YEREMIA 31:19 - WUKE SUSI WATTI'U AL᷊AL᷊USASSA

¹⁹ I'o buatte tinal᷊i'uranni yami, arawe inolaanna udde iassasilli yami. Napawe I'o nakkuumanni yami, puang kami niumaruutta ana waugu massusa. I yami massili wuṛṛu nahelo ana waugu buatte na'ola'a rosa sutempo dario'a.’

YEREMIA 31:19 Referans Kwoze

YEHEZKIEL 36:31

I yamiu sarun maanaungnga pallal᷊agunu apan dal᷊eo wuṛṛu inolaannu apan tawe suṛṛinone udde, ana see i yamiu mabbal᷊i mammuta batangannu sassane ana waugu manga rosa wuṛṛu al᷊al᷊eonu udde.

YEREMIA 3:25

Nariaddi, wala'e i yami mamasanna asasili, wuṛṛu wala'e i yami mabbal᷊i lal᷊ebbone. Ana waugu, i yami wuṛṛu al᷊amonan kami narosate su lantakku hati Mawu Ruatang kami, wuṛṛu taambe saran paassa tumuṛṛutta manga parenta-Ne.”

YEHEZKIEL 21:12

Ei taumata apan mattate, lalluaite wuṛṛu sal᷊andete! Ana waugu hal᷊ele udde nasaddiate lumawangnga uma-U. Manga piaṛṛa'u Israel suadio'a ringannu ahewallu walahanna sarun usu'annu hal᷊ele udde ma'oman sara mate. Ne pameppelle roonu ringannu massusa,

LUKAS 18:13

Arawe madarorongnga wose udde nirumarisikka marau-rau wuṛṛu tawe maningngara langitta. Lapiddu mannapu roone, i tou nabbisara, ‘O Ruata, akkanawe i ya'u, taumata marosa indi!’ ”

TAHIUL᷊E 30:2

Amungkangngu i yamiu wuṛṛu papapulunnu mappulu mabelengnga ringannu Mawu Ruatanu, wuṛṛu ringannu ahewallu naungngu tumuṛṛutta manga parenta-Ne apan ta'u nionggola si yamiu allo indi,

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

DARALO 25:7

Ampungewe rosa wuṛṛu pasasal᷊a'u sutempo i ya'u ta'e dario'a, naungewe ringannu darangngu wuṛṛu apapia-Nu.

EZRA 9:6

I ya'u nabbisara, “Oh Ruata'u, i ya'u indi massili mamatti'u pua'u su saruan-Nu. Rosan kami mangke ua'ombo su puan kami na'oman sara nangeṛṛetta langitta.

2 TIMOTIUS 2:25

I tou ṛinone ringannu masi'ome mangaṛṛa'a manga taumata mal᷊awanga; doronganna Ruata sarun mangonggolu allo su manga taumata udde mawal᷊u wuassu manga rosan mangitou wuṛṛu ma'illal᷊a al᷊aṛṛa'a su ṛinone.

ROMA 6:21

Su tempo udde auntunganna apa apan nisengkammi yamiu wuassu manga inolaanna apan orassa indi maasili si yamiu amungkangngu olaanna? Manga inolaanna udde tumba'u mangapidda su papate!

LUKAS 15:30

Ana'u Iamangnga udde suete nanginsue darotongngu Iamangnga ringannu wawine masandaga, arawe napawe i tou nawelengnga, Iamangnga namototta ana'u sapi apan matawa si tou!’

YEHEZKIEL 36:26

Ne i yamiu Ta'u onggol᷊annu naungnga apan bakku wuṛṛu ṛingiṛṛanna apan bakku. Naungngu apan maatikka ere watu udde sarun Ta'u hantiannu naungnga apan matuṛṛutta.

YEHEZKIEL 23:3

Sutempo saṛṛen tumuwo, itarua uatana'a su Mesir. Poiaroddi itarua niawul᷊iannu perawanne, see itarua nabbal᷊i masandaga.

YEHEZKIEL 6:9

poiaroddi i mangitou mabbiakka sulal᷊ummu pamamuanganna. See i mangitou sarun maanaungnga si Ya'u wuṛṛu maasunna manungku i Ya'u makkuumanna wuṛṛu mallobossa si mangitou ana waugu naungngi mangitou tawe satia si Ya'u. I mangitou buatte nanantang-Ku wuṛṛu namile paal᷊uanna maola'a hahanti-U. Wua'udde i mangitou sarun umuallu watanganni mangitou sassane ana waugu al᷊awo'u al᷊al᷊eo wuṛṛu ararantinna apan buatte niola'i mangitou.

YEREMIA 32:30

Ro'en pinanattaṛṛannu watti'i mangitou, taumatan Israel wuṛṛu taumatan Yehuda buatte na'ola'a si Ya'u tawe mal᷊uassa. I mangitou mapasabbangngu asasa'u-U ringannu manga inolaanni mangitou apan dal᷊eo.

YEREMIA 22:21

I Ya'u buatte nabbisara si'o sutempo olangngu mapia, arawe i yami maddiri maddaringikka. Atonna etearoddi pallal᷊agunu ro'en dorone naddatingngu orassa indi; taambe saran paassa iemiu tumuṛṛutta si Ya'u.

YESAYA 54:4

Arie pa'ata'utta, i'o sarun tawe pansilianna; tawe aal᷊uandahanna wuṛṛu tappissi'anna. I'o sarun maabul᷊i lal᷊awangngu sutempo ta'e dario'a; tate mannaungnga lai mabbiakka sassane ere inawal᷊uanna.

AYUB 20:11

Salaiwe i tou dario'a wuṛṛu matohassa, arawe tal᷊angkadio'a lai i tou maola'a awu sassane.

AYUB 13:26

I'o mannantunnu pabbiaṛṛangku apan mapetta si ya'u; I'o nabbal᷊issa pasasal᷊a'u sutempo i ya'u ta'e dario'a.

DARALO 119:67

Tantal᷊anna taambe niṛṛuumanna, i ya'u buatte sinumewadda, orassa indi i ya'u uaagassa parenta-Nu.

YEHEZKIEL 21:17

I Ya'u sarun mattal᷊o'appa lai, ana see asasa'u-U sarun umompo'a. I Ya'u, Mawu buatte nabbisara.”