YEREMIA 31:34 - WUKE SUSI WATTI'U AL᷊AL᷊USASSA

³⁴ Tate gunane lai wuassi mangitou mangaṛṛa'a sansul᷊ungnge ipa'illal᷊a Mawu. Ana waugu i mangitou sarangkanambone, wahewalla addio'a, sarun maaillal᷊a si Ya'u. Manga pasasal᷊a mangitou sarun timbul᷊ianang-Ku, manga rosa mangitou Ta'u ampunganna. I Ya'u, Mawu, buatte nabbisara.”

YEREMIA 31:34 Referans Kwoze

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

IBRANI 8:12

I Ya'u sarun mangampunga manga pasasal᷊a mangitou, wuṛṛu tate lai mannaungnga manga rosa mangitou.”

1 YOHANES 2:27

Arawe su ola'i yamiu sassane, Kristus suete namobboku Ghaṛṛaho-Ne si yamiu. Wuṛṛu sulal᷊ummu Ghaṛṛaho-Ne ta'e ringanni yamiu, arie pia taumata waine mangaṛṛa'a si yamiu. Ana waugu Ghaṛṛaho-Ne mangngaṛṛa'a si yamiu su ola'u al᷊awo'a; wuṛṛu apa apan ia'aṛṛa-Nge udde atonna, wal᷊ine wahia. Ana waugu udde, ṛinone i yamiu tumuṛṛutta apa apan niaṛṛa'u Ghaṛṛaho udde, wuṛṛu ṛinone i yamiu sidutu mabbiakka uaaukka ringanni Kristus.

YESAYA 54:13

Anambon tumanangngu nabbal᷊i mallal᷊aṛṛenggeng-Ku, i mangitou sarun tawe su awussa ewe'e su lal᷊umanna'a.

YEREMIA 33:8

I Ya'u sarun mamaresi si mangitou wuassu manga rosa apan buatte niola'i mangitou su saruang-Ku; manga rosa wuṛṛu lal᷊awangngi mangitou sarun Ta'u ampunganna.

YEREMIA 50:20

Sutempo udde Israel wuṛṛu Yehuda sarun mawaresi wuassu rosa, ana waugu i Ya'u sarun mangampungnga manga taumata apan buatte i Ya'u niapaasal᷊amatta. I Ya'u, Mawu, buatte nabbisara.”

YOHANES 6:45

Sulal᷊ummu Wuke Manga Nabi uawoṛṛetta arendi, ‘Anambon taumata sarun tantiroannu Ruata.’ Nariaddi anambon taumata apan madaringikka Iamangnga wuṛṛu mangngurumma wuassi Tou, rumanta ringang-Ku.

1 YOHANES 2:20

Arawe i yamiu suete nanengkamma Ghaṛṛahon Duata apan niwobboki Yesus Kristus wuṛṛu ana waugu udde i yamiu sarangkanambone maaillal᷊a al᷊aṛṛa'a apan naṛṛino udde.

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

YEREMIA 24:7

I Ya'u sarun mangonggolla si mangitou apendamma ipassunna manungku ete i Ya'u Mawu. Ne i mangitou sarun maola'a uma-U, wuṛṛu i Ya'u mabbal᷊i Ruata mangitou, ana waugu i mangitou sarun mabbelengnga ringang-Ku ringannu ahewallu naungnga.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

WATTI'U MANGA RASUL 10:43

Anambo manga nabi mabatti'i Tou. I mangitou mabbisara manungku anambon taumata apan mangngimanna Mawu Yesus, sarun ampunganna rosane ringannu taṛṛino wuassu Ruata.”

HABAKUK 2:14

Arawe naal᷊ihidda tahal᷊oangnga napenen ua'e, aroddi runia lai sarun peneannu asingkatta su ola'u Mawu wuṛṛu taṛṛino-Ne.

YESAYA 44:22

Pasasal᷊anu Ta'u limbuaṛṛanna ere winabbawa, rosanu Ta'u iapasal᷊iu ere abbunga. Pabbelengke ringang-Ku, ana waugu i Ya'u buatte namallonnu!”

IBRANI 5:12

Su ṛinone nia'omante tempone si yamiu maola'a huru, arawe wutte'e yamiu ta'e wotonge pangurumma lai su taumata waine su ola'u al᷊aṛṛa'a paarorone wuassu al᷊aṛṛa'u Ruata. I yamiu taambe maasengkamma anna apan maattika; i yamiu tumba'u wotongnge ma'inumma susu.

1 TESALONIKA 4:9

Tate gunane lai yami mamoṛṛettu suratta si yamiu su ola'u ereapa i yamiu ṛinone mandangngu manga tuṛṛangnga apan sambau su pangangimanna. I yamiu sassane suete niaṛṛaannu Ruata ana see i yamiu uararangngu.

