YEREMIA 31:7 - WUKE SUSI WATTI'U AL᷊AL᷊USASSA

⁷ Mawu nabbisara, “Pangantarite ringannu lulluassa su Israel uma-U – balahanna apan apianne wuassu anambon walahanna. Pangantarite aantarin daralo, wuṛṛu pabbatti'e; ‘Mawu buatte nanal᷊amatta si ngana'a lambene wuassu uman-Ne.’

YEREMIA 31:7 Referans Kwoze

YESAYA 37:31

Taumatan Yehuda apan ta'e wiakka sarun su lal᷊umanna'a ere sasuanna apan ṛamunne tumaniten mal᷊al᷊umma wuṛṛu mapasabbangu wuane.

DARALO 28:9

Sal᷊amatewe al᷊aṛṛanang-Ngu, oh Mawu, al᷊amatewe manga taumata pussaa-Nu. Pattingkaola'e ere sangkatou mallal᷊u'adda si mangitou, wuṛṛu riagaite i mangitou saran mal᷊annu-l᷊annu.

DARALO 14:7

Antimanna wuassu Sion rumanta asasal᷊amattu Israel! Ne pallal᷊awanni Yakub sarun lumuassa napawe mangapia apia ola'u wiakku al᷊aṛṛanang-Nge.

YEREMIA 23:3

Arawe manga uma-U lambene sarun Ta'u iammulla wuassu manga wanua sutempan mangitou Ta'u niwuangnga. I mangitou sarun Ta'u iapidda mabbelengnga apia watukku leta'a niariaddianni mangitou wuṛṛu papapulunni mangitou sarun a'atambanna anambone.

ROMA 11:5

Aroddi lai orassa indi: Pia sire pira manga taumata apan buatte nipilen Duata ana waugu al᷊aman-Ne.

ROMA 9:27

Nabi Yesaya nabbisara ringannu maṛṛagissa su ola'u walahannu Israel, “Salaiwe reengannu walahannu Israel anambone ere anne su tahal᷊oangnga, tumba'u matul᷊ungnga apan masal᷊amatta;

ZEFANYA 2:9

Ringannu arang-Ku apan wiakka, Ruatan balahannu Israel, i Ya'u sarun manahangginna ma'oman sara mawaresi Moab wuṛṛu Amon ere lai Sodom wuṛṛu Gomora. Manga wanua udde sarun mapenen manga paṛṛihin asimma wuṛṛu manga tuidda tate maṛṛa'a apan tinumuwo su ṛapusi'a ṛoaanna. Lamben uma-U apan naal᷊assangnga sarun mangaṛṛo tumanangnge, wuṛṛu manganu leta'i mangitou.”

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

MIKHA 2:12

Mawu nabbisara apia, “Ei umattu Israel apan ta'e nallambe! I yamiu sarun Ta'u iammulla wuṛṛu Ta'u iaukka ere domba apan nabbelangnga su tandangnge. Naal᷊ihidda wadda'u nannal᷊o apan napenen domba, aroddi lai wanuanu sarun mapene apia ringannu taumata marasai.

AMOS 5:15

Arantinten al᷊al᷊eo, pandangute apapia, wuṛṛu amata'e su atatul᷊idda. Asinungka Mawu sarun umakkannu manga taumata lambene wuassu walahannu Israel.

YOEL 2:32

Arawe isai-sai apan maddorongnga aontollu Mawu, sarun iapasal᷊amatta. Mawu nabbisara, “Su Yerusalem manga taumata apan Ta'u nipile sarun masal᷊amatta.”

HOSEA 1:7

Arawe walahannu Yehuda sarun Ta'u rangnguanna. I Ya'u Mawu, Ruatan mangitou, sarun manal᷊amatta si mangitou, arawe wal᷊ine ringannu pangalo, wuṛṛu lai wal᷊ine ringannu hal᷊ele ara'e anaanna ara'e awal᷊o wuṛṛu sumasa'ene.”

YEHEZKIEL 6:8

Sangkawageanganna addio'a wuassi mangitou sarun Ta'u iapaal᷊iu wuassu pamamate udde, arawe i mangitou sarun isal᷊iawukka su wallattu manga araratuanna;

YESAYA 61:9

Pallaṛṛitenu tumelengnga su anambon tampa, maddingikka suwallattu al᷊awo'u walahanna. Ne anambon taumata apan naasilo sarun manga'u, manungku walahanna indi Ta'u nial᷊amatanna.”

