YEREMIA 32:18 - WUKE SUSI WATTI'U AL᷊AL᷊USASSA

¹⁸ I'o napal᷊iatta'u darangngu-Nu apan tutune su ṛiwune taumata, arawe I'o lai makkuumannu taumata ana waugu rosan hagurangnge. I'o Ruata apan mawantuga wuṛṛu matohassa; aran-Nu Mawu Apan Lembontaṛṛino.

YEREMIA 32:18 Referans Kwoze

YEREMIA 10:16

Ruatan Yakub wal᷊ine ere manga paal᷊uanna udde; i Tou mandariaddi al᷊awo'a. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

SASABANGNGA 34:7

I Ya'u sidutu mandangngu papapulunna su ṛiwune wuṛṛu mangngampungnga passal᷊a wuṛṛu rosa; arawe taumata nassal᷊a mangke tawe Ta'u ipallossa wuassu ṛuumanne, wuṛṛu Ta'u iṛṛuumanna lai manga anangnge wuṛṛu manga pulunne ma'oman sara papapulunne atallun ṛawanne wuṛṛu aiappanne ana waugu paddarosan hagurangnge”.

MATIUS 27:25

Awada'alla udde sinumimbakka, “Ore, wala'e si yami wuṛṛu manga al᷊aṛṛana'i yami mamasanna ṛuumanna wuassu papate-Ne!”

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YESAYA 10:21

Lambene addio'a walahannu Israel sarun mawal᷊u su Ruata apan matohassa.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

TAHIUL᷊E 10:17

Mawu Ruatanu roso su wowon al᷊awo'u Mawu wuṛṛu nilumebbe wuassu al᷊awo'u taṛṛino. I Tou Mawu Ruata mawantuga wuṛṛu mataṛṛino apan ṛinone subbanna. I Tou tawe mangempe wuṛṛu tawe lai manengkamma aonggola sasal᷊o'a.

REENGANNA 14:18

‘I Ya'u, Mawu, mal᷊annu masa'u. I Ya'u mapal᷊iatta'u darangngu-U wuṛṛu apapia-U ringannu nilumambalanna. I Ya'u mangampungnga taumata apan marosa wuṛṛu apan nilumawangnga si Ya'u. Salaiwe aroddi, pasasal᷊an hagurangnga Ta'u walusanna su manga anangnge wuṛṛu papapulunne, maddatingngu pallaṛṛawanne atallune wuṛṛu aiappanne.’

HABAKUK 1:12

Mawu, ro'en al᷊omonane I'o uddewe Ruata. I'o Ruata'u apan susi wuṛṛu saran mal᷊annu-l᷊annu. Mawu, Ruata'u wuṛṛu mallal᷊u'adda si ya'u, walahannu Babel udde nipile-Ne wuṛṛu niolang-Ngu matohassa ipakkuumanni yami.

NEHEMIA 1:5

“Oh Mawu Ruata uataṛṛino su surga. I'o Ruata apan Wahewallua wuṛṛu i yami sumaruanna Si'o ringannu napenen apendamma matta'utta. I'o sidutu satia wuṛṛu uaagassa paaire-Nu su taumata apan marangngu Si'o wuṛṛu matuṛṛutta parenta-Nu.

YEREMIA 31:35

Matannallo nisaddia Mawu ipanemakka allo; wul᷊anna wuṛṛu manga anumpitanna ipannemakka ṛabbi. Tahal᷊oangnga niongkene na'oman sara nallua'a, Mawu Apan Lembontaṛṛino, uddewe aranne.

DARALO 50:1

Daralon Asaf. Mawu, Ruata Apan Lembontaṛṛino, nabbisara, I Tou nassinaukka su ahewallu runia wuassu ra'i naddatingngu waṛṛatta.

TAHIUL᷊E 7:21

Nariaddi ariete mata'uttu manga walahanna udde. Mawu Ruatanu ual᷊u'adda si yamiu. I Tou uddewe Mawu Ruata apan mawantuga wuṛṛu ahewal᷊anne.

PANDARIADDI 49:24

Arawe i Yusuf sidutu matohassa ta'iakke, sidutu matohassa anaanne, ana waugu taṛṛinon Mallal᷊u'adda Lembon Matohassa, Ruatan i Yakub, Mamamadul᷊in Israel.

LUKAS 6:38

Pangonggolla su taumata waine, tadea'u Ruata lai mangonggolla si yamiu; i yamiu sarun manengkamma aonggolla nangillembo apan suete niuukka masada-sadatta maola'a wageangngu. Ana waugu auuṛṛanna apan ipanguukki yamiu su taumata waine sarun ipanguukku Ruata lai si yamiu.”

SASABANGNGA 34:6

Wua'udde Mawu sinumabbi ringanni Musa wuṛṛu nabbisara, “I Ya'u Mawu, eteudde Ruata apan napenen naungnga mapia wuṛṛu darangngu. Darungngu-U nilumambalanna, i Ya'u satia wuṛṛu mal᷊iwue masa'u.

YEREMIA 10:6

Mawu apan mawantuga, I'o mangke tawe sul᷊ungngu, aran-Nu mawantuga wuṛṛu napenen taṛṛino.

YEREMIA 20:11

Arawe I'o, oh Mawu, uasamba'a si ya'u; I'o lembon matohassa wuṛṛu ma'uatta. I mangitou mangngenggenna wuṛṛu mangngallangnga si ya'u sarun manawo wuṛṛu tawe maailore. I mangitou sarun masili sarangkal᷊o'enge, tate nariaddi anambon hol᷊agi mangitou. Hahelo mangitou udde sidutu sarun nanaunganna.

YEREMIA 50:34

Arawe i Ya'u mananal᷊amatti mangitou udde matohassa, arang-Ku Mawu Apan Lembontaṛṛino. Ete i Ya'u sassane apam nangesakku hatto mangitou wuṛṛu nangapiddu paddarame su wowon dunia. Arawe su taumatan Babel i Ya'u sarun mandantan pabbawawul᷊o wuṛṛu atata'utta.”

DANIEL 2:45

Wal᷊inewe Tuangku buatte naasilo manungku ringannu tawe nieṛṛetannu taumata, sambau watu napallossa wuassu rampissa ana see naṛṛia'a wuṛṛu nakkimunsa'a paal᷊uanna wuassu atta'a, witu'a, leta'a maṛṛamutta, sal᷊a'a wuṛṛu wul᷊awanna udde? Ruata apan wahewalla napal᷊iatta'a si Tuangku apa apan sarun mariaddi su allo addantane. Wal᷊iawa udde wotongnge pangimananna wuṛṛu tatal᷊a'an allangnga naṛṛino.”

DARALO 89:9

Mawu, Ruata Apan Lembontaṛṛino, isai pia atohassa ere I'o? I'o mapia sulal᷊ummu al᷊awo'a oh Mawu.

YEREMIA 33:2

apan nandiaddi runia wuṛṛu nallanginnu saṛṛene see nangaddo su tampane. I tou nabbisara,