YEREMIA 32:22 - WUKE SUSI WATTI'U AL᷊AL᷊USASSA

²² Wanua apan mapia wuṛṛu masuwukka indi Ta'u ionggolla si yamiu ere buatte pina'ire-Ku su al᷊amona mangitou.

YEREMIA 32:22 Referans Kwoze

SASABANGNGA 13:5

Ringannu sasalu Mawu naddiandi su iupungngu al᷊amonanu tadea'u manantilla si yamiu wanuan balahannu Kanaan, Het, Amori, Hewi wuṛṛu Yebus. Napawe Mawu nangapiddi yamiu su wanua apan ala wuṛṛu masuwukka udde, suapan tonna sulal᷊ummu wul᷊anna Abib, i yamiu ṛinone ma'ola'a lal᷊aghun ramea indi.

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

YEREMIA 11:5

Amungkangngu i mangitou ma'ola'a sarangkanambone udde, i Ya'u sarun manipussa pa'aire-U su al᷊amona mangitou manungku wanua apan masuwukka wuṛṛu ala, apan orassa indi wawanuanni mangitou, sarun Ta'u ionggolla si mangitou.” I ya'u sinumimbakka, “Aroddite, Mawu.”

TAHIUL᷊E 1:8

I Ya'u, Mawu, buatte naddiandin ahewallu leta'a udde su al᷊amonanu i Abraham, i Ishak wuṛṛu i Yakub see lai papapulunni mangitou. Nariaddi roote pamanua su leta'a udde.’ ”

SASABANGNGA 3:17

Wuṛṛu i Ya'u buatte nakkawessa mangapiddi mangitou sumabangnga wuassu Mesir, su tampa i mangitou a'allangana, wuṛṛu manguntuddi mangitou su sambau wanua apan ala wuṛṛu masuwukka, wanuan balahannu Kanaan, balahannu i Het, i Amori, i Feris, Hewi wuṛṛu i Yebus.

YEHEZKIEL 20:15

Su wadda'u anne udde lai i Ya'u namansagu walahannu Israel tawe Ta'u iapidda sumutta su leta'a apan ala wuṛṛu apianne su ahewallu runia.

YEHEZKIEL 20:6

Sutempo udde i Ya'u nassalu sarun mangapiddi mangitou sumabbanga wuassu Mesir mattuddan banua apan Ta'u nipile ionggolla si mangitou. Wanua udde ala wuṛṛu masuwukka, leta'a apan apianne su ahewallu runia.

NEHEMIA 9:15

Sutempo i mangitou mal᷊unussa wuṛṛu niasueannu anna, roti wuassu langitta I'o nanossokka. Wuṛṛu wuassu watu napene, matohassa wuṛṛu maattikka ua'e aul᷊e rou niapa'elek-Ku ringannu masassagga I'o nandolokki mangitou mamanua su leta'a apan nipa'ire-Nu si tou ringannu sasalu.

YOSUA 21:43

Etearoddi Mawu nangonggolu ahewallu leta'a su ṛuangannu Israel apan buatte pina'ire-Ne ringannu sasalu su iupungngu al᷊amonan mangitou. Napawe naapanganute wanua udde, ṛuangannu Israel namanuate poiaroddi.

YOSUA 1:6

Ṛinone i'o mangimanna wuṛṛu waṛṛani, ana waugu i'o sarun mamiaṛṛa'u walahanna indi ana waugu i mangitou matana'a su wanua apan Ta'u pina'ire su iupungu al᷊amona mangitou.

TAHIUL᷊E 8:1

“Anambon tita apan ta'u nionggola si yamiu allo indi ṛinone olaanni yamiu ringannu matuṛṛutta, tadea'u i yamiu sidutu wiakka, a'atambanna anambone wuṛṛu mamanua su leta'a apan pina'iren Mawu su iupungngu al᷊amonanu.

TAHIUL᷊E 7:13

I Tou sarun marangngu wuṛṛu mangal᷊amatta si yamiu, mao'man sara anangngu manambo, wuṛṛu reengannu a'atambanna. I Tou sarun mangal᷊amatta manga wawail᷊annu, na'oman sara maghesin gandumma, anggore wuṛṛu lanan zaitun. I Tou sarun mangal᷊amata si yamiu na'oman sara manambo sapi wuṛṛu ambinga dombanu. Anambon al᷊amatta udde sarun sengkamanni yamiu su wanua apan ionggolu Mawu si yamiu, uasul᷊ungngu paaire-Ne su iupungngu al᷊amonanu.

TAHIUL᷊E 6:23

I Tou namallossi ite wuassu Mesir, wuṛṛu nangapiddi ite isindi, wuṛṛu leta'a indi nionggola si ite ere buatte nipa'ire-Ne su iupungngu al᷊amonan kite.

TAHIUL᷊E 6:18

Pa'ola'e apa apan tumuṛṛuttu Mawu mapia wuṛṛu matul᷊idda, ne i yamiu sarun su lal᷊umanna'a. Leta'a masuwukka apan pina'iren Mawu su iupungngu al᷊amonanu sarun maola'a pussaanu,

TAHIUL᷊E 6:10

“Mawu Ruatanu naddiandi su iupungngu al᷊amonanu i Abraham, i Ishak wuṛṛu i Yakub manungku i Tou sarun mangonggolu wanua udde si yamiu. Manga soane wahewalla wuṛṛu ala, wuṛṛu wal᷊ine i yamiu napararisikku soa udde.

TAHIUL᷊E 1:35

‘Tawe saran sangkatou wuassu ammul᷊annu taumata indi apan maasutta su wanua masuwukka apan Ta'u pina'ire su iupungngu al᷊amonanu.

REENGANNA 14:30

Suliuddi Kaleb wuṛṛu i Yosua, tawe saran sangkatou su wallatti yamiu apan uukke ruan pul᷊o ire'e sarun maasutta su wanua apan Ta'u pina'ire si yamiu udde.

REENGANNA 14:16

I'o namate al᷊aṛṛanang-Ngu su wadda'a ana waugu tawe mapangapiddi mangitou watukku wanua apan buatte nipa'ire-Nu.

PANDARIADDI 50:24

Wisarane su manga tuṛṛangnge, “Papate'u maranite, arawe Ruata sarun sidutu mammadul᷊i si yamiu wuṛṛu mamiaṛṛa'i yamiu sumabangnga wuassu wanua indi, watukku wanua apan buatte pina'ire-Ne ringannu sasalu si Abraham, i Ishak wuṛṛu si Yakub.”

PANDARIADDI 24:7

Mawu, Ruata apan uataṛṛino langitta, buatte nangapi'u wuassu wal᷊en iamangku wuṛṛu wuassu wanua manga tuṛṛangku, wuṛṛu i Tou buatte nassalu si ya'u manungku i Tou sarun mangonggolu wanua indi su papapulungku. I Tou lai sarun mandolokku mala'ekan-Ne mantul᷊ungngu, tadea'u i'o wotongnge maasomba sangkatou awingngu ana'u wua poiaroddi.

PANDARIADDI 13:15

i ya'u sarun mangonggolla si'o wuṛṛu su papulunnu ahewallu leta'a apan a'ellehannu udde tadea'u maola'a pussaanu saran mal᷊annu-l᷊annu.