YEREMIA 30:17 - WUKE SUSI WATTI'U AL᷊AL᷊USASSA

¹⁷ Salaiwe seennu mabbisara, ‘Sion buatte niramme, wuṛṛu tateddu lai manaile,’ arawe i yamiu sarun Ta'u olaanna sehatta apia, wuṛṛu manga lessanu sarun ta'u undamanna.”

YEREMIA 30:17 Referans Kwoze

DARALO 107:20

I Tou napaapian mangitou ringannu parenta-Ne, wuṛṛu nalliun mangitou wuassu loṛṛangngu labbinga.

YEREMIA 33:6

Arawe sutempo addantane i Ya'u sarun mapawelengngu ola'u soa indi wuṛṛu tumanangnge; i mangitou sarun matohassa apia. I Ya'u sarun mangonggolla si mangitou lal᷊umanna'a wuṛṛu atatahul᷊andimma apan nangillembo.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

DARALO 103:3

I Tou apan nangampungnga anambon rosanu, apan nangapia al᷊awo'u raddangu,

SASABANGNGA 15:26

Unnu Mawu, “Paatuṛṛutte si Ya'u ringannu atonna-tonna, wuṛṛu pa'ola'e apa apan aellehang-Ku mapia; paatuṛṛutte anambon parenta-U. Amungkangngu i yamiu ma'ola'a aroddi, yamiu tawe Ta'u iṛṛuumanna ringannu manga radda'a apan Ta'u niaparanta su taumata Mesir. Ete i Ya'u Mawu apan nangapia si yamiu.”

DARALO 23:3

I Tou nangonggola si ya'u atatohassa wakku, wuṛṛu nangehetta si ya'u su lal᷊anna apan naṛṛino, uasul᷊ungu paaire-Ne.

HOSEA 6:1

Manga taumatan Israel nabbisara, “Wette i ite mabbelengke ringannu Mawu. Ete i Tou apan mannansara si ite, arawe ete i Tou apan sarun mangapia. I Tou apan nallassa, arawe i Tou lai apan sarun mami'unna manga lessang kite.

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

YEHEZKIEL 34:16

Iapa nawul᷊i Ta'u reaanna, iapa nilamammiṛṛane sarun Ta'u iapidda mapul᷊e, iapa nal᷊essa Ta'u wa'isanna, wuṛṛu iapa maradda'a ta'u undamanna; arawe iapa matawa wuṛṛu matohassa sarun Ta'u pateanna, ana waugu i Ya'u mallal᷊u'adda apan ma'ola'a apapia.

SONDAPPA 22:2

su pattangngannu lal᷊anna su soa udde. Su winggin sal᷊ukka udde, su ruam baane pia alu punnu wiakka, apan mabbua paapul᷊o dua santonna, eteudde paassa sambul᷊anna. Rongngane ipappaatta ipangngundama manga walahanna.

YESAYA 30:26

Wul᷊anna sarun masemakka ere semakku matannallo, wuṛṛu matannallo sarun maola'a paapitu asemakke wuassu wiasane, ere semakku pitu allo niammulla naola'a sambau. Sarangkanambone udde sarun mariaddi sutempo Mawu mami'unna wuṛṛu mapaapia manga lessa uman-Ne apan buatte nipuulle.

YEREMIA 30:13

Tawe saran sangkatou apan umakkanna maddea'a apapianu, tawe undamma su manga hannenu, tate antimma si'o apan mapia.

YEREMIA 8:22

Apate apan naahal᷊ahe na'oman sara walahangku naddatingngu orassa indi taambe lai napia? Apa su ahewallu Gilead tawe doktere ara'e undamma?

YEREMIA 3:22

Ei i yamiu sarangkanambone apan nanantangke Mawu, pabbelengke! I tou sarun mangapia si yamiu, wuṛṛu ma'ola'a si yamiu mabbal᷊i satia. I yamiu mabbisara, “Ore, orassa indi i yami rumantate ringannu Mawu, ana waugu i Tou Ruatan kami.

DARALO 12:5

apan mabbisara, “I yamiu uataṛino ringannu lilan kami! Walate i yami mabbisara, wuṛṛu tawedu wotongnge manal᷊are!”

YESAYA 11:12

Mawu sarun manduittu sambau waneṛṛa su walahanna udde. Udde tatialane i Tou nangammullu apia walahannu Israel wuṛṛu Yehuda apan nassal᷊iawukka su ahewallu runia wuṛṛu nangapiddi mangitou mapul᷊e.

