YEREMIA 31:10 - WUKE SUSI WATTI'U AL᷊AL᷊USASSA

¹⁰ Mawu nabbisara, “Paddaringikka ei manga walahanna! Wal᷊oa'e tanata-U su samba'an tahal᷊oangnga: Uma-U apan buatte Ta'u nisal᷊iawukka sarun Ta'u ihemonna wuṛṛu paddul᷊iananna ere mallal᷊u'adda uataṛṛapa dombane.

YEREMIA 31:10 Referans Kwoze

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

YEHEZKIEL 34:12

maola'a sangkatou mallal᷊u'adda ṛinone maddea'a wuṛṛu mangammullu manga dombane apan nassal᷊iawukka ana see mamadul᷊i si mangitou. I mangitou sarun Ta'u iapidda mapul᷊e wuassu al᷊awo'u tampa i mangitou nassal᷊iawukka su allo apan marandumma wuṛṛu lal᷊eo udde.

YESAYA 66:19

I Ya'u sarun mangaddon sambau tatiala su pattangnganni mangitou. Sambageanganna addio'a suwallatti mangitou Ta'u iapaasal᷊amatta. I mangitou sarun Ta'u irolokka ringannu manga walahanna su manga wanua marau apan taambe saran paassa naaringikka si Ya'u ara'e naasilo awawantuga wuṛṛu taṛṛino-U: watukku Spanyol, Libia, wuṛṛu Lida ringannu manga mamamitingnge apan masiṛṛongnga, watukku Tubal wuṛṛu Yunani. I mangitou sarun mamasingkattu awawantu-Ku su pattangngannu manga walahanna udde.

TAHIUL᷊E 30:4

Salaiwe i yamiu uasal᷊iawukka su al᷊awo'u tampa su ahewallu runia, Mawu Ruatanu sarun mangammulli yamiu wuṛṛu mangapiddi yamiu apia.

YOHANES 11:52

Wuṛṛu wal᷊ine tumba'u su walahannu Yahudi sassane, arawe hunane lai mangammula wuṛṛu manggemonnu manga al᷊aṛṛana'u Ruata apan uasal᷊iawukka.

YOHANES 10:27

Manga domba-U madaringikka tingi-U. I Ya'u ma'aillal᷊a si mangitou, wuṛṛu i mangitou uatantalongnga si Ya'u.

ZEFANYA 3:19

Tempone sarun dumanta manga allangngu Ta'u ṛimunsaanna, wuṛṛu taumata peṛṛo Ta'u iapasal᷊amatta; anambon taumata niwuangnga Ta'u ehetanna mapul᷊e. Aal᷊uandagi mangitou Ta'u wal᷊uanna mabbali aaddata; suapan tampa, ewe'e lai su ahewallu runia, i mangitou sarun wantuhanna wuṛṛu raloanna.

LUKAS 12:32

“I yamiu apan tumba'u matul᷊ungnga anambone, arie paata'utta! Ana waugu Iamangngu mal᷊uassa mangagillu al᷊amatta si yamiu wuassu Araratuan-Ne.

ZAKARIA 9:16

Napawe allo nia'omante, Mawu sarun manal᷊amatta uman-Ne, naal᷊ihidda mallal᷊u'adda manal᷊amatta dombane wuassu asasilaka. I mangitou sarun lumansiangnga su leta'u Mawu, naal᷊ihidda permata mahkota apan sussal᷊endappa.

ZEFANYA 2:11

Mawu sarun ma'ola'a si mangitou matta'utta. I tou sarun makkimunsa'a manga monganna su runia. Wua'udde anambon walahanna mattaṛṛamawu su Mawu, sambau-sambau su wanuane sassane.

MIKHA 5:4

wuṛṛu i Tou sarun mangonggollu paddarame. Napawe tantaran Asyur mamangalo wanuan kite manggohakku tanda'a watun kite, i ite sarun mandolokku manga piaṛṛa'i ite apan atohasanne iapapangalo si mangitou. Manga piaṛṛa'i ite sarun mamaddon Asyur ringannu lutangnga, wuṛṛu manal᷊amatta si ite wuassu liman mangitou.

