YEREMIA 30:12 - WUKE SUSI WATTI'U AL᷊AL᷊USASSA

¹² Mawu nabbisara su uman-Ne: “Raddangngu tumaniten mawakkatta, su lessanu tawe undamme.

YEREMIA 30:12 Referans Kwoze

YEREMIA 15:18

Anio i ya'u sidutu mangke uatataṛṛangnga? Anio lessa'u mangke tawe mapia? Apa I'o pia pandumma mangaddio'a naungku ere sal᷊ukka apan nabbal᷊i mamara sutempon paddissa?”

YEREMIA 30:15

Imbaṛṛangnga sumal᷊iomanna su ola'u manga lessanu, ana waugu i yamiu tawe antimma mapia. I yamiu Ta'u iṛṛuumanna aroddi ana waugu manambote rosanu wuṛṛu wahewalla pasasal᷊annu.

YEREMIA 14:17

I ya'u nirolokku Mawu mamasingkattu asasusa'u su uman-Ne. I ya'u ṛinone mabbisara arendi, “Wala'ewe i ya'u lumuai tawe illol᷊one, allo ṛabbi mangngelekka allom mata. Ana waugu walahangku nal᷊essa wahewalla wuṛṛu tumaniten uatataṛṛangnga.

2 TAWARIKH 36:16

Arawe i mangitou mannalangnga manga daroloṛṛannu Ruata udde, wuṛṛu lullagen manga nabi-Ne see lai tawe maddaringikka manga wisara-Ne. Panginsueanne Mawu aroddi nasa'u si mangitou na'oman sara tate dal᷊anna sabbanganni mangitou tadea'u mapallossa wuassu ṛuuman-Ne.

YEHEZKIEL 37:11

Ruata nabbisara si ya'u, “Ei taumata apan mattate, manga duṛṛi indi atappasanne walahannu Israel. I mangitou sussal᷊iomanna manungku i mangitou naaiga, tawe antimma wuṛṛu tate allo addantane.

YEREMIA 6:7

Su ereapa al᷊imatan kua'e mappasabbangngu ua'e mapia, aroddi lai soa udde sidutu mappasabbangngu al᷊al᷊eo. Tumba'u watti'u araṛṛagissa wuṛṛu pallaṛṛampassa apan Ta'u niaringiṛṛanna waussu soa udde; lessa wuṛṛu radda'a Ta'u niasiloanna su al᷊awo'u tampa.

LAL᷊ALLU 2:13

O Yerusalem, Soa Sion apan arangnguanna, winal᷊alanne ahewalle ere laudda. Apa apan wotongnge ta'u iwisara ipangonggollu bawinalatta? Ana waugu, taambe piaddu natataṛṛangnga asasusa ere i'o. Atonna taweddu wotongnge mamelengngu lal᷊umannangngu.

HOSEA 5:13

Walahannu Israel wuṛṛu walahannu Yehuda naatutkka inolaanne apan dal᷊eo, ne Israel inaite watukku Asyur tadea'u maddorongnga sumbala su ratu wahewalla. Arawe i tou udde tawe ma'ontolla wuṛṛu mangapia ola'u pabbiaṛṛanni mangitou.

MIKHA 1:9

Ana waugu manga lessan Samaria tawe aundamanna, wuṛṛu Yehuda sarun aṛṛiannu asasilaka apan uasul᷊ungnga. Asasilaka na'omate su Yerusalem, ngara sasuttanna leta'a inariadiannu walahangku.

NAHUM 3:19

Hal᷊isanu sarun tawe aundamanna, wuṛṛu manga lessanu tawe mapia. Anambon taumata apan naaringikka watti'u araṛṛimunsangu sarun mattal᷊o'appa lulluassa. Ana waugu anambon taumata buatte natataṛṛangnga susa ana waugu al᷊al᷊eonu apan tawe panguddusanne udde.

YEREMIA 8:22

Apate apan naahal᷊ahe na'oman sara walahangku naddatingngu orassa indi taambe lai napia? Apa su ahewallu Gilead tawe doktere ara'e undamma?

YEREMIA 14:19

Mawu, apa Yehuda buatte nito'e-Nu atonna-tonna wuṛṛu tumana'u Sion iaarantin-Nu? Anio aroddi aikkanne I'o namuulla si yami na'oman sara i yami tate lai mapia? Tate gunane i yami maddea'a paddarame, tate gunane i yami mangngantimma aaul᷊en baddangnga, ana waugu nallambe ete tumba'u araṛṛagissa.