YEREMIA 32:15 - WUKE SUSI WATTI'U AL᷊AL᷊USASSA

¹⁵ Mawu Apan Lembontaṛṛino, Ruatan Israel, nabbisara manungku wal᷊en, leta'a, wuṛṛu waillu anggore sal᷊immurine sarun ipabbawalli apia su wanua indi.”

YEREMIA 32:15 Referans Kwoze

ZAKARIA 3:10

Napawe allo udde nia'omante, suapan taumata sarun mannote al᷊indonganne tadea'u rumanta wuṛṛu mamendamma paddarame wuṛṛu atatammudda su pattangngannu manga wawail᷊annu anggore wuṛṛu manga punnu alu ara.”

YEREMIA 30:18

Mawu nabbisara apia: “I yamiu, uma-U sarun Ta'u iakkanna wuṛṛu Ta'u isul᷊e olangnge su wanuanu sassane. Yerusalem sarun iapararisikka apia, wuṛṛu wal᷊en araratuanne apianna.

YEREMIA 32:37

I Ya'u sarun manggemonnu walahanna indi wuassu anambon banua sutampa i mangitou Ta'u nisal᷊iawukka ana waugu asasa'u-U wuṛṛu araṛṛagi-U si mangitou. I mangitou sarun Ta'u iapidda mapul᷊e watukku tampa indi wuṛṛu Ta'u iwala matana'a isindi ringannu matammudda.

YEREMIA 31:24

Taumata sarun matana'a su Yehuda wuṛṛu su manga ampungnge. Poiaroddi sarun pia mabbawailla wuṛṛu mamamadul᷊i winatangnga sapi wuṛṛu dombane.

YEREMIA 31:12

Watukku Wuiddu Sion i mangitou sarun dumanta ringannu hati apan matilangnga, lapiddu mangngantari ringannu lullala'a ana waugu anambon aonggo-U si mangitou, eteudde gandumma, lana, anggore, sapi wuṛṛu domba. I mangitou naal᷊ihidda wailla apan ua'ene natimu, tawe atalannu apa-apa.

YEREMIA 31:5

I yamiu sarun mabbaillu anggore su panenteannu Samaria, wuṛṛu iapa massuanna sarun mani'o wuane lai.

YESAYA 44:26

Ete i Ya'u apan nanohassa wisaran allang-Ku, wuṛṛu napaamattu hol᷊aga apan niapal᷊iatta'u daroloṛṛang-Ku, i Ya'u nabbisara manungku Yerusalem sarun atanaanna apia, wuṛṛu manga soan Yehuda sarun Ta'u iapararisikka apia; manga winalal᷊anne sarun isul᷊e apia.

YEREMIA 32:14

“Mawu Apan Lembontaṛṛino, Ruatan Israel, namarenta tadea'u i'o manengkamma suratta darua indi, mawae ete asline aroddi suratta nial᷊inna, wuṛṛu taṛṛoa'a sulal᷊ummu sambau urinna perselenna tadea'u mataṛṛangnga mal᷊annu.

YEHEZKIEL 28:26

I mangitou sarun mabbiakka ringannu matammudda isudde wuṛṛu mapararisikku manga wal᷊en see ma'ola'a manga waillu anggore. I Ya'u sarun makkuumannu anambon al᷊indonganni mangitou apan buatte nangal᷊uandaga si mangitou, ma'oman sara Israel maola'a mal᷊angnganna. Ne i mangitou masingkatte manungku ete i Ya'u, Mawu Ruata mangitou.”

YEREMIA 32:25

Salaiwe aroddi, oh Mawu Apan Atanggaṛṛanne, ete I'o apan nandolo'u mamalli leta'a indi su saruannu manga matatialane, salaiwe tate mal᷊anna lai soa sarun aṛṛoannu taumatan Babel.”