YESAYA 44:23

Paggiote ringannu al᷊al᷊uassa, ei langitta, paggiote, ei wantan dunia! Paggioten lal᷊uassa, ei manga wowone! see lai mahurangnge wuṛṛu suapan punnu alu sulal᷊umme! Ana waugu Mawu buatte napal᷊iatta'u awawantu-Ge ringannu nanubbussa Israel uman-Ne.

YESAYA 37:4

Ratun Asyur buatte nandolokku tembonannu tantara atanggaṛṛanne niapaal᷊uandaga Ruata apan biakka. Isai masingkatta Mawu Ruata naaringikka a'al᷊uandaga udde wuṛṛu sarun makkuumanni mangitou apan nabbisara! Ana waugu udde aal᷊iomante su Ruata hunan manga taumatan kite apan ta'e wiakka.”

YESAYA 11:11

Su allo udde Mawu sarun paassa lai mappaattu taṛṛino-Ne mangapidda mapul᷊e uman-Ne lambene su Asyur wuṛṛu su Mesir, su manga wanua Patros, Sudan wuṛṛu Elam, su Babel, Hamat wuṛṛu manga taṛṛanusa apan marau.

YESAYA 1:9

Unnuwisara Mawu Apan Lembontaṛṛino, tawe mandalukka manga pira taumata hunan kite, i ite lai nasuete abbi, ere Sodom wuṛṛu Gomora.

DARALO 106:47

Sal᷊amatewe i yami, oh Mawu Ruatan kami, ammul᷊aawe i yami wuassu wallattu manga walahanna, tadea'u i yami wotongnge maadiangkamanna wuṛṛu maddalo aran-Nu apan susi.

DARALO 69:35

Paddalote Ruata, ei langitta wuṛṛu runia, tahal᷊oangnga wuṛṛu anambon riadianna sulal᷊umme.

DARALO 67:1

Su piaṛṛa'u mangangantari. Ringannu nanalangnge kecapi. Daralo.

TAHIUL᷊E 32:43

Wette manga walahanna, paddalote al᷊aṛṛana'u Mawu, ana waugu Mawu makkuumannu sarangkanambone apan namate si mangitou. I Tou nabbal᷊issa taddu'u naungnga su manga se'en-Ne arawe nangampungnga rosan manga al᷊aṛṛanang-Nge.”

TAHIUL᷊E 28:13

Mawu Ruatanu sarun ma'ola'a si yamiu mamamiaṛṛa'a suwallatu manga walahanna, wuṛṛu wal᷊ine mallal᷊aṛṛenggena. Amungkangngu i yamiu maaddunna tuttuṛṛutta anambon parentan Mawu apan ta'u nionggola si yamiu allo indi, i sarun lembon su lal᷊umanna'a wuṛṛu tawe sarun paassa sumoṛṛotta.

YEREMIA 3:23

Mangke suadio'a i yami mangngelekka massubba paal᷊uanna su manga puiddu wowone! Aontolla su Israel tumba'u darantane wuassu Mawu Ruatang kami.

YEREMIA 20:13

Pangantarite su Mawu wuṛṛu paddalote si Tou ana waugu i Tou namallossu taumata niallangnga wuassu taṛṛinon taumata mapotol᷊osanna.

YEREMIA 31:12

Watukku Wuiddu Sion i mangitou sarun dumanta ringannu hati apan matilangnga, lapiddu mangngantari ringannu lullala'a ana waugu anambon aonggo-U si mangitou, eteudde gandumma, lana, anggore, sapi wuṛṛu domba. I mangitou naal᷊ihidda wailla apan ua'ene natimu, tawe atalannu apa-apa.

LAL᷊ALLU 1:1

Aroddi al᷊annabbe Yerusalem orassa indi, soa apan al᷊amonane rame atonna. Dorone tinumelengnga wuassu al᷊awo'u manga walahanna, orassa indi naola'e ere wawine wal᷊u. Dorone soa apan mangke raddaloanna, orassa indi niola'e allangnga.

DARALO 126:2

I ite sidutu lullage wuṛṛu mangngantari lullala'a na'oman sara manga walahanna waine mabbisara, “Mawu buatte na'ola'a inolaanna apan wahewalla si mangitou!”

YESAYA 52:8

Paddaringikke aikkuittu al᷊al᷊uassu mandariaga soa, i mangitou mangngintul᷊i suadio'a! Ana waugu ringannu mata pua sassane i mangitou naasilo Mawu nabbelengnga su Sion.