YEREMIA 30:16 - WUKE SUSI WATTI'U AL᷊AL᷊USASSA

¹⁶ Arawe orassa indi sarangakanambone apan nangaluppa si'o sarun allupanna, wuṛṛu anambon seennu sarun ṛootanna su pamuanganna. I Ya'u sarun mangallanga iangana'a apan nangallanga si yamiu, i Ya'u sarun mangaṛṛo si sai apan nangaṛṛo si yamiu.

YEREMIA 30:16 Referans Kwoze

YEREMIA 10:25

Sabbanga'e asasa'u-Nu su manga walahanna apan tawe manga'u Si'o wuṛṛu apan tawe mattaṛṛamawu Si'o. Ana waugu i mangitou buatte namate uman-Nu sara nasue wuṛṛu nanggohakku wanuang kami.

YESAYA 33:1

Nasilakate manga seetti ite! I mangitou makkampassa salaiwe i mangitou tawe nipakkampassanna, wuṛṛu mandal᷊eo salaiwe tawe nilal᷊eo. Arawe napawe buatte nakkampassa wuṛṛu nandal᷊eo, i mangitou sarun mabbal᷊i sal᷊em pallaṛṛampassa wuṛṛu pandalal᷊eo.

SASABANGNGA 23:22

Amungkangngu i yamiu matuṛṛutta si tou wuṛṛu ma'ola'a sarangkanambone apan Ta'u nirolokka, I Ya'u sarun mapapangalo mandoappa anambon seennu.

ZAKARIA 2:8

Isai apan mamangalo si yamiu, namangalo tatuno naungku.” Ne Mawu Apan Lembontaṛṛino nandalo'u mamasingkattu tanata indi su manga walahanna apan buatte nangaṛṛo uman-Ne,

SONDAPPA 13:10

“Taumata apan ṛinone iṛṛuumanna, atonna i tou sarun iṛṛuumanna. Wuṛṛu taumata apan ṛinone pateannu hal᷊ele, atonna i tou sarun pateannu hal᷊ele. Ana waugu udde walahannu Ruata ṛinone matammuda wuṛṛu matuṛṛuta.”

ZAKARIA 12:2

“Yerusalem naal᷊ihidda piala apan lal᷊oṛṛoannu anggore; manga wanua al᷊indonganne sarun ma'inumma wuṛṛu sumassendekka ere taumata wu'anna. Wuṛṛu napawe Yerusalem pangaloanna, manga soa wanua Yehuda apan lambene, sarun pangaloanna lai.

YOEL 3:8

Manga umbasanna maṛṛualanu sarun Ta'u iwal᷊u'a su tumana'u Yehuda, apan sarun mabbal᷊ungnge apia su Syeba, wanua apan marau. I Ya'u Mawu, buatte nabbisara.

YESAYA 14:2

Manambo pabbawlaga apan mantul᷊ungngu walahannu Israel mabelengnga su wanua apan nionggollu Mawu si mangitou, wuṛṛu poiaroddi manga walahanna udde mattaṛṛuallangnga su Israel. Israel sarun manawanna manga taumata apan buatte nanawanna si mangitou wuṛṛu mamarenta manga taumata apan buatte nangallangnga si mangitou.

DARALO 129:5

Wala'ewe suapan taumata apan maddantinnu Sion iawaddo wuṛṛu iapatal᷊angnga.

ZEFANYA 2:8

Mawu Apan Lembontaṛṛino nabbisara, “I Ya'u buatte naaringikka manga wlahannu Moab wuṛṛu Amon mallobbossa wuṛṛu mangngal᷊uandaga uma-U. I mangitou mattal᷊imoṛṛongana naudde manganu leta'u uma-U.

HABAKUK 2:16

Orassa indi nia'omante i'o pansilianna, wuṛṛu wal᷊ine tadea'u aadatanna. Aadannu sarun mawal᷊u mabbal᷊i aal᷊uandaga. Mawu sarun mamatangngu ma'inumma wuassu cawanna apan lal᷊oṛṛoannu ṛuumanna si'o. I'o sarun ma'inumma wuṛṛu sumassedekka.

NAHUM 1:8

Naal᷊ihidda manawangnga wahewalla apan nangelekka, niṛṛimunsang-Nge manga seen-Ne. I mangitou apan waṛṛani lumawangnga si Tou nipuullu Mawu ringannu papate na'oman sara nate.

MIKHA 7:10

Dorone seetta mallobbossa si ite ringannu mabbisara, “Suapate Mawu, Ruatanu udde?” Arawe orassa indi i mangitou sarun maasilo apa apan niola'u Mawu si ite, wuṛṛu i mangitou sarun masili. I ite sarun mabbiala manga seetti ite niwaddo wuṛṛu mangke laṛṛindanna ere labbo su lal᷊anna.

MIKHA 4:11

Manambo walahanna apan naammulle mamangalo si'o, ei Yerusalem! I mangitou nabbisara, “Yerusalem ṛinone ṛimunsaanna! I yami sarun ma'ellega soa udde mabbali winal᷊alanna!”

YEHEZKIEL 35:5

Ro'en dorone i yamiu masseettu Israel wuṛṛu namala mangitou laṛṛatanna sutempo i mangitou niarantannu asasilaka maola'a ṛuumanna panginsueanne wuassu rosa mangitou.

