YEREMIA 31:12 - WUKE SUSI WATTI'U AL᷊AL᷊USASSA

¹² Watukku Wuiddu Sion i mangitou sarun dumanta ringannu hati apan matilangnga, lapiddu mangngantari ringannu lullala'a ana waugu anambon aonggo-U si mangitou, eteudde gandumma, lana, anggore, sapi wuṛṛu domba. I mangitou naal᷊ihidda wailla apan ua'ene natimu, tawe atalannu apa-apa.

YEREMIA 31:12 Referans Kwoze

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

YOEL 3:18

Sutempo udde manga wowone sarun mapenen wawail᷊annu anggore. Winatangnga papadul᷊iananna sarun umanna nannal᷊o su manga wuidda apan masuwukka. Manga sal᷊ukka su Yehuda tawe saran passa matti ua'ene. Sambau sal᷊ukka sarun mengelekka wuassu Wal᷊en Mawu, wuṛṛu lumiwanno su Wawal᷊annu Akasia ringannu ua'e apan maal᷊uassa.

YESAYA 58:11

I Ya'u sidutu sarun ua'ehetta si yamiu wuṛṛu mallaidda si yamiu su leta'a apan mamara; i Ya'u sarun mandiaga si yamiu tadea'u sidutu sehatta wuṛṛu matohassa. I yamiu sarun maola'a ere wawail᷊anna apan nasuungnga ua'ene, ere al᷊imatang kua'e apan tawe mamara.

YOHANES 16:22

Aroddi lai yamiu; Orassa indi naungngi yamiu massusa, arawe i Ya'u sarun maisasomba apia ringanni yamiu, ne naungngi yamiu sarun lumuassa; wuṛṛu tawedu sangkatou maapanganu al᷊al᷊uassa udde wuassu lal᷊ummu naungngi yamiu.

YEHEZKIEL 17:23

Su wowone apan atanggaṛṛanne su Israel, i tou Ta'u ipasi'a. Poiaroddi i tou sarun mallal᷊uwo, wuṛṛu mangonggollu wuane, see maola'a alun cemara apan mawantuga. Al᷊awo'u hati manu'u winalanganna sarun massal᷊akka sulal᷊umme wuṛṛu massirungnga su al᷊ungne.

YESAYA 65:19

I Ya'u sassane sarun lumuassa ana waugu Yerusalem, wuṛṛu lumala'a ana waugu tumanangnge. Su soa udde tate lai lal᷊uai, wuṛṛu tate lai aintul᷊i ma'iontolla.

YESAYA 60:20

Ete si'o pia matannallo apan tawe umattuppa, wuṛṛu wul᷊anna apan tawe mansa'a. Ana waugu i Ya'u Mawu maola'a mananemakka apan tutune si'o tempon lal᷊alonu sarun masue.

SONDAPPA 21:4

I tou sarun mamappasa alawo'u allo mata wuassu mata mangitou. Papate sarun tate lai, asasusa, lal᷊uai, ara'e al᷊aṛṛusa'itta tate lai. Manga inolaanna tabbe nawul᷊ite!”

SONDAPPA 7:17

ana waugu Ana'u Domba apan ua'ianna su pattangngannu adderan araratuanna udde sarun maola'a mallal᷊u'addi mangitou. I Tou sarun mangehetta si mangitou watukku al᷊imatan ua'em pabbawiakka. Wuṛṛu Ruata sarun mamedda al᷊awo'u allo mata wuassu mata mangitou.”

ROMA 2:4

Ara'e i yamiu mangngadio'a darangngu Duata wuṛṛu ahewallu naung-Nge see asasabare-Ne apan aroddi ahewalle? I yamiu masingkatta manungku Ruata mapaal᷊iatta'u apapia naung-Nge ana waugu i Tou maapulu tadea'u i yamiu mawal᷊u wuassu manga rosanu.

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

DARALO 130:4

Arawe I'o sidutu maapulu mangampunga, tadea'u taumata mabbal᷊i ma'imanna.

YEHEZKIEL 20:40

Ana waugu udde su leta'u Israel, su puiddu wowone-U apan na'ukkassa, i yamiu sarangkanambone walahannu Israel sarun massubba si Ya'u. Poiaroddi i Ya'u saru mal᷊uassa wuṛṛu mappulute manengkamma sasambanu, manga aonggolla apan apianne wuṛṛu manga darangngunu apan uaṛṛaete.

YESAYA 51:11

Ne manga taumata apan nipallossu Mawu sarun mapul᷊e i mangitou sumuttate su Yerusalem ringannu paggahahio hati mangitou matilangnga ana waugu al᷊al᷊uassa tutune. I mangitou lulluassa wuṛṛu lullala'a, asasusa wuṛṛu sasal᷊iomanna mangke nawul᷊ite.