MIKHA 4:6

Mawu nabbisara, “Sarun a'omanna tempone i Ya'u sarun mangammullu manga taumata apan Ta'u iṛṛuumanna, eteudde i mangitou apan uatataṛṛaangnga su pamamuanganna.

MIKHA 2:12

Mawu nabbisara apia, “Ei umattu Israel apan ta'e nallambe! I yamiu sarun Ta'u iammulla wuṛṛu Ta'u iaukka ere domba apan nabbelangnga su tandangnge. Naal᷊ihidda wadda'u nannal᷊o apan napenen domba, aroddi lai wanuanu sarun mapene apia ringannu taumata marasai.

YEHEZKIEL 37:24

I mangitou sarun i'aukka su al᷊ungngu sangkatou ratu ere i Ratu Daud apan sarun mamarenta saran mal᷊annu-l᷊annu. Ringannu satia i mangitou sarun tumuṛṛutta manga tita-U. Wuṛṛu saran mal᷊annu-l᷊annu i mangitou see papapulunni mangitou sarun mamanua su leta'a udde, leta'a apan Ta'u nionggolla si Yakub wuṛṛu niwanuannu iupungngu al᷊amona mangitou.

YEHEZKIEL 11:16

Ana waugu udde, wal᷊oa'e tanata-U indi su manga hawenu sulal᷊ummu pamamuanganna, manungku ete i Ya'u apan mangapiddi mangitou marau-rau wuassu wallattu manga walahanna wuṛṛu manal᷊iawukki mangitou su manga wanua udde. Arawe tantal᷊anna i mangitou poiaroddi, i ya'u sarun uarundinganna si mangitou.

YEHEZKIEL 5:10

Timmadde sarun uminassa anangnge sassane wuṛṛu ana'a sarun uminassa hagurangnge. Etearoddi i mangitou sarun Ta'u iṛṛuumanna, wuṛṛu iapa ta'e wiakka Ta'u isal᷊iawukka su al᷊awo'u tampa.

YEHEZKIEL 5:2

Sepertatallu ṛinone tutungannu su pattangngannu soa udde napawe pallal᷊iwunna udde nasuete. Sepertatallu lai ṛinone pototannu hal᷊elenu lapiddu mamal᷊iwutta soa udde. Wuṛṛu sepertatallu panginsueanne ṛinone i'o manal᷊iawukka su winalanganna, ana see i Ya'u mangenggenna ringannu hal᷊ele-U.

YEREMIA 50:19

I Ya'u sarun mamelengngu taumatan Israel su wanuan mangitou. I mangitou sarun umanna wuassu hessin leta'u Wowon Karmel wuṛṛu leta'u Basan. I mangitou sarun mal᷊aiddu hessin leta'u Efraim wuṛṛu Gilead.

YEREMIA 50:17

Mawu nabbisara, “Taumatan Israel ere ammul᷊annu domba apan a'enggenanna wuṛṛu nisal᷊iawukku singa. Paarorone i mangitou nipangaloannu ratun Asyur, wua'udde i Nebukadnezar ratun Babel nallaso'a manga duṛṛi mangitou.

YESAYA 60:9

Eteudde manga apalla apan rumanta mabbal᷊ango mangngapiddu umattu Ruata mapul᷊e wuassu wanua marau. Sal᷊a'a wuṛṛu wul᷊awanna niapidda lai tadea'u ipaddalo Mawu Ruatanu; su Ruatan Israel Apan Lembonsusi, apan na'ola'a uman-Ne a'addatanna.

YESAYA 54:7

“Tumba'u tal᷊angkadio'a i Ya'u manantangngu ringannu napenen darangngu i'o Ta'u al᷊apanna apia.

YESAYA 42:10

Pangantariten antari wakku su Mawu, paddalote si Tou, ei ahewallu runia! Paddallu'e, ei tahal᷊oangnga wuṛṛu anambon lal᷊oṛṛone, manga wanua apan marau wuṛṛu anambon tumanangnge!

YESAYA 42:4

ringannu tawe singgawange ara'e awul᷊iannu antimma, ma'oman sara atatul᷊idda ipasi'a su runia. Manga wanua apan marau lukkintul᷊un al᷊aṛṛangne.”

