YEREMIA 30:18 - WUKE SUSI WATTI'U AL᷊AL᷊USASSA

¹⁸ Mawu nabbisara apia: “I yamiu, uma-U sarun Ta'u iakkanna wuṛṛu Ta'u isul᷊e olangnge su wanuanu sassane. Yerusalem sarun iapararisikka apia, wuṛṛu wal᷊en araratuanne apianna.

YEREMIA 30:18 Referans Kwoze

DARALO 102:13

Arawe I'o, oh Mawu, Ratu saran mal᷊annu-l᷊annu, sidutu nannaunganna sara maṛṛawa mappulunnu.

YEREMIA 30:3

Ana waugu sarun a'omanna tempone i Ya'u manul᷊en ola'u pabbiaṛṛannu uma-U Israel wuṛṛu Yehuda. I Ya'u sarun mangapiddi mangitou mabbelengnga watukku wanua apan buatte Ta'u nionggolla su al᷊amona mangitou. Wanua udde sarun tahuananni mangitou apia. I Ya'u, Mawu, buatte nabbisara.”

YEREMIA 33:7

Yehuda wuṛṛu Israel sarun Ta'u olaanna tumelengnga ere dorone wuṛṛu i mangitou sarun dumarisikka apia maola'a uma-U.

YEREMIA 49:39

Arawe su allo sal᷊immurine, ola'u Elam sarun Ta'u isul᷊e apia. I Ya'u, Mawu, buatte nabbisara.”

YEREMIA 23:3

Arawe manga uma-U lambene sarun Ta'u iammulla wuassu manga wanua sutempan mangitou Ta'u niwuangnga. I mangitou sarun Ta'u iapidda mabbelengnga apia watukku leta'a niariaddianni mangitou wuṛṛu papapulunni mangitou sarun a'atambanna anambone.

ZAKARIA 1:16

Orassa indi i Ya'u mabbelengke su Yerusalem tadea'u mangonggollu pangangampunga su soa udde. Wal᷊e-U sarun iapararisikka apia wuṛṛu soan Yerusalem sarun isul᷊e apia.”

YEREMIA 46:27

“Uma-U, Israel, ariete mata'utta! Allang-Ku Yakub, arie suminggawangnga! I yamiu wuṛṛu papapulunnu sarun Ta'u iapaasal᷊amatta wuassu wanua marau, su tampa i yamiu nitawanna. I yamiu sarun mapul᷊e wuṛṛu matana'a su wanuanu ringannu mal᷊angnganna. I yamiu sarun mabbiakka ringannu matammudda; taweddu pia iaata'utti yamiu.

YEREMIA 49:6

Arawe su allon sal᷊immurine, ola'u walahannu Amon sarun Ta'u iapawelengnga. I Ya'u, Mawu, buatte nabbisara.”

YESAYA 44:26

Ete i Ya'u apan nanohassa wisaran allang-Ku, wuṛṛu napaamattu hol᷊aga apan niapal᷊iatta'u daroloṛṛang-Ku, i Ya'u nabbisara manungku Yerusalem sarun atanaanna apia, wuṛṛu manga soan Yehuda sarun Ta'u iapararisikka apia; manga winalal᷊anne sarun isul᷊e apia.

YEREMIA 31:4

Walahannu sarun ta'u olaanna tumelengnga ere dorone. Paassa lai i yamiu sarun manganu rebana, wuṛṛu massal᷊aingnga ringannu lulluassa.

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

1 TAWARIKH 29:19

Onggol᷊aawe si Salomo, parinsi'u, apulun naungnga atonna-tonna tadea'u tumuṛṛutta anambon parenta-Nu wuṛṛu ipandarisikku wal᷊en patataṛṛamawuanna udde apan aolangnge buatte ta'u nisaddia.”

YEREMIA 29:14

Atonna, i yamiu sarun maasomba si Ya'u. I yamiu sarun Ta'u ihemonna wuassu pattangngannu al᷊awo'u walahanna wuṛṛu wuassu tiappu wanua su tampang kamiu nisal᷊iawukka wuṛṛu niwuanga. I yamiu sarun Ta'u iapidda watukku wanua inariaddiannu indi see mamelengngu ola'u pabbiaṛṛanni yamiu. I Ya'u, Mawu, buatte nabbisara.’

YESAYA 44:28

Ete i Ya'u apan nabbisara si Kores, ‘Ete i'o apan mamarenta uma-U, wuṛṛu mapaamattu anambon apulu-Ku. Parentaite tadea'u Yerusalem olaanna apia, wuṛṛu Wal᷊en Mawu isarite rapappake.’ ”

YEREMIA 31:38

Mawu nabbisara, “Sarun a'omanna tempone ahewallu Yerusalem iapararisikka apia maola'a soa-U, wuassu Menara Hananeel maddatingngu Ngara Pasallanganna Pi'une.

YEREMIA 31:23

Mawu Apan Lembontaṛṛino, Ruatan Israel nabbisara, “Napawe uma-U buatte Ta'u niola'a tumelengnga ere dorone, ne su wanua Yehuda wuṛṛu su manga ampungnge sarun aringiṛṛanna apia taumata mabbisara, ‘Antimanna Mawu mangal᷊amatta wuidda susi su Yerusalem tampa atatanaanna apan niṛṛae si Tou.’

ZAKARIA 12:6

Su allo udde manga amonannu Yehuda sarun Ta'u olaanna ere putungnga sulal᷊ummu anambon anutungnga ara'e sasol᷊oanna lukkenggamma su al᷊ungngu wal᷊a'an ganduma; i mangitou sarun mamate manga walahanna su al᷊indonganne. Arawe tumana'u Yerusalem sarun sidutu uatana'a sulal᷊ummu soa ringannu matammudda.

