YEREMIA 31:13 - WUKE SUSI WATTI'U AL᷊AL᷊USASSA

¹³ Sutempo udde manga maṛṛuala sarun massal᷊aingnga ringannu naungnga mal᷊uassa. Timmadde wuṛṛu dario'a suadio'a lullala'a, ana waugu i Ya'u sarun malluassa naungngi mangitou. Asasusa mangitou Ta'u wal᷊uanna maola'a al᷊al᷊uassa, lal᷊uai mangitou Ta'u wal᷊uanna mabbal᷊i lal᷊umanna'a.

YEREMIA 31:13 Referans Kwoze

DARALO 30:11

Daringiṛṛewe, oh Mawu, wuṛṛu akkanaawe i ya'u. Mawu ontol᷊ewe i ya'u!”

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YESAYA 51:11

Ne manga taumata apan nipallossu Mawu sarun mapul᷊e i mangitou sumuttate su Yerusalem ringannu paggahahio hati mangitou matilangnga ana waugu al᷊al᷊uassa tutune. I mangitou lulluassa wuṛṛu lullala'a, asasusa wuṛṛu sasal᷊iomanna mangke nawul᷊ite.

YEREMIA 31:4

Walahannu sarun ta'u olaanna tumelengnga ere dorone. Paassa lai i yamiu sarun manganu rebana, wuṛṛu massal᷊aingnga ringannu lulluassa.

YOHANES 16:22

Aroddi lai yamiu; Orassa indi naungngi yamiu massusa, arawe i Ya'u sarun maisasomba apia ringanni yamiu, ne naungngi yamiu sarun lumuassa; wuṛṛu tawedu sangkatou maapanganu al᷊al᷊uassa udde wuassu lal᷊ummu naungngi yamiu.

YESAYA 51:3

Yerusalem, i Ya'u sarun malluassa si'o, wuṛṛu sarangkanambone apan uatana'a su winalal᷊annu. Manga wadda'a apan mamara Ta'u olaanna wailla, naal᷊ihidda Eden, wawail᷊ang-Ku apan masuwukka. Isudde taumata sarun lumuassa wuṛṛu lumala'a wuṛṛu ma'adiangkamanna ringannu manga aantari.

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

DARALO 149:3

Paddalote aran-Ne ringannu sal᷊aingnga, paddalote si Tou ringannu kecapi wuṛṛu rebana!

ESTER 9:22

Ana waugu ete su manga allo udde i mangitou buatte namaddon manga seetti mangitou, na'oman sara asasusa wuṛṛu atataddu'i mangitou nawal᷊u naola'a al᷊al᷊uassa wuṛṛu lal᷊ala'a. Ana waugu udde i mangitou ṛinone mallaghun manga allo udde ringannu andeangnga wuṛṛu sal᷊iwangnga see uaa'onggollu anna wuṛṛu mattahia aonggolla su taumata asiangnga.

NEHEMIA 12:43

Su allo udde manambo sasamba apan nionggolla su Mawu. Tumana'a lullala'a ana waugu Ruata buatte na'ola'a si mangitou su lal᷊umanna'a. Manga wawine wuṛṛu al᷊aṛṛana'a lai suaddio'a maandeangnga, wuṛṛu tingikki mangitou apan lulluassa iaaringikka saran marau.

NEHEMIA 12:27

Sutempo darandungngu soa Yerusalem nilaghu, manga taumatan Lewi niwaggoanna wuassu al᷊awo'u tampa tatanaanni mangitou, tadea'u isudde lai maddamean arariaddianna udde ringannu manga aantari aadiangkamanna, wuṛṛu ringannu musikku gambus wuṛṛu kecapi.

ZAKARIA 8:19

“Puasa apan a'olaanna su wul᷊anna aippanne, al᷊imane, appitune, wuṛṛu appul᷊one sarun maola'a manga ramea apan napenen al᷊al᷊uassa wuṛṛu lal᷊umanna'a su tumana'u Yehuda. Pandangngute atatul᷊idda wuṛṛu paddarame!”

YESAYA 60:20

Ete si'o pia matannallo apan tawe umattuppa, wuṛṛu wul᷊anna apan tawe mansa'a. Ana waugu i Ya'u Mawu maola'a mananemakka apan tutune si'o tempon lal᷊alonu sarun masue.

EZRA 6:22

Pitu allo al᷊annune i mangitou ringannu lullala'a mallagu Ramean Roti Tawe Ragine. I mangitou lembon lulluassa ana waugu Mawu buatte na'ola'a ratun Asyur mapia naungnge si mangitou na'oman sara nassumbala si mangitou sulal᷊ummu manara napararisikku apia Wal᷊en Mawu, Ruatan Israel.

MAL᷊AṚṚUUNGNGA 21:21

wuṛṛu pandiagate isudde. Napawe amungkangu manga maṛualan Silo sumabbanga massal᷊aingnga su ramean tonnan Mawu, i yamiu ṛinone sumabbanga wuassu manga waillu anggore udde. Ana see sangkatou-sangkatou manametta maṛuala wuassu wallati mangitou wuṛṛu tal᷊anga'a watukku leta'i Benyamin wuṛṛu udde maola'e awingngu.

YESAYA 61:2

I tou nandolo'u iappawatti'a manungku nia'omante tempone Mawu manal᷊amatta; hunan ipalluassa anambon taumata apan massusa, wuṛṛu mabbal᷊issa manga seetti mangitou;

DARALO 126:5

Antimanna taumata apan mangngasi'a lapiddu lulluai, mangitingnga ringannu hio lulluassa.

DARALO 148:12

anambon umbasanna wuṛṛu maṛṛuala, timmadde ara'e dario'a.

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”