YEREMIA 33:11 - WUKE SUSI WATTI'U AL᷊AL᷊USASSA

¹¹ Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

YEREMIA 33:11 Referans Kwoze

1 TAWARIKH 16:34

A'al᷊iomante su Mawu, ana waugu i Tou mapia; darangngu-Ne saran mal᷊annu-l᷊annu.

DARALO 107:22

Wala'e i mangitou maadiangkamanna ringannu uaapiddu sasamba, wuṛṛu mabbatti'u inolaan-Ne ringannu manga aantarin lal᷊uassa.

DARALO 107:1

“Paadiangkamante su Mawu ana waugu i Tou mapia, darangngu-Ne sarangkal᷊o'engnge.”

DARALO 106:1

Paadiangkamante su Mawu, ana waugu i Tou mapia; darangngu-Ne tawe pattaal᷊anne.

IBRANI 13:15

Ana waugu udde, ringannu tatangngannu Mawu Yesus, ṛinone i ite sidutu maddalo Ruata; udde maola'a sambau aonggolu a'adiangkamanni ite si Tou, apan nionggoli ite ringannu wisaram wiwikka ipaddalo aran-Ne.

YESAYA 51:11

Ne manga taumata apan nipallossu Mawu sarun mapul᷊e i mangitou sumuttate su Yerusalem ringannu paggahahio hati mangitou matilangnga ana waugu al᷊al᷊uassa tutune. I mangitou lulluassa wuṛṛu lullala'a, asasusa wuṛṛu sasal᷊iomanna mangke nawul᷊ite.

2 TAWARIKH 29:31

Wua'udde i Hizkia nabbisara, “Ana waugu orassa indi yamiu buatte nipilen Mawu, ne maola'a sasamba aadiangkamanni yamiu, i yamiu ṛinone mangapiddu sasamba su Wal᷊en Mawu.” Ana see awadaalla apan uasemodda isudde nangapiddu manga sasamba udde, ewe'e piaddu lai ringannu al᷊al᷊uassu naungnge nangapiddu manga winatangnga maola'a sasamba itattambunna.

SONDAPPA 18:23

Taumata tate lai maasilo semakku sol᷊o sulal᷊ummu soa; wuṛṛu tate aringiṛṛana lai ramea andeangngu awingnga isudde. Manga mabbawal᷊u'i yamiu eteudde manga taumata apan tinumelengke su runia, wuṛṛu ringannu manga apandem wal᷊i'immatanu i'o mangngawusu alawo'u walahanna su runia!”

YOHANES 3:29

Ma'a'awingnga wawine tatahuanannu ma'a'awingnga esakka. Hawe maa'awingnga esakka udde tumba'u uarisikka su sandiṛṛanne wuṛṛu uararingikka, wuṛṛu i tou lulluassa napawe naaringikke tingikku maa'awingnga esakka. Aroddi lai ya'u. Orassa indi ya'u lembon lulluassa.

1 TAWARIKH 16:8

Paadiangkamante su Mawu, pasingkata'e awawantu-Ge, wattia'e manara-Ne suwallattu manga walahanna.

ZAKARIA 8:19

“Puasa apan a'olaanna su wul᷊anna aippanne, al᷊imane, appitune, wuṛṛu appul᷊one sarun maola'a manga ramea apan napenen al᷊al᷊uassa wuṛṛu lal᷊umanna'a su tumana'u Yehuda. Pandangngute atatul᷊idda wuṛṛu paddarame!”

ZEFANYA 3:14

Ei Israel, paggiote wuṛṛu pangantarite! Ei Yerusalem, lalluasse ringannu ahewallu naungnga!

YEREMIA 33:7

Yehuda wuṛṛu Israel sarun Ta'u olaanna tumelengnga ere dorone wuṛṛu i mangitou sarun dumarisikka apia maola'a uma-U.

YEREMIA 7:34

Wanua indi sarun maola'a wadda'a lol᷊okka. Tingikku al᷊aluassa wuṛṛu tingikku andeangngu awingnga sarun Ta'u iaddo su manga soan Yehuda wuṛṛu su manga lal᷊annu Yerusalem.

YESAYA 52:9

Paggiote, ei manga winalal᷊annu Yerusalem, ana waugu Mawu nalluassa uman-Ne wuṛṛu namallossu Yerusalem.