YESAYA 1:30

I mangitou sarun maola'a ere aaluanna masallakka apan tinumolangnga rongngane, wuṛṛu ere wawail᷊anna apan tawe ua'ene.

YEREMIA 31:4

Walahannu sarun ta'u olaanna tumelengnga ere dorone. Paassa lai i yamiu sarun manganu rebana, wuṛṛu massal᷊aingnga ringannu lulluassa.

YEREMIA 3:14

Mawu nabbisara, “Ei umatta apan mal᷊awangnga, pabbelengke ringang-Ku! I yamiu uddewe pussa'a-U. I Ya'u sarun manganu si yamiu, sangkatou wuassu suapan soa, ruang katou wuassu suapan amonanna, wuṛṛu mangapiddi yamiu apia su Wuiddu Sion.

YEREMIA 31:6

Atonna, sarun a'omanna tempone manga mandariaga soa umui su panenteannu Efraim, ‘Wette i ite sumaate su Sion, ringannu Mawu Ruatang kite.’ ”

YEREMIA 31:7

Mawu nabbisara, “Pangantarite ringannu lulluassa su Israel uma-U – balahanna apan apianne wuassu anambon walahanna. Pangantarite aantarin daralo, wuṛṛu pabbatti'e; ‘Mawu buatte nanal᷊amatta si ngana'a lambene wuassu uman-Ne.’

YEREMIA 31:24

Taumata sarun matana'a su Yehuda wuṛṛu su manga ampungnge. Poiaroddi sarun pia mabbawailla wuṛṛu mamamadul᷊i winatangnga sapi wuṛṛu dombane.

YEREMIA 31:25

I mangitou apan nallome sarun iapaatohassa, wuṛṛu mallappu ana waugu niamal᷊unusanna sarun Ta'u iapaal᷊aidda.

YEREMIA 32:15

Mawu Apan Lembontaṛṛino, Ruatan Israel, nabbisara manungku wal᷊en, leta'a, wuṛṛu waillu anggore sal᷊immurine sarun ipabbawalli apia su wanua indi.”

YEREMIA 33:12

Mawu Apan Lembontaṛṛino nabbisara, “Wanua wuṛṛu manga soane apan ere wadda'u anne indi tawe atanaannu taumata ara'e winatangnga. Salaiwe aroddi, su allo addantane sarun pia lai manga wadda'u nannal᷊o tampan taumata mammadul᷊i manga dombane.

YEREMIA 33:13

Su manga soa su wageangngu leta'u penenteanna, wawal᷊annu panenteanna, wageangngu Yehuda samba'a timukka, wuṛṛu wageangngu leta'i Benyamin see manga ampungnga maranin Yerusalem, wuṛṛu manga soan Yehuda, manga mallal᷊u'adda sarun manddeengnga apia manga domba mangitou. I Ya'u, Mawu, buatte nabbisara.”

YEHEZKIEL 34:14

Atonna, i Ya'u sarun manaddia si mangitou manga wadda'u nannal᷊o apan masuwukka su panenteanna wuṛṛu su manga wawal᷊annu leta'u Israel. Poiaroddi i mangitou sarun mangillol᷊o wuṛṛu umanna nannal᷊o ringannu amanna.

HAGAI 2:19

Salaiwe tate ganduma apan natantangnga, wuṛṛu punnu anggore, punnu ara, punnu delima wuṛṛu punnu zaitun taambe nabbua, arawe manattakka orassa indi i Ya'u sarun mangal᷊amatta si yamiu!”

YESAYA 52:8

Paddaringikke aikkuittu al᷊al᷊uassu mandariaga soa, i mangitou mangngintul᷊i suadio'a! Ana waugu ringannu mata pua sassane i mangitou naasilo Mawu nabbelengnga su Sion.

YEHEZKIEL 36:30

I Ya'u sarun manamba asasuwukku aaluannu wuanu wuṛṛu hessi manga wawail᷊annu, ma'oman sara i yamiu tate lai maapendamma ṛutumma apan mandal᷊eo arannu suwallattu manga walahanna.

ZAKARIA 8:12

I mangitou sarun mangasi'u wualanna ringannu paddarame. Manga punnu anggori mangitou sarun mabbua, leta'a sarun mangonggollu hessine, wuṛṛu uranna sarun mangansalla ringannu manambo-nambo. Al᷊awo'u al᷊amatta Ta'u iionggolla su manga taumata apan ta'e wiakka wuassu walahanna indi.