YEREMIA 31:1 - WUKE SUSI WATTI'U AL᷊AL᷊USASSA

¹ Mawu nabbisara, “Sarun a'omanna tempone i ya'u maola'a Ruata anambon ṛuangannu Israel, wuṛṛu i mangitou mabbal᷊i uma-U.

YEREMIA 31:1 Referans Kwoze

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

YEREMIA 3:18

Israel sarun ma'aukku Yehuda, wuṛṛu su sampunna rumanta wuassu wanua pinamuanganna su samba'an sawannakka. I mangitou sarun mabbelengnga su wanua apan buatte Ta'u nionggolla maola'a leta'a pussa'an al᷊amonanu.”

IBRANI 12:16

Paariagai tadea'u tawe piaddu mabbiakka sussandaga ara'e tawe mangadata inolaannu Ghaṛṛaho, ere suete niola'i Esau. I tou nabbal᷊u'u watanganne ere sangkatou ana'a pahul᷊u, ana waugu tumba'u sanlama'a anna.

YOHANES 20:17

“Arie pamita si Ya'u” wisara Mawu Yesus si tou, “ana waugu i Ya'u taambe nasengkengnga ringannu Iamangnga. Arawe roote ringannu manga tuṛṛang-Ku, wuṛṛu pasingkata'e si mangitou manungku orassa indi Ya'u ireete ringannu Iamang-Ku wuṛṛu Iamangngu, Ruata-U wuṛṛu Ruatanu.”

YEHEZKIEL 39:22

Manattakka orassa udde taumatan Israel sarun maasingkatta manungku ete i Ya'u Mawu Ruata mangitou.

YEHEZKIEL 36:28

Ne i yamiu sarun matana'a su leta'a apan buatte Ta'u nionggolla su iupungngu al᷊amonanu. I yamiu sarun maola'a uma-U wuṛṛu i Ya'u lai sarun maola'a Ruatanu.

YEHEZKIEL 34:31

Atonna, ete i yamiu ammul᷊annu domba-U apan Ta'u nionggol᷊annu anna. I yamiu uddewe uma-U, wuṛṛu i Ya'u Ruatanu. I Ya'u, Mawu Apan Atanggaṛṛanne buatte nabbisara.”

YEHEZKIEL 11:20

Ne i mangitou sarun matuṛṛutta su manga atorang-Ku wuṛṛu mararingikka anambon parenta-U. I mangitou sarun maola'a uma-U wuṛṛu i Ya'u sarun maola'a Ruata mangitou.

YEREMIA 50:4

Mawu nabbisara, “Sutempo udde taumatan Israel sarun dumanta suadio'a ringannu lulluai, maddea'a si Ya'u, Ruata mangitou.

YEREMIA 33:14

Mawu nabbisara, “Sarun a'omanna tempone i Ya'u manipussu paaire apan buatte Ta'u niola'a ringannu Israel wuṛṛu Yehuda.

YEREMIA 33:7

Yehuda wuṛṛu Israel sarun Ta'u olaanna tumelengnga ere dorone wuṛṛu i mangitou sarun dumarisikka apia maola'a uma-U.

YEREMIA 32:38

I mangitou sarun maola'a uma-U, wuṛṛu i Ya'u sarun maola'a Ruata mangitou.

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

YEREMIA 30:10

Uma-U Israel, ariete pa'ata'utta! Allang-Ku Yakub, arie suminggawanga! I yamiu wuṛṛu papapulunnu sarun Ta'u iapaasal᷊amatta wuassu wanua marau, su tampa i yamiu niatawanna. I yamiu sarun mapul᷊e wuṛṛu matana'a su wanuanu ringannu mal᷊angnganna. I yamiu sarun mabbiakka ringannu matammudda; taweddu iata'utti yamiu.

YEREMIA 30:3

Ana waugu sarun a'omanna tempone i Ya'u manul᷊en ola'u pabbiaṛṛannu uma-U Israel wuṛṛu Yehuda. I Ya'u sarun mangapiddi mangitou mabbelengnga watukku wanua apan buatte Ta'u nionggolla su al᷊amona mangitou. Wanua udde sarun tahuananni mangitou apia. I Ya'u, Mawu, buatte nabbisara.”

YEREMIA 23:6

Napawe i tou mamarenta, taumatan Yehuda sarun masal᷊amatta, wuṛṛu taumatan Israel sarun mabbiakka ringannu mal᷊angnganna. Ratu udde sarun isaggo ‘Mawu Asasal᷊ammatti Ite’.

DARALO 144:15

Lal᷊umanna'a su walahanna apan ereudde, lal᷊umanna'a su taumata apan Ruatane Mawu!

DARALO 48:14

Panutukke darandungnge, parikisete tanda'a watune, tadea'u i yamiu wotongnge mabbatti'a su papapulunnu:

IMAMATTA 26:12

I Ya'u sarun marundinganna si yamiu; i Ya'u sarun maola'a Ruatanu wuṛṛu i yamiu mabbal᷊i al᷊aṛṛana-U.

HOSEA 1:11

Walahannu Yehuda i wuṛṛu walahannu Israel sarun iapaaukka apia. I mangitou sarun manenegu sangkatou piaṛṛa'a, wuṛṛu i mangitou sarun maṛṛite wuṛṛu su lal᷊umanna'a su wanuan mangitou. Atonna, allon Yizreel sarun maola'a allo apan wahewalla!

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

YESAYA 20:6

Sutempo udde manga taumata apan uatana'a su apanne sarun mabbisara, ‘pa'ellege apa apan nariaddi su walahanna apan ipangngasakki ite tadea'u mallu'adda si ite wuassu ratun Asyur. Ereapa wotongnge i ite masal᷊amatta?’ ”

YEHEZKIEL 39:25

Mawu Apan Atanggaṛṛanne nabbisara, “Arawe orassa indi i Ya'u sarun umakkannu umattu Israel papapulunni Yakub, wuṛṛu ma'ola'a si mangitou su lal᷊umanna'a apia. Ringannu aroddi i Ya'u uariaga tadea'u arang-Ku sidutu aadatanna.

2 SAMUEL 7:24

Walahannu Israel buatte niolang-Ngu al᷊aṛṛanang-Ngu sassane saran mal᷊annu-l᷊annu, wuṛṛu I'o oh Mawu, naola'a Ruatan mangitou.

YEHEZKIEL 34:24

I Ya'u, Mawu, sarun maola'a Ruatan mangitou, wuṛṛu ratu apan ere allang-Ku Daud sarun maola'a tembonanni mangitou. I Ya'u Mawu buatte nabbisara.