YEREMIA 32:19 - WUKE SUSI WATTI'U AL᷊AL᷊USASSA

¹⁹ Manga ṛiin-Nu tawe sul᷊ungnge, wuṛṛu manga inolaannu maatiangnga; I'o maasilo al᷊awo'a apan a'olaanu taumata, wuṛṛu mabbal᷊issa si mangitou uasul᷊ungngu inolaanni mangitou.

YEREMIA 32:19 Referans Kwoze

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

YESAYA 28:29

Apapande udde darantane wuassu Mawu Apan Lembontaṛṛino. Anambon ṛiinnu Mawu masiṛṛongnga wuṛṛu sidutu mahessi.

DARALO 62:12

Paapirate i ya'u naaringikka Ruata mabbisara manungku taṛṛino darantane wuassi Tou,

SONDAPPA 22:12

“Panutukke indi” wisara Mawu Yesus, “Tate mal᷊annu lai I ya'u sarun rumanta ringannu uaapiddu lal᷊antakke ipabbal᷊issa al᷊awo'u taumata tumuṛṛuttu inolaannu sambau-sambau.

YEREMIA 16:17

I Ya'u naasilo al᷊awo'a apan a'olaanni mangitou. Taweddu uawuni si Ya'u; manga rosan mangitou lai buatte niasiloang-Ku.

AYUB 34:21

I tou ual᷊u'adda wiakku taumata, niellehan-Ne al᷊awo'u lempangnge.

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.

YOHANES 5:29

see sumabangnga wuassu lal᷊abinganna. Taumata apan suete na'ola'a apapia sarun mabangunna mabbiakka. Arawe taumata apan suete na'ola'a al᷊al᷊eo sarun mabangunna wuṛṛu iṛṛuumanna.”

YEREMIA 23:24

Tawe saran sangkatou apan botongnge mamunin batanganne wuassu aelle-U, ana waugu i Ya'u isudde su anambon tampa: su surga wuṛṛu su runia.

YESAYA 40:13

Isai apan mammiaṛṛa'u Mawu, ara'e mangngaṛṛa'a si Tou maola'a mananantiro-Ne?

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

AMSAL 5:21

Mawu maasilo al᷊awo'a apan a'olaannu taumata. Suapan taumata umamatta Mawu ual᷊u'adda.

EFESUS 1:11

Ruata mammanara al᷊awo'a tumuṛṛuttu apulu-Ne wuṛṛu ṛaṛṛawen-Ne sassane. Ro'en paarorone i Tou buatte namile si ite, ana waugu i Tou maapulu tadea'u i ite maola'a al᷊aṛṛanang-Nge ana waugu uaaukka ringanni Kristus.

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

MANNANASE 12:14

Ruta sarun makkuungngu al᷊awo'u inolaanni ite; apan mapia wuṛṛu apan lal᷊eo, ewe'e apan uawuni lai.

DARALO 34:15

Pangindauten al᷊al᷊eo, pa'ola'e apapia, paddea'e paddarame ringannu anambon auatannu.

2 TAWARIKH 16:9

Mawu ual᷊u'adda ahewallu runia tadea'u mangonggolu atatohan-Ne su taumata apan matuṛṛutta si Tou. Inolaannu tumaniten longonna, ana waugu udde manattakka orassa indi i'o sidutu sarun mamendamma pangalo.”

1 MARARATU 8:32

oh Mawu, antimanna I'o maddaringikka wuassu surga wuṛṛu mamutussa hatto manga allang-Ngu indi. Ṛuumana'e iapa nassal᷊a uasul᷊ungngu inolaanne wuṛṛu pallosa'e iapa tawe sal᷊ane.

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

AYUB 34:11

I Tou manggesekka taumata uasul᷊ungngu inolaanne, makkungnga si tou uasul᷊ungngu pallal᷊aghune.

AMSAL 8:14

Ete i ya'u apan nangonggollu tatantiro sulal᷊ummu naungnga. Wuṛṛu i ya'u lai apan napal᷊iatta'a. I ya'u pande wuṛṛu lai matohassa.

YEREMIA 21:14

arawe i Ya'u sarun makkuumannu ana waugu inolaannu. Wal᷊en araratuannu sarun Ta'u soṛṛowanna, wuṛṛu al᷊awo'a maranine sarun masoṛṛobba lai. I Ya'u, Mawu, buatte nabbisara.”

DANIEL 2:45

Wal᷊inewe Tuangku buatte naasilo manungku ringannu tawe nieṛṛetannu taumata, sambau watu napallossa wuassu rampissa ana see naṛṛia'a wuṛṛu nakkimunsa'a paal᷊uanna wuassu atta'a, witu'a, leta'a maṛṛamutta, sal᷊a'a wuṛṛu wul᷊awanna udde? Ruata apan wahewalla napal᷊iatta'a si Tuangku apa apan sarun mariaddi su allo addantane. Wal᷊iawa udde wotongnge pangimananna wuṛṛu tatal᷊a'an allangnga naṛṛino.”

DARALO 92:6

Aroddi ahewalle manga inolaan-Nu, oh Mawu, aroddi alal᷊umme manga ṛingiran-Nu!

DARALO 111:2

Mangke maatiangnga manga inolaannu Mawu, ṛinone saṛṛasirannu manga taumata apan maapulune.

YESAYA 59:18

I tou nabbal᷊issa manga seen-Ne uasul᷊ungngu inolaanni mangitou. Ewe'e lai manga araratuanna su manga taṛṛanusa apan marau tawe mal᷊iudda wuassu ṛuuman-Ne.

YEREMIA 25:14

Manga inolaannu taumatan Babel sarun Ta'u wal᷊isanna; i mangitou sarun allangngannu manga ratu wahewalla wuṛṛu anambon balahanna.’ ”

ZAKARIA 9:1

Eteindi tanatan Mawu. I Tou buatte nakkawessa makkuumannu wanua Hadrakh wuṛṛu soan Damsyik. Wal᷊ine tumba'u manga ṛuangannu Israel, arawe lai inangngu soa Siria uddewe pussa'an Mawu.