YEREMIA 33:24

“Buattewe i'o nanutukka wisaran taumata ipabbisara Israel wuṛṛu Yehuda? I mangitou mabbisara manungku i Ya'u buatte nandammen walahanna darua indi apan buatte Ta'u nipile udde. Ana waugu udde i mangitou mangngaddio'a uma-U, wuṛṛu tate lai ma'ellega si mangitou udde sambau walahanna.

YEHEZKIEL 35:12

Ne i yamiu masingkatte manungku i Ya'u, Mawu, naaringikke aal᷊uandagu sutempo i yamiu mabbisara: Manga wowon Israel nabbal᷊ite mal᷊annabba wuṛṛu nitantilla maola'a pabbawiakki ite.

YEHEZKIEL 36:20

Watukkuapa i mangitou inai, i mangitou sidutu mandal᷊eo arang-Ku apan na'ukkassa. Ana waugu manga taumata mabbisara arendi, ‘Walahanna indi uddewe umattu Ruata, arawe i mangitou ṛinone manantangngu leta'a apan nionggollu Ruata si mangitou.’

LAL᷊ALLU 2:15

Anambon taumata apan sinumabbi, mangngal᷊uandaga si'o, ana waugu i'o naṛṛimunsa'e abbi. I mangitou uapapa'ilingnga wuṛṛu nabbisara, “Eteudde apan aṛṛansanganne, soa apan raddaloannu runia?”

DARALO 142:4

Sutempo i ya'u asueanten antimma, I'o masigkattu apa apan ṛinone ta'u olaanna. Su lal᷊anna apan ta'u amatanna, seetta mal᷊anna-l᷊annaba nantaingngu sedda si ya'u.

YESAYA 33:24

Tawe saran sangkatou su wanuan kite apan sumal᷊iomanna ana waugu maradda'a, wuṛṛu anambon dosa sarun ampunganna.

YESAYA 56:8

Ete arendi wisara Mawu Apan Atanggaṛṛanne apan nanguntuddu Israel napul᷊e wuassu pamamuanganna, “I ya'u sarun mangapiddu manga taumata waine tadea marimpul᷊e suaddio'a ringanni mangitou apan naammulle.”

YESAYA 58:8

Ne asasemakka sarun sumabbangnga si yamiu ere matannallo, wuṛṛu manga lessanu mal᷊ihakke mapia. I Ya'u sarun makkundinganna si yamiu. Daranta-U sarun mallu'adda si yamiu wuassu al᷊awo'u pappi'uanne.

YESAYA 60:15

I'o sarun tawe itantangnga wuṛṛu iarantinna, wuṛṛu tawe iwala maola'a mal᷊anna-l᷊annabba. I'o Ta'u olaanna al᷊al᷊uassa sarangkal᷊o'enge, tampa ilallala'a saran mal᷊annu-l᷊annu.

YEREMIA 17:14

Mawu, paapia'awe i ya'u, ne i ya'u sarun mabbal᷊i mapia. Sal᷊amata'awe i ya'u, ne i ya'u sarun masal᷊amatta. Tumba'u I'o apan wabbantuhangku!

HOSEA 11:3

Sumbal᷊i ete i Ya'u apan nangaṛṛa'a Israel niumamatta, wuṛṛu apan nangooppa ringannu napenen darangngu. Ete i Ya'u apan namaddul᷊i si tou arawe i tou maddiri manga'u udde.

AYUB 5:18

Ana waugu ete Ruata apan mapaal᷊essa, Ete i Tou lai apan mangundamma. Su lima-Ne apan namuulla, eteudde lai apan mapaul᷊e apia.

YESAYA 54:6

Israel, i'o naal᷊ihidda sangkatou awingnga maṛṛuala apan massusa ana waugu nitantangngu iamangngu ana'a. Arawe Ruata namaggo si'o apia wuṛṛu nabbisara,

YESAYA 57:18

I Ya'u naasilote pallal᷊aghun mangitou, arawe i mangitou i Ya'u iapaapia lai. I Ya'u sarun mangehetta wuṛṛu mantul᷊ungngi mangitou wuṛṛu mapaal᷊uassu taumata apan naungnge massusa.

YESAYA 57:19

I Ya'u sarun mangonggollu atatammudda su anambon taumata, mawae ete marani aroddi lai marau. I Ya'u sarun mapaapian uma-U.

YEREMIA 10:20

Rasanni yami nahohakka, manga tal᷊ine nabassutta abbi. Tateddu lai apan botongnge mapararisikku rasanna wuṛṛu mangele manga mal᷊aṛṛenenge, ana waugu al᷊aṛṛana'a inaite aroddi.”