YEREMIA 32:24 - WUKE SUSI WATTI'U AL᷊AL᷊USASSA

²⁴ Manga taumatan Babel buatte napararisikku manga tanda'a batu palliwunanna mipamal᷊iwutta soa huna ipangaṛṛo, wuṛṛu orassa indi i mangitou mammangalote. Pangalo, ṛutumma, wuṛṛu al᷊aṛṛusa'itta maola'a pangillul᷊ennu soa indi manawo su lima mangitou. I'o maasilo manungku sarangkanambone apan niwisara-Nu nilumiatta'e.

YEREMIA 32:24 Referans Kwoze

YEREMIA 33:4

Wal᷊en araratuannu Yehuda wuṛṛu manga wal᷊en su soan Yerusalem buatte nihohakka ipanohassa tanda'a wuassu tatalliwunna wuṛṛu lal᷊a'on seetta. Arawe i Ya'u, Mawu, Ruatan Israel, mabbisara manungku,

YEREMIA 32:36

Mawu, Ruatan Israel, nabbisara si ya'u, “Yeremia, walahannu Israel mabbisara manungku pangalo, ṛutumma, wuṛṛu al᷊aṛṛusa'itta sarun maaola'a soa indi manawo su liman datun Babel. Orassa indi paddaringikke apa apan Ta'u iwisara.

TAHIUL᷊E 4:26

Antimanna langitta wuṛṛu runia allo indi maola'a matatialane manungku amungkangngu i yamiu tawe matuṛṛutta si ya'u, i yamiu sarun mal᷊ihakka mawul᷊i wuassu leta'a apan wawanuanni yamiu su samba'an Sal᷊ukku Yordan udde. Yamu tawe mal᷊annu uatana'a isudde; i yamiu sarun insueanna pateanna.

ZAKARIA 1:6

Ringannu nappaattu manga nabi manga allang-Ku udde, i Ya'u namasingkattu manga parenta wuṛṛu manga tataggu su iupungngu al᷊amonanu. Arawe i mangitou tawe maddaringikka na'oman sara i mangitou ṛinone mamasanna pangillul᷊eanne. Wua'udde i mangitou sinumassilla wuṛṛu nanga'u manungku i Ya'u, Mawu Apan Lembontaṛṛino, buatte nakkuumanni mangitou uasul᷊ungngu pasasal᷊a mangitou, wuṛṛu uasul᷊ungngu apa apan buatte nitantung-Ku.”

YEHEZKIEL 21:22

Inauranna manungku anaanna apan nianun lima aikkatanne pia tatialan Yerusalem! Udde atappasanne manungku ratu ṛinone mamangalo soan Yerusalem, manggoressan pangalo wuṛṛu mandolokku tantarane mangatokku ahidda ipanggohakka, itaingnga su manga ngaran Yerusalem, mangombon leta'a maola'a darandungnga pamangaloanna wuṛṛu maal᷊i manga hote.

YEHEZKIEL 14:21

Mawu Apan Atanggaṛṛanne nabbisara, “I Ya'u mangema'u appatta ṛuumang-Ku apan asaddatanne su Yerusalem ipamate mawae taumata aroddi lai winatangnga. Ṛuumanna udde eteudde: pangalo, al᷊aṛṛutumma, winatangnga mal᷊aṛṛaga wuṛṛu ṛiwutta.

YEREMIA 32:3

ṛattangannu Ratu Zedekia ana waugu niansil᷊anna buatte nangal᷊iata manungku Mawu nabbisara arendi, “Ratun Babel sarun Ta'u iwala iapaawaddo wuṛṛu mangintaṛṛo su soa indi,

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

YEREMIA 52:6

Su allo assione wul᷊anna aiappanne tonna udde lai, sutempo al᷊aṛṛutumma tumaniten masaddatta na'oman sara tumanangnge tate lai anna saran addio'a,

YEREMIA 32:25

Salaiwe aroddi, oh Mawu Apan Atanggaṛṛanne, ete I'o apan nandolo'u mamalli leta'a indi su saruannu manga matatialane, salaiwe tate mal᷊anna lai soa sarun aṛṛoannu taumatan Babel.”

YEREMIA 24:10

I Ya'u sarun mandanta si mangitou pangalo, ṛutumma, wuṛṛu sa'itta ma'oman sara i mangitou sarangkanambone mate wuṛṛu taweddu matantangnga su wanua indi apan buatte Ta'u nionggolla si mangitou wuṛṛu al᷊amona mangitou.”

YEREMIA 16:4

I mangitou sarun mate amatannu sa'itta apan mangipiddi mangitou su papate, wuṛṛu i mangitou sarun mate sulal᷊ummu pangalo ara'e maten al᷊aṛṛutumma. Tawe saran sangkatou apan lumuai ara'e mallabbingngi mangitou. Winal᷊unanni mangitou sarun massal᷊iawukka ere pupukka su leta'a, wuṛṛu inasannu manu'u winalanganna wuṛṛu winatangnga mal᷊aṛṛaga.

