YEREMIA 31:23 - WUKE SUSI WATTI'U AL᷊AL᷊USASSA

²³ Mawu Apan Lembontaṛṛino, Ruatan Israel nabbisara, “Napawe uma-U buatte Ta'u niola'a tumelengnga ere dorone, ne su wanua Yehuda wuṛṛu su manga ampungnge sarun aringiṛṛanna apia taumata mabbisara, ‘Antimanna Mawu mangal᷊amatta wuidda susi su Yerusalem tampa atatanaanna apan niṛṛae si Tou.’

YEREMIA 31:23 Referans Kwoze

ZAKARIA 8:3

I Ya'u sarun mabbelengnga su Yerusalem, soa-Ku apan susi udde. Yerusalem sarun tumelengnga sambau soa apan satia, wuṛṛu wuiddu Mawu Apan Lembontaṛṛino sarun isaggo Wuidda susi.

YEREMIA 50:7

I mangitou nitalliwunanna wuṛṛu nisansaran anambon taumata apan nassomba mangitou. Manga seettu uma-U mabbisara, ‘Apa apan niola'i ite, tawe sal᷊ane, ana waugu manga taumata udde narosate su lantakku hati Mawu. Al᷊amonan mangitou mangngimanna Mawu, nariaddi ṛinone lai i mangitou sidutu satia si Tou.’

YESAYA 1:26

I yamiu lau sarun Ta'u onggol᷊annu manga mallaṛṛuungnga wuṛṛu manga manananantiro ere dorone. Ne Yerusalem sarun isaggo soa apan matul᷊idda wuṛṛu satia.”

MIKHA 4:1

Su manga allo addantane wuidda, tampan Wal᷊en Duata sarun dumarisikka matul᷊idda wuṛṛu u'innuitta matanggakka nangampal᷊iu manga wowone wuṛṛu manga wuidda Anambon walahanna uawawambio inai poiaroddi.

OBAJA 1:17

“Arawe su Wowon Sion, sarun piaddu masal᷊amatta, wuṛṛu wowone udde mabbal᷊i tampa apan niaṛṛae huna-U. Ne papapulunni Yakub sarun maatahuanna apia leta'a pussa'an mangitou.

YEREMIA 30:18

Mawu nabbisara apia: “I yamiu, uma-U sarun Ta'u iakkanna wuṛṛu Ta'u isul᷊e olangnge su wanuanu sassane. Yerusalem sarun iapararisikka apia, wuṛṛu wal᷊en araratuanne apianna.

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

YESAYA 1:21

Soa apan dorone satia, orassa indi naalihidda ere sangkatou masandaga! Dorone anambon tumanangnge matul᷊idda wuṛṛu tawe awusune, arawe orassa indi niatana'ante manga taṛṛa pate.

DARALO 134:3

Antimanna wuassu Sion i yamiu al᷊amatannu Mawu, Nandiaddi langitta wuṛṛu runia!

DARALO 129:8

Manga taumata sumabbi taweddu mabbisara, “Antimanna i'o al᷊amatannu Mawu, i yami mangal᷊amatta si'o sulal᷊ummu arannu Mawu.”

DARALO 128:5

Antimanna wuassu Sion Mawu mangal᷊amatta. Antimanna i'o maasilo paa'alan Yerusalem su al᷊o'engngu pabbiaṛṛannu!

DARALO 28:9

Sal᷊amatewe al᷊aṛṛanang-Ngu, oh Mawu, al᷊amatewe manga taumata pussaa-Nu. Pattingkaola'e ere sangkatou mallal᷊u'adda si mangitou, wuṛṛu riagaite i mangitou saran mal᷊annu-l᷊annu.

RUT 2:4

Tawe nal᷊annu wua'udde i Boas nirumanta wuassu Betlehem wuṛṛu nattabea singana'a mangangitingnga. “Antimanna Mawu uaṛundinganna si yamiu,” wisarane. Mangangitingnga sinumimbakka, “Antimanna Mawu mangal᷊amatta si Papa.”

YEREMIA 32:44

surattu pamamalline sarun teengannu, pia segelle, wuṛṛu tohasannu manga matatialane. Udde sarun mariaddi su wageangngu leta'i Benyamin, su manga ampungnga maranin Yerusalem, wuṛṛu su manga soan Yehuda, su manga soa su panenteanna, wuṛṛu su Yehuda samba'a timukka. Walahanna indi sarun Ta'u isul᷊e apia olangnge su wanua indi. I Ya'u, Mawu, buatte nabbisara.”

YESAYA 11:9

Su Sion, Wuiddu Ruata Na'ukkassa, tawe al᷊al᷊eo apan manggohakka. Wanua sarun mapenen asingkatta su ola'u Ruata, naal᷊ihidda ua'e namene tahal᷊oangnga.

YESAYA 32:16

Su ahewallu wanua sarun pia atatul᷊idda wuṛṛu apapia.

YESAYA 33:5

Mawu tumanite mawantuga; i Tou uataṛṛino al᷊awo'a. I Tou sarun manduittu tita wuṛṛu atatul᷊idda su Yerusalem

YEREMIA 29:14

Atonna, i yamiu sarun maasomba si Ya'u. I yamiu sarun Ta'u ihemonna wuassu pattangngannu al᷊awo'u walahanna wuṛṛu wuassu tiappu wanua su tampang kamiu nisal᷊iawukka wuṛṛu niwuanga. I yamiu sarun Ta'u iapidda watukku wanua inariaddiannu indi see mamelengngu ola'u pabbiaṛṛanni yamiu. I Ya'u, Mawu, buatte nabbisara.’