DARALO 78:69

I Tou napararisikku Wal᷊en-Ne ere tatanaan-Ne su surga, wuṛṛu ere runia, matohassa saran mal᷊annu-l᷊annu.

NEHEMIA 7:4

Yerusalem soa apan mal᷊alangnga arawe tumba'u addio'a tumanangnge, wuṛṛu ta'e matul᷊ungnga wal᷊en apan niola'a.

DARALO 85:1

Su piaṛṛa'u mangangantari. Daralon ṛuanganni Korah.

ZAKARIA 14:10

Ahewallu wanua wuassu Geba su sawannakka maddatingngu Rimon su timukka, sarun maola'a lete'a ratakke. Arawe Yerusalem sarun manginnuitta matanggakka, mattaggaṛṛanna wuassu leta'a maranine, soa udde sarun aatambanna ahewalle wuassu Ngara Pasallanganni Benyamin maddatingngu Ngara Pasallangannu Pappi'uanne, eteudde tampa ngara pasallanganna paarorone wuṛṛu wuassu Menara Hananel maddatingngu tampa pamamakkannu anggore pussa'an datu.

YEREMIA 31:40

Ahewallu wawal᷊anne udde, apan nipaatta naola'a pallabbinganna wuṛṛu tampa pandammeannu sapadda, wuṛṛu anambon wawail᷊anna su wiwikku Sal᷊ukku Kidron maddatingngu Ngara Pasallanganna Awal᷊o watukku ra'i, sarun iṛṛa'e si Ya'u. Soan Yerusalem tate ihohakka apia ara'e ṛimunsaanna.”

1 TAWARIKH 29:1

Ana see i Ratu Daud nabbisarate su anambon taumata apan uaammulla isudde, “Wuassu anambon parinsi'u, tumba'u i Salomo apan nipilen Duata. Arawe i tou ta'e tumaniten dario'a wuṛṛu ta'e woddo ara'e longonna, see lai manara indi tumaniten wahewalla. Ana see lai apa sarun iaparisikka indi wal᷊ine wal᷊en araratuannu taumata, ewe'e Wal᷊en Mawu Ruata.

DARALO 48:3

Sion, wuiddu Ruata matanggakka maṛṛansanga soan Ratu Mawantuga maal᷊uassa ahewallu runia.

DARALO 48:13

Pamal᷊iwutte Sion, pal᷊intara'e i tou, wuṛṛu reenga'e candine.

DARALO 122:7

Antimanna pia paddarame sulal᷊ummu araratuannu, wuṛṛu langnganna su manga tanda'a watunu.”

YEREMIA 29:11

Wal᷊inewe i Ya'u sassane mamasingkattu manga ṛiing-Ku si yamiu? Manga ṛiinna udde wal᷊ine ma'asilaka si yamiu, arawe hunan lal᷊umanna'i yamiu wuṛṛu mangonggolla si yamiu tempo addantane apan piaddu a'antimanna.

YEREMIA 32:15

Mawu Apan Lembontaṛṛino, Ruatan Israel, nabbisara manungku wal᷊en, leta'a, wuṛṛu waillu anggore sal᷊immurine sarun ipabbawalli apia su wanua indi.”

YEHEZKIEL 36:11

Tumanangnge wuṛṛu winatangngu sarun Ta'u tambanna, ma'oman sara mabbal᷊i manambo, mannamboanna wuassu paarorone, wuṛṛu i mangitou sarun ṛumana'a mappulunna manambo. I mangitou sarun mabbiakka poiaroddi ere paarorone wuṛṛu Ta'u olaanna ala, ere lai taambe saran paassa niapendamanni yamiu. Ne i yamiu masingkatte manungku ete i Ya'u Mawu.

AMOS 9:14

I Ya'u sarun ma'ola'a uma-U Israel mal᷊angnganna apia. I mangitou sarun mapararisikka apia manga soan mangitou apan nassongkakka, ana see i mangitou matana'a poiaroddi. I mangitou sarun massuanna manga wawail᷊annu anggore, wuṛṛu ma'inumma anggorene. I mangitou sarun mabbailla, wuṛṛu umanna pabbawuan inasaharanne.

ZAKARIA 1:12

Wua'udde mala'ekatta udde nabbisara, “Mawu Apan Lembontaṛṛino, pitun pul᷊o su tonnane al᷊annune I'o nasa'u su Yerusalem wuṛṛu su manga soa su Yehuda. Maddatingngu tingngera I'o sidutu massa'u wuṛṛu tawe mangampungnga si mangitou?”

ZAKARIA 12:7

I Ya'u, Mawu, apan paarorone mangonggollu auntunganna su tantaran Yehuda, tadea'u aaddata apan nisengkammu papapulunni Daud see tumana'u Yerusalem tawe manampaliu aaddatta apan nisengkammu tumana'u Yehuda waine.

DARALO 102:14

I'o sarun dumarisikka wuṛṛu umakkannu Sion, tempone nia'omante umakkanni tou.

YEREMIA 32:44

surattu pamamalline sarun teengannu, pia segelle, wuṛṛu tohasannu manga matatialane. Udde sarun mariaddi su wageangngu leta'i Benyamin, su manga ampungnga maranin Yerusalem, wuṛṛu su manga soan Yehuda, su manga soa su panenteanna, wuṛṛu su Yehuda samba'a timukka. Walahanna indi sarun Ta'u isul᷊e apia olangnge su wanua indi. I Ya'u, Mawu, buatte nabbisara.”