2 SAMUEL 20:15

Tantaran Yoab naaringikka manungku i Seba uatana'a isudde, ne i mangitou namal᷊iwutte soa udde. I mangitou nangombon leta'a uapal᷊iwutta tanda'a watu su liudde wuṛṛu na'al᷊ite leta'a su al᷊ungngu tanda'a watu udde tadea'u maṛṛa'a.

YESAYA 37:33

Eteindi apan niwisara Mawu su ola'u ratun Asyur: ‘i Tou sarun tawe maasutta su Yerusalem ara'e mamiti'u anaanne watukku soa udde. Manga tantara apan pia allungnge taweddu mangundanin soa udde, wuṛṛu uapal᷊iwutta sarun tawe olaanna tampa pamangaloanna.

YEREMIA 6:6

Mawu Apan Lembontaṛṛino buatte namarenta manga tembonanne tadea'u manuwangnga manga aaluanna wuṛṛu ipasi'a su manga wuidda pattillindumanna malliwunna Yerusalem. Mawu nabbisara, “Soa indi sarun Ta'u iṛṛuumanna ana waugu sulal᷊umme buatte niola'a manambo pangangallangnga.

YEREMIA 20:5

Seetti mangitou sarun Ta'u iwala lai mangaṛṛo wuṛṛu mangapidda watukku Babel anambon paa'alan soa indi, see lai anambon pussa'ane, ewe'e lai manga saranapa pussa'an ratun Yehuda.

YEREMIA 29:17

Mawu Apan Lembontaṛṛino nabbisara, ‘I Ya'u sarun mandantan pangalo, ṛutumma, wuṛṛu al᷊aṛṛusa'itta si mangitou. I mangitou sarun Ta'u olaanna ere manga wuan ara apan tumanite mawukku'a na'oman sara tate iaanna.

YEREMIA 29:18

I mangitou sarun Ta'u enggenanna ringannu pangalo, ṛutumma, wuṛṛu al᷊aṛṛusa'itta ma'oman sara al᷊awo'u walahanna su ahewallu runia sarun maapendamma atata'utta maasilo ola'i mangitou. Sauapan tampa i Ya'u manal᷊iawukki mangitou, taumata sarun maapendamma atata'utta maasilo apa apan buatte nariaddi si mangitou. I mangitou sarun al᷊uandahanna, wuṛṛu aranni mangitou ipaatta maola'a wawontoga.

YEREMIA 32:5

Wua'udde i Zedekia sarun iapidda watukku Babel wuṛṛu matana'a poiaroddi ma'oman sara i Ya'u makkuumanni tou. Salaiwe i tou mamangalo taumatan Babel, i tou sarun tawe maauntungnga. Ya'u, Mawu, buatte nabbisara.”

YEREMIA 32:28

Soa indi sarun Ta'u iwala su lima Nebukadnezar ratun Babel suadio'a ringannu tantarane. I mangitou sarun mangaṛṛo soa indi,

YEREMIA 52:4

ana waugu udde i Nebukadnezar ringannu anambon buntuannu pangalone nirumanta wuṛṛu namangalo Yerusalem su allo appul᷊one wul᷊anna appul᷊one sulal᷊ummu tonna assione sutempo i Zedekia uaparenta. I mangitou napararisikku atanaanni mangitou su liuddu soa, na'ola'a darandungngu pamangaloanna

YEHEZKIEL 26:8

Manga tumana'a su al᷊awo'u soa su leta'a ratakke sarun pateanna sulal᷊ummu pangalo udde. Seetta sarun maal᷊i manga hote pattillindumanna, wuṛṛu mangombo manga darandungnga pamangaloanna wuṛṛu mangatokku manga allungnga wahewalla apan ipaatti mangitou maola'a tanda'a batu ipamangalo si'o.

HABAKUK 1:10

I mangitou mangngal᷊uandaga manga ratu wuṛṛu lullagen manga mamanaran araratuanna atanggaṛṛanne. I mangitou mangngadio'a suapan tanda'a watu, ana see niombannu leta'a wua'udde niaṛṛo tanda'a watu udde.

YEHEZKIEL 4:2

Wua'udde hambara'a sambau palliwunanna su saruannu soa udde, ringannu manga hote, manga ombon leta'a, manga paddasananna wuṛṛu manga ahidda ipanggohakka tanda batu apan uapal᷊iwutta.

YEHEZKIEL 21:27

Soa indi sarun Ta'u ṛamunsaanna sara masue, na'oman sara suapan tampa pia manga winalal᷊anna. Arawe olangnge udde wakkute mariaddi napawe taumata apan Ta'u nipile ipakkuumannu soa indi nirumantate. Ete si tou Ta'u itantilla soa indi.’ ”