DARALO 116:17

I ya'u sarun mangapiddu sasamba aadiangkamanna Si'o, lapiddu manduittu aal᷊iomanna Si'o.

2 TAWARIKH 7:3

Sutempo tumana'u Israel naasilo putungnga niumonto'a wuassu langitta wuṛṛu semakku darantan Mawu namane Wal᷊en Mawu, i mangitou niumal᷊intudda ana see nassubba lapiddu naddalo Ruata, ana waugu i Tou mapia wuṛṛu darangngu-Ne saran mal᷊annu-l᷊annu.

ZAKARIA 10:7

Umattu Israel naal᷊ihidda atumannaṛṛane apan matohassa, naal᷊ihidda taumata apan na'inumma anggore, i mangitou lulluassa. Papapulunni mangitou wuassu tempo maddatingngu tempo sarun tawe maabul᷊in auntunganna indi apan Ta'u nionggolla. I mangitou sarun lumala'a ana waugu inolaang-Ku si mangitou.

ZAKARIA 9:17

Apiawe eteapa leta'u Mawu sal᷊immurine, tumaniten mapia wuṛṛu aṛṛamage! Isudde anggore wuṛṛu gandumma tinumuwo masuwukka, naaola'a umbasanna maṛṛuala a'atambanna atohanne.

YUNUS 2:9

Arawe i ya'u sarun mangantarin manga daralo Si'o wuṛṛu i ya'u mangonggollu sasamba Si'o. Anambon paaire'u sarun ta'u olanna. Ete I'o Mawu apan mannal᷊amatta.”

YEREMIA 33:26

aroddi lai Ya'u sarun sidutu uaaggassa pa'aire-U ringannu papulunni Yakub wuṛṛu ringannu allang-Ku Daud. Sangkatou wuassu papapulunni Daud sarun Ta'u pileanna mamarenta papapulunni Abraham, Ishak, wuṛṛu Yakub. I Ya'u sarun umakkannu uma-U, wuṛṛu ma'ola'a si mangitou su lal᷊umanna'a apia.”

YEREMIA 25:10

Manga tingikki mangitou apan lullala'a wuṛṛu ramean andeangngu awingnga sarun Ta'u iapaaddo. I mangitou sarun tawe maatahuanna lana ipande'omma sol᷊o, wuṛṛu gandummi mangitou sarun masue.

YEREMIA 16:9

Paddaringikke si Ya'u, Mawu Apan Lembontaṛṛino, Ruatan Israel, indete mabbisara si'o. Tingikku al᷊al᷊uassa wuṛṛu lal᷊ala'a su andeangngu awingnga Ta'u iapaal᷊annabba abbi. Olangnge udde sarun aellehannu manga taumata wiakka sutempo udde.

NEHEMIA 12:43

Su allo udde manambo sasamba apan nionggolla su Mawu. Tumana'a lullala'a ana waugu Ruata buatte na'ola'a si mangitou su lal᷊umanna'a. Manga wawine wuṛṛu al᷊aṛṛana'a lai suaddio'a maandeangnga, wuṛṛu tingikki mangitou apan lulluassa iaaringikka saran marau.

NEHEMIA 8:12

Ne anambon tumanangnge napul᷊ete inai umanna wuṛṛu ma'inumma see mattahia anna su manga taumata waine. I mangitou lullala'a ana waugu nasunnate atappasannu pabbasanna apan niaringiṛṛanna mangitou udde.

EZRA 6:22

Pitu allo al᷊annune i mangitou ringannu lullala'a mallagu Ramean Roti Tawe Ragine. I mangitou lembon lulluassa ana waugu Mawu buatte na'ola'a ratun Asyur mapia naungnge si mangitou na'oman sara nassumbala si mangitou sulal᷊ummu manara napararisikku apia Wal᷊en Mawu, Ruatan Israel.

YESAYA 51:3

Yerusalem, i Ya'u sarun malluassa si'o, wuṛṛu sarangkanambone apan uatana'a su winalal᷊annu. Manga wadda'a apan mamara Ta'u olaanna wailla, naal᷊ihidda Eden, wawail᷊ang-Ku apan masuwukka. Isudde taumata sarun lumuassa wuṛṛu lumala'a wuṛṛu ma'adiangkamanna ringannu manga aantari.