YESAYA 41:1

Wisaran Duata, “Paal᷊annabe wuṛṛu paddaringikke si Ya'u, ei tumana'u manga wanua apan marau. Panaddiate rumanta ringannu mallaṛṛuunga, inaite wuṛṛu apira'e hattonu. Wette i ite makkuungnga su sambau, ipakkawessu tanne isai naṛṛino wuṛṛu isai nassal᷊a.

YESAYA 27:12

Sutempo udde Mawu sarun mangammullu pabbawala-Ge passambau wuassu Sal᷊ukku Efrat maddatingngu passarannu Mesir. I Tou sarun makkaen mangitou naal᷊ihidda taumata makkaen watun gandumma wuassu wal᷊a'ane.

YESAYA 24:14

Manga taumata apan nasal᷊amatta sarun mangngantarin lal᷊uassa. Taumata su samba'an waṛṛatta sarun mabbatti'u awawantugu Mawu,

DARALO 72:10

Manga ratun Tarsis wuṛṛu manga taṛṛanusa sarun mangapiddu sasamba si tou. Manga ratun Arab wuṛṛu Etiopia nirumanta uaapiddu aonggolla.

TAHIUL᷊E 32:26

I Ya'u maapulu manginsue si mangitou tawe lambene, tadea'u i mangitou tate lai naunganna.

PANDARIADDI 10:5

I mangitou yupungngu manga walahanna apan uatana'a su al᷊o'engngu apanne wuṛṛu su manga taṛṛanusa. Eteudde anambon papapulunni Yafet. Suapan walahanna wuṛṛu ṛuanganna apan uatana'a su wanuane sambau-sambau, wuṛṛu uatahuanna manga sasinaukke sassane.

IMAMATTA 26:33

I Ya'u sarun mandantan papangalo su wanuanu wuṛṛu manal᷊iawukki yamiu su manga wanua waine. Manga wawail᷊annu tate lu'aranna, wuṛṛu manga soanu niwalate naola'a tuidda.

DARALO 23:1

Daralon Daud. Si ya'u, Mawu naal᷊ihidda sangkatou mallal᷊u'adda, i ya'u tawe apausanne.

AMSAL 27:23

Paddul᷊ianete winatangngu mapia-pia,

YESAYA 40:1

Etearendi wisaran Duatanu, “Liwuṛṛewe, liwuṛṛete pabbawala-U!

YESAYA 48:20

Roote wuṛṛu tal᷊angke su Babel, al᷊iata'e watti'a indi su al᷊awo'u tampa. Pasingkata'e ringannu aintul᷊in al᷊al᷊uassa: “Mawu buatte nanal᷊amatta Israel, allang-Nge!

YEREMIA 3:15

I Ya'u sarun mangonggolla si yamiu manga mamamiaṛṛa'a apan matuṛṛutta si Ya'u. I mangitou sarun mamiaṛṛa'i yamiu ringannu asingkatta wuṛṛu napenen pasasunna.

YEREMIA 23:4

I Ya'u sarun mamile piaṛṛangnge iapapaddul᷊i si mangitou. Uma-U tate mata'utta wuṛṛu lai suminggawangnga; tawe sarana sangkatou wuassi mangitou apan mawul᷊i. I Ya'u, Mawu, buatte nabbisara.”

DANIEL 11:18

Napawe wua'udde i tou sarun mamangalo manga walahanna su apannu tahal᷊oangnga, wuṛṛu manambo apan niawaddone. Arawe sangkatou piaṛṛa'u wanua waine sarun mapaaddon lal᷊obbossa apan niolangnge udde, ewe'e lai sarun mabbal᷊issa lal᷊obbossa udde si tou.

ZAKARIA 2:6

Mawu nabbisara su uman-Ne, “I Ya'u buatte nanal᷊iawukki yamiu su al᷊awo'u pappi'uanne. Arawe orassa indi ei manga taumata niwuangnga, tal᷊angke wuassu Babel wuṛṛu pabbelengke su Yerusalem.

DARALO 147:2

Mawu sarun manul᷊en Yerusalem; taumata apa buatte niramme sarun iapiddu Mawu mapul᷊e.

ZAKARIA 10:8

Uma-U sarun Ta'u waggoanna wuṛṛu iammulla mabbal᷊i sambau. I mangitou Ta'u ipallossa wuṛṛu anambon Ta'u olaanna dorone.