YEREMIA 31:3 - WUKE SUSI WATTI'U AL᷊AL᷊USASSA

³ wuassu marau i Ya'u naipasilon batangang-Ku si mangitou. Ei umattu Israel, ro'en dorone i Ya'u sidutu mandangngu si yamiu, wuṛṛu sarangkal᷊o'enge i Ya'u sidutu mappal᷊iatta'a manungku i Ya'u sidutu marangngu si yamiu.

YEREMIA 31:3 Referans Kwoze

DARALO 103:17

Arawe Mawu sidutu mandangngu taumata ma'imanna, apapia-Ne sara maṛṛawa mappulunna

HOSEA 11:4

Ringannu al᷊awo'u darangngu-U, i Tou Ta'u niundani ringang-Ku. Al᷊awo'u asasusane Ta'u niapaṛṛanna, wuṛṛu ringannu awawawon naungngi tou Ta'u nionggol᷊annu anna.

TAHIUL᷊E 33:3

Atonna, Mawu marangngu walahan-Ne I Tou mallu'adda anambon taumata apan naola'a pussa'a-Ne. Wette i ite umal᷊intudda su saruannu ledda-Ne wuṛṛu tumuṛṛutta manga parenta-Ne.

1 YOHANES 4:19

I ite mandangngu, ana waugu Ruata doronete nandangngu si ite.

2 TIMOTIUS 1:9

Ruata mannal᷊amatta si ite wuṛṛu namago si ite, tadea'u maola'a al᷊aṛṛanang-Nge. I Tou na'ola'a udde wal᷊ine ana waugu apa apan suete nimmanaran kite, ewe'e ana waugu panduman-Ne sassane wuṛṛu darangngu-Ne. I Tou nandangngu si ite sulal᷊ummi Kristus Yesus ro'en runia indi taambe niriaddi.

ROMA 8:30

Ete aroddi Ruata namaggo si mangitou apan buatte nipile paarorone; wuṛṛu i mangitou apan niwagoanne udde, niwala maaukka apia ringanni Tou. Wuṛṛu i mangitou apan niwala apia maaukka ringannu Ruata, nanganu wageangnge sulal᷊ummu awawantugu Ruata sassane.

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

MALEAKHI 1:2

Mawu nabbisara su uman-Ne, “I Ya'u marangngu si yamiu.” Arawe i mangitou sinumimbakka, “Ereapa Mawu mandangngu si yami?” Mawu sinumimbakka, “Wal᷊inewe Esau iaangngi Yakub? Arawe i Yakub Ta'u arangnguanna,

TAHIUL᷊E 10:15

Arawe darangngun Mawu su al᷊amonanu aroddi ahewalle, na'oman sara wuassu al᷊awo'u walahanne, ete i yamiu apan nipile-Ne, wuṛṛu na'oman sara orassa indi lai yamiu ta'e al᷊aṛṛanang-Nge apan nipile-Ne.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

ANTARI MAWANTUGA 1:4

Pandiahite i ite, ore ratu'u, apira'e i ya'u sulal᷊ummu wabbo'anu. Ana waugu I'o i yami sarangkanambone lullassa, wuṛṛu maddalo darangngunu nilumebbe wuassu anggore; naṛṛinote manga maṛṛuala maapulunu!

HOSEA 11:1

Mawu nabbisara, “I Ya'u u'akkannu Israel ro'en i tou ta'e addio'a, Ta'u niwaggoanna ana-U udde sinumabbangnga wuassu Mesir.

TAHIUL᷊E 33:26

“Ore Israel! Tawe Mawu naal᷊ihidda Ruatanu; I Tou mammal᷊itaddu langitta ringannu awawantuga wuṛṛu nallassuta winabbawa tadea'u mangontolla si yamiu.

TAHIUL᷊E 4:37

Ana waugu i Tou mandangngu al᷊amonanu, ne i Tou buatte namile si yamiu; ringannu taṛṛino-Ne apan wahewalla i yamiu buatte niapiddi Tou sinumabbangnga wuassu Mesir.

YAKOBUS 1:18

Wuassu apulu-Ne sassane i Tou nandiaddi si ite al᷊aṛṛanang-Nge wuassu ṛengetan-Ne apan atonna. I Tou nandiaddi udde tadea'u i ite maasomba tampa apan apianne su wallatu anambon riadian-Ne.

ROMA 9:13

Sulal᷊ummu Wuke Susi uawoṛṛetta manungku Ruata namasingkata ereindi, “Yakub arangnguang-Ku, arawe Esau ipaadiri-U.”

DARALO 25:6

Naungewe apapia wuṛṛu darangngu-Nu, oh Mawu, apan buatte nitantiro-Nu ro'en paarorone.

1 MARARATU 10:9

Dalo so Mawu, Ruatan Tuangnga! Ringannu nanenegi Tuangnga naola'a ratun Israel, Mawu napal᷊iatta'a aroddi al᷊uanne i Tou si Tuangnga. Tawe panginsueanne i Tou mandangngu walahannu Israel; ana waugu udde i Tou namile si Tuangnga naola'a ratun mangitou, tadea'u i Tuangnga wotongnge mandisikku tita wuṛṛu atatul᷊idda.”

YESAYA 43:4

I'o maarega su mata-U, i Ya'u mangngareganu wuṛṛu marangngu si'o; ne i Ya'u nangonggollu taumata maola'a hahantinu, manga walahanna maola'a wawaekku niawanu.

YESAYA 49:14

Arawe tumana'u Yerusalem nabbisara, “Mawu buatte nanantangngi ite, Mawu naabul᷊iten kite.”