2 TAWARIKH 20:21

Napawe buatte nabbaidda ringannu tumanangnge, ratu nandolokku mangangantari malluṛṛen laubba uasul᷊ungnga apan wiasane tumba'u ilalluṛṛe su lal᷊aghu pangangagama. Mangangantari udde ṛinone uawarissa ringannu maṛṛamaga su saruannu warisannu tantara lapiddu mangngantari, “Paddalote Mawu! Darangngu-Ne tawe panguddusanne!”

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

YEREMIA 17:26

Manga taumata sarun rumanta wuassu manga soan Yehuda, wuṛṛu wuassu manga ampungnga maranin Yerusalem; i mangitou sarun dumanta wuassu wageangngu leta'i Benyamin, wuassu leta'u wawal᷊annu wuidda, wuassu wageangngu penenteanna, wuṛṛu wuassu Yehuda samba'a timukka. I mangitou sarun mangapidda watukku Wal᷊e-U manga winatangnga sasamba, mawae itattambunna aroddi lai tawe, see lai sasamba gandumma wuṛṛu amania see sasamba aadiangkamanna.

YEREMIA 30:19

Tumanangnge sarun maddalo si Ya'u ringannu aantari, wuṛṛu u'ui ringannu al᷊al᷊uassa. I Ya'u na'ola'a si mangitou a'addatanna wuṛṛu tate al᷊uandahanna, wuṛṛu reenganni mangitou sidutu aatambanna.

YEREMIA 32:44

surattu pamamalline sarun teengannu, pia segelle, wuṛṛu tohasannu manga matatialane. Udde sarun mariaddi su wageangngu leta'i Benyamin, su manga ampungnga maranin Yerusalem, wuṛṛu su manga soan Yehuda, su manga soa su panenteanna, wuṛṛu su Yehuda samba'a timukka. Walahanna indi sarun Ta'u isul᷊e apia olangnge su wanua indi. I Ya'u, Mawu, buatte nabbisara.”

NAHUM 1:7

Mawu udde mapia, i Tou uasirungnga uman-Ne sutempo i mangitou susa, i Tou uariaga taumata apan uasirungnga si Tou.

DARALO 85:7

Tohassawe apia i yami tadea'u i yami al᷊aṛanang-Ngu lulluassa ana waugu patatul᷊ung-Ngu.

DARALO 147:13

Ana waugu i Tou nanohassa manga ngaranu wahewalla, wuṛṛu nangal᷊amatta tumana'u soanu.

YESAYA 52:8

Paddaringikke aikkuittu al᷊al᷊uassu mandariaga soa, i mangitou mangngintul᷊i suadio'a! Ana waugu ringannu mata pua sassane i mangitou naasilo Mawu nabbelengnga su Sion.

YEREMIA 29:14

Atonna, i yamiu sarun maasomba si Ya'u. I yamiu sarun Ta'u ihemonna wuassu pattangngannu al᷊awo'u walahanna wuṛṛu wuassu tiappu wanua su tampang kamiu nisal᷊iawukka wuṛṛu niwuanga. I yamiu sarun Ta'u iapidda watukku wanua inariaddiannu indi see mamelengngu ola'u pabbiaṛṛanni yamiu. I Ya'u, Mawu, buatte nabbisara.’

YEREMIA 30:3

Ana waugu sarun a'omanna tempone i Ya'u manul᷊en ola'u pabbiaṛṛannu uma-U Israel wuṛṛu Yehuda. I Ya'u sarun mangapiddi mangitou mabbelengnga watukku wanua apan buatte Ta'u nionggolla su al᷊amona mangitou. Wanua udde sarun tahuananni mangitou apia. I Ya'u, Mawu, buatte nabbisara.”

AMOS 9:14

I Ya'u sarun ma'ola'a uma-U Israel mal᷊angnganna apia. I mangitou sarun mapararisikka apia manga soan mangitou apan nassongkakka, ana see i mangitou matana'a poiaroddi. I mangitou sarun massuanna manga wawail᷊annu anggore, wuṛṛu ma'inumma anggorene. I mangitou sarun mabbailla, wuṛṛu umanna pabbawuan inasaharanne.