EFESUS 1:7

Ana waugu wuassu papaten Kristus, i ite nipallosu Ruata, atappasanne manungku i Tou buatte nangampunga si ite wuassu manga rosan kite.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

YESAYA 11:9

Su Sion, Wuiddu Ruata Na'ukkassa, tawe al᷊al᷊eo apan manggohakka. Wanua sarun mapenen asingkatta su ola'u Ruata, naal᷊ihidda ua'e namene tahal᷊oangnga.

2 KORINTUS 2:10

Amungkangngu i yamiu mangampunga taumata apan buatte nassal᷊a si yamiu, ne i ya'u lai mangampunga taumata udde. Ana waugu apa apan buatte niampungangku – amungkangngu atonna ta'e pia apan ta'u ampunganna – udde ampungangku su saruanni Kristus maola'a apapian kamiu.

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

YESAYA 33:24

Tawe saran sangkatou su wanuan kite apan sumal᷊iomanna ana waugu maradda'a, wuṛṛu anambon dosa sarun ampunganna.

YESAYA 30:26

Wul᷊anna sarun masemakka ere semakku matannallo, wuṛṛu matannallo sarun maola'a paapitu asemakke wuassu wiasane, ere semakku pitu allo niammulla naola'a sambau. Sarangkanambone udde sarun mariaddi sutempo Mawu mami'unna wuṛṛu mapaapia manga lessa uman-Ne apan buatte nipuulle.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

1 SAMUEL 2:12

Al᷊aṛṛana'i Eli tumaniten dal᷊eo atonna. I mangitou tawe maddaringikka Mawu

YOHANES 17:6

I Ya'u suete namasingkattu Iamangnga su manga taumata su runia indi apan suete nionggolu Iamangnga si Ya'u. I mangitou udde pussa'an Iamangnga, wuṛṛu Iamangnga suete nangonggolli mangitou si Ya'u. I mangitou suete tinumuṛṛutta wisaran Iamangnga.

LUKAS 1:77

see mamasingkatta su pabbawala-Ge manungku i mangitou sarun masal᷊amatta, amungkangngu Ruata suete nangampungnga manga rosa i mangitou.

IBRANI 8:11

I mangitou salaiwe lasa'e mangaṛṛa'a hawene lal᷊oṛṛon soa, ara'e mamasingkata tuṛṛangnge, ‘Illal᷊aite Mawu,’ Ana waugu i mangitou sarangkanambone, timmade, dario'a, sarun maa'illal᷊lal᷊a si Ya'u.

YESAYA 38:17

Asasinggawangku sarun mawal᷊u mabbal᷊i atatammudda, I'o nanal᷊amatta si ya'u wuassu asasilaka; manga rosa'u sarangkanambone buatte niampungan-Nu.

YEREMIA 32:40

I Ya'u sarun ma'ola'a paaire apan tawe pattaal᷊anne ringanni mangitou. I Ya'u tawe mangillol᷊o ma'ola'a apapia si mangitou. I Ya'u sarun ma'ola'a si mangitou matta'utta wuṛṛu maaddatta si Ya'u ringannu ahewallu naungnga tadea'u i mangitou tawe mangindau-U.

HOSEA 2:20

Ere buatte pina'ire-U, i'o sarun Ta'u iawingnga. I'o sarun manga'u mangungku i Ya'u maola'a Mawunu sassane.

DARALO 25:7

Ampungewe rosa wuṛṛu pasasal᷊a'u sutempo i ya'u ta'e dario'a, naungewe ringannu darangngu wuṛṛu apapia-Nu.

YESAYA 29:24

Taumata woddo sarun mangurumma tadea'u maasunna wuṛṛu taumata apan sidutu sussawutulla sarun mal᷊uassa aṛṛaanna.”

YESAYA 33:6

wuṛṛu mangonggollu atatammudda su uman-Ne. Darotongnga apan naapanal᷊amatta si mangitou uddewe apapande wuṛṛu asingkatta see lai addatta su Mawu.

YESAYA 52:6

Ana waugu udde i yamiu sarun manga'u manungku i Ya'u Ruata, wuṛṛu sutempo udde i yamiu sarun maasingkatta manungku ete i Ya'u apan nabbisara si yamiu.”

YEREMIA 9:23

Mawu nabbisara, “Taumata pande imbaṛṛangnga lumuassa ana waugu apapandene, taumata matohassa ana waugu atatohanne, wuṛṛu taumata ala ana waugu pa'aalane.

MIKHA 7:19

I'o sarun umakkanni yami apia wuṛṛu mangampungnga si yami. Manga rosan kami sarun ṛussaan-Nu wuṛṛu iwareta-Nu su wantan tahal᷊oangnga!