YEREMIA 30:7 - WUKE SUSI WATTI'U AL᷊AL᷊USASSA

⁷ Allo ma'ata'utta nia'omante allo apan tawe sul᷊ungnge. Su uma-U udde allo apan maasinggawanga; arawe i Ya'u manal᷊amatta si mangitou.”

YEREMIA 30:7 Referans Kwoze

DANIEL 12:1

Mala'ekatta apan ual᷊uṛṛen laubba linen udde nabbisara apia, “Sutempo udde sarun lumapputta mala'ekatta wahewalla Mikhael mallalu'adda walahannu. Wua'udde sarun pia tempon asasusa apan taweddu panumandinganne ro'en pia manga walahanna. Arawe anambon taumata wuassu walahannu apan aranne uawoṛṛetta sulal᷊ummu buken Duata, sarun iapasal᷊amatta.

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

DANIEL 9:12

I'o mammanara ringannu naṛṛino ere buatte nipa'ire-Nu si yami wuṛṛu su manga tembonanni yami. Yerusalem buatte niṛṛuman-Nu lembon wahewalla wuassu al᷊awo'u soa su runia indi.

YOEL 2:11

Tingikku Mawu nirumallu'a, nangonggollu parenta, su tantaran pangalone. Tumaniten manambo reengannu tantarane! Tumaniten matohassa tantara apan mappaamattu parenta-Ne! Mangke maata'utta wuṛṛu wahewalla Allon Mawu! Tawe saran sangkatou apan maataṛṛangnga.

ROMA 11:26

Ete aroddi anambon taumatan Yahudi sarun masal᷊amatta. Ana waugu sulal᷊ummu Wuke Susi uawoṛṛetta arendi, “Ratun Punnu Sal᷊amatta sarun rumanta wuassu Sion; I Tou sarun manubbussa anambon al᷊al᷊eon papapulunni Yakub.

MARKUS 13:19

Su manga allo apan ma'ata'utta udde, sarun pia sambau asasusa apan taambe nariaddi, ro'en Ruata nandiaddi runia na'oman sara orassa indi, wuṛṛu tate lai mariaddi apia.

HOSEA 1:11

Walahannu Yehuda i wuṛṛu walahannu Israel sarun iapaaukka apia. I mangitou sarun manenegu sangkatou piaṛṛa'a, wuṛṛu i mangitou sarun maṛṛite wuṛṛu su lal᷊umanna'a su wanuan mangitou. Atonna, allon Yizreel sarun maola'a allo apan wahewalla!

LAL᷊ALLU 1:12

“Ei manga taumata apan niumamatta su lal᷊anna, pa'ellege wuṛṛu panutukke! Piawe asasusa apan ahewalle ere papasannanangku orassa indi, asasusa apan niṛṛia'u Mawu si ya'u, ana waugu asasa'u-Ne apan tumatine nilumambalanna udde?

YEREMIA 30:10

Uma-U Israel, ariete pa'ata'utta! Allang-Ku Yakub, arie suminggawanga! I yamiu wuṛṛu papapulunnu sarun Ta'u iapaasal᷊amatta wuassu wanua marau, su tampa i yamiu niatawanna. I yamiu sarun mapul᷊e wuṛṛu matana'a su wanuanu ringannu mal᷊angnganna. I yamiu sarun mabbiakka ringannu matammudda; taweddu iata'utti yamiu.

DARALO 34:19

Mawu maranin taumata naungnge mawawo; i Tou mannal᷊amatta taumata apan lome.

SONDAPPA 6:17

Allo ma'asansara nirumantate, orassa indi i mangitou napaasabangu asasa'un mangitou, wuṛṛu tawe saran sangkatou apan wotongnge sumaruanna si mangitou!”

WATTI'U MANGA RASUL 2:20

Matannallo sarun maddandumma, wul᷊anna mabbal᷊i maṛṛamu ere ṛaṛṛa tantal᷊anna Allo Mawu, Allo apan bahewa wuṛṛu Allo apan mawantuga udde rumanta.

