YEREMIA 31:11 - WUKE SUSI WATTI'U AL᷊AL᷊USASSA

¹¹ Umattu Israel buatte Ta'u niapasal᷊amatta, wuṛṛu Ta'u nipallossa wuassu taṛṛinon balahanna apan matohassa.

YEREMIA 31:11 Referans Kwoze

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

YESAYA 48:20

Roote wuṛṛu tal᷊angke su Babel, al᷊iata'e watti'a indi su al᷊awo'u tampa. Pasingkata'e ringannu aintul᷊in al᷊al᷊uassa: “Mawu buatte nanal᷊amatta Israel, allang-Nge!

YESAYA 44:23

Paggiote ringannu al᷊al᷊uassa, ei langitta, paggiote, ei wantan dunia! Paggioten lal᷊uassa, ei manga wowone! see lai mahurangnge wuṛṛu suapan punnu alu sulal᷊umme! Ana waugu Mawu buatte napal᷊iatta'u awawantu-Ge ringannu nanubbussa Israel uman-Ne.

YEREMIA 15:21

I Ya'u sarun mamallonu wuassu taṛṛino manga taumata lal᷊eo apan maṛṛagissa. I Ya'u, Mawu, buatte nabbisara.”

YESAYA 49:24

I yamiu ma'iwal᷊o, “Wotongngewe saranapa niaṛṛampassa aṛṛoanna wuassu ta'iakku taumata matohassa, wuṛṛu atawanna anuanna wuassu angkummu taumata maṛṛagissa?”

DARALO 142:6

I ya'u sussal᷊ande Si'o, oh Mawu, ete I'o tampa pattillummangku, tumba'u I'o apan pappandumangku sulal᷊ummu pabbiaṛṛanna indi.

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

MATIUS 12:29

Ereapa taumata wotongnge maasutta sulal᷊ummu wal᷊en sangkatou apan matohassa wuṛṛu mangaṛṛo darotongnge, amungkangngu i tou tawe maṛṛapussa dorone taumata matohassa udde? Wua'udde i tou wotongngete mangaṛṛo darotongnge.

MATIUS 22:29

Mawu Yesus sinumimbakka, “I yamiu nial᷊iwune, ana waugu i yamiu tawe maasunna Wuke Susi, wuṛṛu taṛṛinon Ruata.

HOSEA 13:14

Walahanna indi sarun tawe Ta'u iapasal᷊amatta wuassu taṛṛinon runian taumata nate. Ei papate, paasabbarea'e raddangngu! Amata'e manaranu apan maaṛṛimunsa'a udde! I Ya'u sarun umakkannu walahanna indi apia.

YEREMIA 50:33

Mawu Apan Lembontaṛṛino nabbisara, “Taumatan Israel wuṛṛu taumatan Yehuda ua'ol᷊obba. Sarangkanambone apan nanawanna si mangitou uariagga si mangitou matoha-tohassa wuṛṛu mangke tawe mamallossi mangitou.

SASABANGNGA 15:16

I mangitou tumaniten matta'utta nabbiala atatohassu Mawu. Su tempo al᷊aṛṛanang-Ngu sinumabbi, seetta tawe taṛṛino ipanaṛṛangnga; naal᷊iute walahanna apan buatte nipallossu Mawu.

YESAYA 51:11

Ne manga taumata apan nipallossu Mawu sarun mapul᷊e i mangitou sumuttate su Yerusalem ringannu paggahahio hati mangitou matilangnga ana waugu al᷊al᷊uassa tutune. I mangitou lulluassa wuṛṛu lullala'a, asasusa wuṛṛu sasal᷊iomanna mangke nawul᷊ite.

YEREMIA 50:34

Arawe i Ya'u mananal᷊amatti mangitou udde matohassa, arang-Ku Mawu Apan Lembontaṛṛino. Ete i Ya'u sassane apam nangesakku hatto mangitou wuṛṛu nangapiddu paddarame su wowon dunia. Arawe su taumatan Babel i Ya'u sarun mandantan pabbawawul᷊o wuṛṛu atata'utta.”

ZAKARIA 9:16

Napawe allo nia'omante, Mawu sarun manal᷊amatta uman-Ne, naal᷊ihidda mallal᷊u'adda manal᷊amatta dombane wuassu asasilaka. I mangitou sarun lumansiangnga su leta'u Mawu, naal᷊ihidda permata mahkota apan sussal᷊endappa.

YESAYA 49:25

Mawu sinumimbakka, “Eteudde apan sarun mariaddi. Atawannu manga taumata waṛṛani sarun anuanna apia. Saranapan taumata maṛṛagissa sarun aṛṛoanna apia. Ana waugu ete i Ya'u sassane mando'appa seennu; i Ya'u sarun manal᷊amatta manga anangngu.

LAL᷊ALLU 3:58

I'o nirumanta manahekku hatto'u, oh Mawu, niawa'u I'o buatte nanal᷊amatta.