YEREMIA 30:20 - WUKE SUSI WATTI'U AL᷊AL᷊USASSA

²⁰ Walahannu sarun Ta'u olaanna tumelengnga ere dorone, wuṛṛu dumarisikka apia ere uma-U. Sarangkanambone apan nangallangnga sarun Ta'u iṛṛuumanna lai.

YEREMIA 30:20 Referans Kwoze

YEREMIA 32:39

I Ya'u sarun mangonggolla si mangitou tumba'u sambau tuddan pabbiaṛṛanna: eteudde, mangaddatta si Ya'u sara mal᷊annu-l᷊annu; olangnge sarun mangapiddu apapia si mangitou sassane, wuṛṛu su papapulunni mangitou.

YEREMIA 2:3

Israel, i'o pussa'a-U sassane, tatuno naung-Ku apan arangnguang-Ku. I Ya'u nangema'u asasilaka su al᷊awo'a apan na'ola'a si'o uatataṛṛangnga susa, i Ya'u, Mawu, buatte nabbisara.”

YESAYA 51:22

Etearendi wisara Mawunu, Mawu Ruatanu apan nanamba'a si yamiu, “Asasusa apan Ta'u nionggolla sulal᷊ummu asasa'u-U, sarun Ta'u ul᷊eanna apia wuassi'o. Asasa'u-Ku sarun mompo'a, wuṛṛu i yamiu tate lai mamasanna udde.

YESAYA 49:26

Ya'u sarun ma'ola'a seennu iwu'annu daṛṛa, na'oman sara i mangitou uapapatete. Ne anambon taumata sarun maasingkatta, manungku i Ya'u, Mawu, Mananal᷊amannu; Apan Lembonmatohassa, Ruatan Yakub, Mananubbussa si'o.”

DARALO 102:28

Arawe I'o sidutu uasul᷊unga, I'o wiakka tawe pangudusanne.

DARALO 102:18

I Tou sarun maddaringikka aal᷊iomannu al᷊aṛṛanang-Nge apan uatataṛṛanga, wuṛṛu tawe mapawelengngu darorongngi mangitou.

YEREMIA 30:16

Arawe orassa indi sarangakanambone apan nangaluppa si'o sarun allupanna, wuṛṛu anambon seennu sarun ṛootanna su pamuanganna. I Ya'u sarun mangallanga iangana'a apan nangallanga si yamiu, i Ya'u sarun mangaṛṛo si sai apan nangaṛṛo si yamiu.

YESAYA 54:14

I'o niapararisikki su wowo mal᷊ita'u atatul᷊idda, niapaarau wuassu atata'utta wuṛṛu pangangallanga.

ZAKARIA 8:5

Manga lal᷊ana su soa sarun mapene apia ringannu al᷊aṛṛana'a apan mannalangnga.

ZAKARIA 10:8

Uma-U sarun Ta'u waggoanna wuṛṛu iammulla mabbal᷊i sambau. I mangitou Ta'u ipallossa wuṛṛu anambon Ta'u olaanna dorone.

LAL᷊ALLU 5:21

Oh Mawu, apira'e i yami mabbelengnga ringan-Nu; i yami sarun mabbelengnga ringan-Nu! Sul᷊ea'e lal᷊umanna'i yami ere dorone.

ZAKARIA 10:6

“Tumana'u Yehuda sarun Ta'u tohasanna, umattu Israel sarun Ta'u iapaasal᷊amatta. Ta'u iapidda i mangitou mabbelengnga watukku wanuane ana waugu i Ya'u marangngu si mangitou. I mangitou sarun Ta'u olaanna ere walahanna apan tawe Ta'u niawusuanna. Ete i Ya'u Mawu Ruata mangitou, al᷊awo'u rosane sarun Ta'u ellehanna apia.