YEHEZKIEL 29:6

Ne anambon tumana'u Mesir maasingkatte manungku ete i Ya'u Mawu.” Mawu nabbisara, “Ei walahannu Mesir! Taumatan Israel mangngantimma sasumbalanu, arawe inauranna i'o tumba'u naal᷊ihidda sambau ta'inna apan lome.

LAL᷊ALLU 1:21

O, Mawu! Daringiṛṛewe sasal᷊iomangku, taweddu malluassa si ya'u. Manga see'u lulluassa, ana waugu I'o na'ola'a si ya'u nasilaka. Rantate allo apan pina'ire-Nu udde; ola'ewe i mangitou matataṛṛangnga ere lai i ya'u.

YEREMIA 2:3

Israel, i'o pussa'a-U sassane, tatuno naung-Ku apan arangnguang-Ku. I Ya'u nangema'u asasilaka su al᷊awo'a apan na'ola'a si'o uatataṛṛangnga susa, i Ya'u, Mawu, buatte nabbisara.”

YESAYA 54:17

Arawe suapan lutangnga apan nisassalla ipando'appa si'o, sarun tawe ma'apate. Wuṛṛu suapan a'ansilla sulal᷊ummu pallaṛṛuungnganna sarun iapasingkannu nassal᷊a. I Ya'u sarun mangonggollu auntunganna su manga allang-Ku,” etearoddi wisara Mawu.

YESAYA 54:15

Napawe i'o pangaloanna, wal᷊inewe i Ya'u apan nandolokka, salaiwe isai mamangalo si'o sarun manawo.

ZAKARIA 14:2

Mawu sarun mangammullu anambon balahanna iapapangalo Yerusalem. Soa udde sarun iaanu, manga wal᷊ene nipangngaṛṛoanna, wuṛṛu manga wawine nilal᷊eo. Sambageanganna wuassu tumanangnge sarun ṛuwoana watukku pamamuanganna, arawe lambene sarun matana,a su soa udde.

ZAKARIA 1:14

wuṛṛu mala'ekatta udde nandolo'u mamasingkattu apa apan niwisaran Mawu Apan Lembontaṛṛino, “I Ya'u lembon mandangngu wuṛṛu ma'ellega soa Yerusalem, soa apan susi.

YEREMIA 50:28

Manga taumata apan tinumal᷊angnga watukku Yerusalem wuassu Babel mabbatti'a ereapa Mawu Ruatang kite mabbal᷊issa inolaannu taumatan Babel su Wal᷊en Babel.)

YEREMIA 25:12

Wua'udde i Ya'u sarun makkuumannu walahannu Babel wuṛṛu ratune ana waugu rosa mangitou. Wanuan Babel sarun Ta'u iṛṛa'a wuṛṛu Ta'u iwala naṛṛimunsa'a saran mal᷊annu-l᷊annu.

YEREMIA 12:14

Mawu nabbisara, “Eteindi tanata-U su manga araratuanna ual᷊indongannu Israel apan buatte nanggohakka wanua apan Ta'u nionggolla su uma-U Israel. Ere sinuananna apan niabbutta wuassu leta'a, etearoddi lai manga taumata lal᷊eo udde sarun Ta'u iapasabbangnga wuassu manga wanua mangitou, wuṛṛu Yehuda sarun ipallossa wuassu lima mangitou.

YEREMIA 8:16

Seetta poite su soan Dan; tingikku awal᷊o mangitou niaringiṛṛante wuṛṛu ahewallu wanua nabbal᷊i matta'utta. Seetta nirumanta tadea'u makkimunsa'a ahewallu wanuang kite, see lai manga soang kite wuṛṛu anambon tumanangne.”

YEREMIA 30:15

Imbaṛṛangnga sumal᷊iomanna su ola'u manga lessanu, ana waugu i yamiu tawe antimma mapia. I yamiu Ta'u iṛṛuumanna aroddi ana waugu manambote rosanu wuṛṛu wahewalla pasasal᷊annu.

TAHIUL᷊E 30:7

Anambon bontoga udde sarun iema'a su manga seennu apan maddantina wuṛṛu makkinda si yamiu.

1 SAMUEL 17:53

Wua'udde taumatan Israel nabelengke wuassu pangangenggenna taumatan Filistin, ana see nangaṛṛo lal᷊oṛṛon paddasananni mangitou.

AMSAL 22:23

Ana waugu, Mawu sarun manamba'a hatton mangitou wuṛṛu manawutta niawan taumata apan mangngallanga si mangitou.

LAL᷊ALLU 1:22

Ellehete anambon al᷊al᷊eon mangitou udde, wuṛṛu ola'e i mangitou ere lai I'o na'ola'a si ya'u, ana waugu anambon rosa apan ta'u niola'a su saruan-Nu. I ya'u sussal᷊iomanna sulal᷊ummu radda'a, naungku massusa wuṛṛu maddunde.”

ZAKARIA 1:15

Arawe i Ya'u tuminiten massa'u su manga walahanna apan uapendamma mal᷊annabba wuṛṛu matammudda. Ana waugu sutempo i Ya'u naṛṛaddannu asasa'u-U su uma-U, manga walahanna udde mannamba asasusan uma-U.

ZAKARIA 2:12

Paassa lai Yehuda sarun maola'a pussa'a Mawu apan apianne su letang-Ne apan susi, wuṛṛu Yerusalem sarun maola'a soa apan lembon arangnguan-Ne.