YEREMIA 30:9 - WUKE SUSI WATTI'U AL᷊AL᷊USASSA

⁹ I yamiu sarun mattaṛṛamawu si Ya'u, Mawu Ruatanu, wuṛṛu su sangkatou papapulunni Daud apan sarun Ta'u itenega maola'a ratu.

YEREMIA 30:9 Referans Kwoze

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

LUKAS 1:69

I Tou nangonggolla si ite mananal᷊amatta matohassa, papapulunni Daud, allang-Nge.

WATTI'U MANGA RASUL 13:34

Ruata suete napaawiakki Tou apia wuassu papate. Orassa indi i Tou tate lai mamendamma papate sulal᷊ummu lal᷊abinganna. Su olangnge udde Ruata nabbisara, ‘I Ya'u sarun mangonggolu paaire susi Si'o apan sarun tipusanna, apan suete pina'ire-U si Daud.’

WATTI'U MANGA RASUL 13:23

Ete wuassi papapulunni Daud udde Ruata nangonggolla su walahannu Israel sangkatou Ratum Punnu Sal᷊amatta su ereapa suete pina'ire. Wuṛṛu ete Mawu Yesus udde Ratum Punnu Sal᷊amatta.

WATTI'U MANGA RASUL 2:30

Ruata suete na'ire si Daud, ringannu sasalu, manungku sangkatou wuassu wallattu papapulunne sarun itenegu Ruata maola'a ratu. Ana waugu Daud masingkattu paaire udde wuṛṛu ana waugu i tou lai sangkatou nabi,

YEREMIA 23:5

Mawu nabbisara, “Sarun a'omanna tempone, i Ya'u sarun manenegu sangkatou ratu apan matul᷊idda wuassu papapulunni Daud. Ratu udde sarun mamarenta ringannu masiṛṛongnga, wuṛṛu mapaamattu atatul᷊idda wuṛṛu atonna su ahewallu wanua.

MATIUS 2:2

I mangitou ma'iwal᷊o su al᷊awo'u tampa, “Suapanete Ana'a udde, apan nasungkangnga maola'a ratun taumatan Yahudi? I yami naasilo anumpitanna nasabangnga wuassu samba'an ra'i, wuṛṛu i yami nirumanta massubba si Tou.”

DARALO 89:49

Isai apan sidutu wotongnge mabbiakka wuṛṛu tawe mate? Isai apan wotongnge mal᷊iu wuassu lal᷊abbinganna?

YEREMIA 29:11

Wal᷊inewe i Ya'u sassane mamasingkattu manga ṛiing-Ku si yamiu? Manga ṛiinna udde wal᷊ine ma'asilaka si yamiu, arawe hunan lal᷊umanna'i yamiu wuṛṛu mangonggolla si yamiu tempo addantane apan piaddu a'antimanna.

YEREMIA 30:21

Ratu apan mamarenta si yamiu inasapputanne wuassu walahannu. Ringannu tawe go'ane i tou sarun mangundani-U napawe i tou Ta'u waggoanna sumaruanna si Ya'u. Ana waugu isaite apan waṛṛani sumaruanna si Ya'u ringannu apulune sassane? I yamiu sarun maola'a uma-U wuṛṛu i Ya'u mabbal᷊i Ruatanu. I Ya'u, Mawu apan namasingkattu udde.”

YEREMIA 33:15

Sutempo udde sangkatou apan matul᷊idda wuassu papapulunni Daud sarun Ta'u pileanna maola'a ratu. Ratu udde sarun mammanara ringannu atatul᷊idda wuṛṛu naṛṛino su ahewallu wanua.