YOEL 2:31

Matannallo sarun mabbal᷊i marandumma wuṛṛu wul᷊anna mabbal᷊i maṛṛamu ere daṛṛa. Sarangkanambone udde sarun mariaddi tantal᷊anna Allon Mawu taambe nia'omanna, allo apan wahewalla wuṛṛu maata'utta!

LAL᷊ALLU 4:6

Uma'u buatte niṛṛuumanna mabbakkatanna wuassu tumana'u Sodom apan tumba'u sulal᷊ummu sangkaṛṛondapa naṛṛimunsa'u liman Duata ringannu tawe inolaannu taumata.

LAL᷊ALLU 2:13

O Yerusalem, Soa Sion apan arangnguanna, winal᷊alanne ahewalle ere laudda. Apa apan wotongnge ta'u iwisara ipangonggollu bawinalatta? Ana waugu, taambe piaddu natataṛṛangnga asasusa ere i'o. Atonna taweddu wotongnge mamelengngu lal᷊umannangngu.

DARALO 25:22

Oh Ruata, pallosaawe al᷊aṛṛanang-Ngu wuassu al᷊awo'u asasusane.

PANDARIADDI 32:7

Naaringikka udde i Yakub tumanite nata'utta wuṛṛu mappawangnga. Ana see manga taumata apan su sampunna ringanni tou nitahia nabbal᷊i ruang kawageanganna, aroddi lai domba, ambinga, sapi wuṛṛu untane.

YESAYA 20:6

Sutempo udde manga taumata apan uatana'a su apanne sarun mabbisara, ‘pa'ellege apa apan nariaddi su walahanna apan ipangngasakki ite tadea'u mallu'adda si ite wuassu ratun Asyur. Ereapa wotongnge i ite masal᷊amatta?’ ”

YEREMIA 2:27

I yamiu sarun pansilianna, ana waugu alu sampaddi waggoanni i yamiu iamangnga wuṛṛu watu sambau waggoanni yamiu inangnga. I yamiu wal᷊inewe rumanta ringang-Ku, ewe'e nanantang-Ku. Arawe napawe nirumanta asasusa, ete i Ya'u apan waggoanni yamiu tadea'u rumanta manal᷊amatta si yamiu.

YEREMIA 2:28

Suapate manga warahalanu apan niola'i yamiu udde? Napawe pia asasusa, doloṛṛa'e i mangitou manal᷊amatta si yamiu, amungkangngu i mangitou wotongnge! Ei Yehuda, manga mongannu anambone ere manga soanu!

YEREMIA 14:8

Ete I'o sassa pangantimannu Israel, apan manal᷊amatta si yami wuassu asasilaka. Arawe anio I'o ere Taumata raho su wanuang kami, ere uma'amatta apan tumba'u niumotongnga saṛṛabbi see manantangnga?

YOEL 1:2

Paddaringikke, ei manga timma-timmadde; panutukke, anambon taumata su Yehuda. Buattewe olangnge indi nariaddi su temponu, ara'e sutempon manga iupungngu al᷊amonanu?

YOEL 1:15

Allon Mawu maranite, allo apan maata'utta; sutempo Apan Lembon Taṛṛino mandantan araṛṛimunsa'a.

ZAKARIA 14:7

Su allo udde tate lai ararandumma. Allo udde sidutu masemmakka, wuṛṛu lai sutempo ṛabbi. Arawe tumba'u Mawu apan masingkattu allo udde rumanta.

MIKHA 4:9

Anio i'o nilumuai ete maggontol᷊anna? Anio i'o tawe uatahuanna ratu, wuṛṛu manga mananantironu natete?

HABAKUK 3:16

Naaringikka udde, naungku mangngiladda wuṛṛu wiwi'u mangngindo. I ya'u nabbal᷊i lome tate ikkata, ledda'u mattara, suapa i ya'u umamatta. I ya'u sarun maṛṛaddo ringannu matammudda ṛuumannu Ruata su taumata mammangalo.