugu udde, i Ya'u, Mawu Apan Lembontaṛṛino, Ruatan Israel, maddiandi manungku wuassu papapulunni Yonadab ana'i Rekhab sidutu sarun pia sangkatou esakka apan mangngimbe si Ya'u.”