YEREMIA 31:22 - WUKE SUSI WATTI'U AL᷊AL᷊USASSA

²² Maddatingngu tingngera i'o tawe homago'a, ei walahanna apan mal᷊awangnga si Ya'u? I Ya'u buatte nandiaddi manga apa apan wakku su runia, sambau apan maaṛindu'a – ma'atiangnga ere wawine uariaga esakka.”

YEREMIA 31:22 Referans Kwoze

YEREMIA 49:4

Ei i yamiu apan mal᷊awangnga! Anio i yamiu mangngunsandakku manga wawal᷊annu apan masuwukka? Anio i yamiu mangngasakku paa'alanu? Ereapa wotongnge i yamiu mabbisara manungku tawe saran sangkatou apan waṛṛani mamangalo si'o?

YEREMIA 7:24

Arawe i mangitou maddiri maddaringikka wuṛṛu maddiri massunna. Ewe'e lai i mangitou tuttuṛṛutta apulu naungngi mangitou sassane apan maattikka wuṛṛu lal᷊eo udde. I mangitou wal᷊inewe nabbal᷊i mapia ewe'e nabbal᷊i lembon maddal᷊eoanna.

MATIUS 1:21

I Maria sarun mangunsiwen sangkatou ana'a esakka. I'o sarun managgon arannu ana'a udde Yesus, ana waugu I tou sarun manal᷊amatta al᷊aṛṛanang-Nge wuassu rosa mangitou.”

HOSEA 11:7

wuṛṛu mangke mappulu manantang-Ku. Ne i mangitou sarun allanganna, arawe taweddu mamallossi manitou salaiwe i mangitou mangngintul᷊i ma'iontolla.”

HOSEA 8:5

I Ya'u maddantinu sapi wul᷊awanna apan sassubbannu tumana'u soan Samaria. I Ya'u mangke nasa'u atonna si mangitou. Maddatingngu tingngera i mangitou sidutu mandal᷊eo watanganni mangitou ringannu massubba paaluanna?

HOSEA 4:16

I yamiu, ei taumatan Israel, tumaniten tawe maddaringikka! Ereapa wotongnge i Ya'u mallu'adda si yamiu ere domba su wadda'u nannal᷊o?”

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

YEREMIA 3:22

Ei i yamiu sarangkanambone apan nanantangke Mawu, pabbelengke! I tou sarun mangapia si yamiu, wuṛṛu ma'ola'a si yamiu mabbal᷊i satia. I yamiu mabbisara, “Ore, orassa indi i yami rumantate ringannu Mawu, ana waugu i Tou Ruatan kami.

YEREMIA 3:6

Sutempo i Ratu Yosia uaparenta, Mawu nabbisara arendi si ya'u, “I'o naasilote inolaannu Israel, wawine apan mal᷊awangnga udde? I tou nanantang-Ku wuṛṛu mammanara sussandaga su puiddu anambon wuidda apan matanggakka wuṛṛu su al᷊ungngu suapan aaluanna apan mapaṛṛampunga.

YEREMIA 2:36

Mal᷊ihakka atonna i yamiu inai ringannu manga mongannu walahannu waine tadea'u maiontolla! I yamiu sarun iapasassillu taumata Mesir, ere lai i yamiu niapasassillu Asyur.

YEREMIA 2:23

Waṛṛani atonna i'o mabbisara manungku i'o tawe sal᷊ane, wuṛṛu manungku i'o tawe mallaṛṛenggenna si Baal! Pa'ellege pallal᷊agunu su wawal᷊anne, pannaungke al᷊al᷊eonu wuṛṛu panga'ute! I'o naal᷊ihidda unta inangnge apan mappulu mabbawatianna, tuttul᷊angnga uapapal᷊ele tawe tantunne,

YEREMIA 2:18

Apa untungnge i'o mabbatukku Mesir? Inai ma'inumma ua'en Sal᷊ukku Nil? Apa untungnge i'o mabbatukku Asyur? Inai ma'inumma ua'en Sal᷊ukku Efrat?

YESAYA 7:14

Orassa indi, Mawu sassane sarun mangonggollu tatiala si yamiu: Sangkatou maṛṛuala apan pia illoṛṛo sarun manungkangngu sangkatou ana'a esakka apan aranne isaggo Imanuel.

REENGANNA 16:30

Arawe amungkangngu Mawu na'ola'a sambau apan taambe saran paassa niaringiṛṛanni yamiu al᷊annune indi, wuṛṛu amungkangngu leta'a mawa'a mangalluppa si mangitou suadio'a ringannu al᷊awo'u darotongngi mangitou, na'oman sara i mangitou masutta ta'e wiakka sulal᷊ummu runian taumata nate, i yamiu maasingkatte manungku manga taumata udde nilumawangnga Mawu.”

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

ZAKARIA 7:11

Arawe uma-U puane maattikka wuṛṛu mangke maddiri maddaringikka; i mangitou mannapingnga tal᷊inga mangitou ana see tawe maaringikka.

HOSEA 14:4

Asyur tawe mapanal᷊amatta si yami, wuṛṛu awal᷊on pangalo tawe maaontolla si yami. I yami tate lai maggahatton manga paal᷊uanna apan niola'i yami sassane manungku i mangitou Ruatan kami. Oh Mawu, I'o niumakkannu manga taumata apan tawe uatahuanna sisai-sai apan wotongnge ipangasakki mangitou.”

YEREMIA 14:7

Uma-U ma'ial᷊are, ‘Mawu, salaiwe rosan kami mammaṛṛansilla si yami arawe ontol᷊ewe i yami ere buatte nipa'ine-Nu. I yami buatte nanantang-Ngu masokka-sokka; atonna, i yami narosate su Mawu.

YEREMIA 13:27

I Ya'u buatte naasilo si yamiu ma'ola'a manga apa apan iaaranting-Ku. I Ya'u naasilote si yamiu mangngenggenna manga nawu waine su wuidda wuṛṛu su wawail᷊anna, ere sangkatou esakka mabbewan awingngu taumata waine ara'e ere awal᷊o esakka mabbewan awal᷊o wawine. Tumana'u Yerusalem, nasilakate i yamiu! Tingngera i yamiu mapallossa wuassu al᷊al᷊eo?”

YEREMIA 3:14

Mawu nabbisara, “Ei umatta apan mal᷊awangnga, pabbelengke ringang-Ku! I yamiu uddewe pussa'a-U. I Ya'u sarun manganu si yamiu, sangkatou wuassu suapan soa, ruang katou wuassu suapan amonanna, wuṛṛu mangapiddi yamiu apia su Wuiddu Sion.

GALATIA 4:4

Arawe napawe su temponete, Ruata mandolokku Anang-Nge su Runia. Anang-Nge udde niasungkanga wuassu sangkatou wawine wuṛṛu mabbiakka su al᷊ungngu parentan titan agama.

YEREMIA 3:1

Mawu nabbisara, “Amungkangngu sangkatou inangngu ana'a sindoannu awingnge, ana see wawine udde nabbal᷊i awingngu taumata waine, ne iamangngu anangnge dorone tate wotongnge manganu si tou apia maola'a inangngu anangnge, ana waugu olangnge udde sarun maahohakka wanua indi. I'o Israel, piate tunanga tumanite manambo, ereapa orassa indi i'o ma'apulu mabbelengnga ringang-Ku!

YEREMIA 3:4

Sutempo asasuṛṛipinnu udde i'o nabbisara si Ya'u manungku i Ya'u iamangngu, manungku i Ya'u marangngu si'o ro'en ta'e addio'a.