YEREMIA 33:12 - WUKE SUSI WATTI'U AL᷊AL᷊USASSA

¹² Mawu Apan Lembontaṛṛino nabbisara, “Wanua wuṛṛu manga soane apan ere wadda'u anne indi tawe atanaannu taumata ara'e winatangnga. Salaiwe aroddi, su allo addantane sarun pia lai manga wadda'u nannal᷊o tampan taumata mammadul᷊i manga dombane.

YEREMIA 33:12 Referans Kwoze

YESAYA 65:10

Uma-U sarun massubba si Ya'u; domba wuṛṛu sapi mangitou sarun manioma su Leta'u Saron wuṛṛu su Wawal᷊annu Akhor.

YEREMIA 51:62

Wua'udde aal᷊iomante arendi, ‘Mawu, I'o buatte nabbisara manungku soa indi sarun ṛimunsaan-Nu na'oman sara mawae taumata aroddi lai winatangnga mahangginna, wuṛṛu tampa indi mabbal᷊i ere wadda'u anne sarangkal᷊o'enge.’

YEREMIA 36:29

Mawu nandolo'u niapawal᷊o arendi su ratu, “I'o buatte nanutungnga buke lalul᷊unna udde, wuṛṛu i'o naiwal᷊o si Yeremia anio i tou namoṛṛetta manungku ratun Babel sarun dumanta wuṛṛu makkimunsa'a wanua indi see mamate tumanangnge suadio'a ringannu manga winatangnga.

YEREMIA 31:24

Taumata sarun matana'a su Yehuda wuṛṛu su manga ampungnge. Poiaroddi sarun pia mabbawailla wuṛṛu mamamadul᷊i winatangnga sapi wuṛṛu dombane.

YEREMIA 17:26

Manga taumata sarun rumanta wuassu manga soan Yehuda, wuṛṛu wuassu manga ampungnga maranin Yerusalem; i mangitou sarun dumanta wuassu wageangngu leta'i Benyamin, wuassu leta'u wawal᷊annu wuidda, wuassu wageangngu penenteanna, wuṛṛu wuassu Yehuda samba'a timukka. I mangitou sarun mangapidda watukku Wal᷊e-U manga winatangnga sasamba, mawae itattambunna aroddi lai tawe, see lai sasamba gandumma wuṛṛu amania see sasamba aadiangkamanna.

ANTARI MAWANTUGA 1:7

Wal᷊oa'e, ei arangnguangku, suapa i'o mallu'adda manga domba, suapa i'o napal᷊allowangi mangitou sutempo wawallo? Ṛatadde i ya'u sarun maola'a ere mamamal᷊intadda suwallattu ammul᷊annu domban manga hawenu?

YEREMIA 31:12

Watukku Wuiddu Sion i mangitou sarun dumanta ringannu hati apan matilangnga, lapiddu mangngantari ringannu lullala'a ana waugu anambon aonggo-U si mangitou, eteudde gandumma, lana, anggore, sapi wuṛṛu domba. I mangitou naal᷊ihidda wailla apan ua'ene natimu, tawe atalannu apa-apa.

YEREMIA 32:15

Mawu Apan Lembontaṛṛino, Ruatan Israel, nabbisara manungku wal᷊en, leta'a, wuṛṛu waillu anggore sal᷊immurine sarun ipabbawalli apia su wanua indi.”

YEREMIA 50:6

Uma-U naal᷊ihidda domba apan niwalate manga mallal᷊u'adde nilamammiṛṛanne su panenteanna. I mangitou mammal᷊intadda wuassu wowone sambau watukku wowone waine wuṛṛu waggate tanne suapate wal᷊e mangitou.

HAGAI 1:4

“Ei uma-Ku, apa temponate i yamiu matana'a sulal᷊ummu wal᷊en apan matohassa wuṛṛu ma'uatta, ewe'e Wal᷊e-U ta'e ere manga tuidda?

YEHEZKIEL 36:35

Ne anambon taumata sarun tumiangnga, ana waugu leta'a apan tanginna maṛṛasa udde orassa indi nawal᷊ute nabbal᷊i wawail᷊annu Eden, wuṛṛu manga soa apan tanginna mal᷊annabba, naṛṛimunsa'a wuṛṛu naola'e manga winalal᷊anna, orassa indi naola'e manga soa apan matohassa taṛṛapane wuṛṛu manambo tumanangne.