YEREMIA 3:25 - WUKE SUSI WATTI'U AL᷊AL᷊USASSA

²⁵ Nariaddi, wala'e i yami mamasanna asasili, wuṛṛu wala'e i yami mabbal᷊i lal᷊ebbone. Ana waugu, i yami wuṛṛu al᷊amonan kami narosate su lantakku hati Mawu Ruatang kami, wuṛṛu taambe saran paassa tumuṛṛutta manga parenta-Ne.”

YEREMIA 3:25 Referans Kwoze

YEREMIA 22:21

I Ya'u buatte nabbisara si'o sutempo olangngu mapia, arawe i yami maddiri maddaringikka. Atonna etearoddi pallal᷊agunu ro'en dorone naddatingngu orassa indi; taambe saran paassa iemiu tumuṛṛutta si Ya'u.

YEREMIA 2:26

Mawu nabbisara, “Naal᷊ihidda taṛṛata'o naapendamma asasili sutempo niata'apanna, etearoddi lai i yamiu sarangkanambone sarun maapendamma asasili, ei taumatan Israel, manga ratu wuṛṛu manga tembonannu, manga imam wuṛṛu manga nabinu!

ROMA 6:21

Su tempo udde auntunganna apa apan nisengkammi yamiu wuassu manga inolaanna apan orassa indi maasili si yamiu amungkangngu olaanna? Manga inolaanna udde tumba'u mangapidda su papate!

DANIEL 12:2

Manambo suwallatti mangitou apan natete sarun tate mabbiakka apia; sambageanganna lai sarun aṛṛiaannu asasusa wuṛṛu atata'utta saran mal᷊annu-l᷊annu lai.

YEHEZKIEL 36:32

Naungete ei Israel, manungku sarangkanambone udde sarun Ta'u olaanna wal᷊inewe ana waugu i yamiu. I yamiu ṛinone maapendamma asasili wuṛṛu addio'a ana waugu pallal᷊agunu. I Ya'u Mawu Apan Atanggaṛṛanne buatte nabbisara.’ ”

YEHEZKIEL 7:18

I mangitou sarun malluṛṛen nasa karongnga wuṛṛu ahewallu wadangnge sarun mangiladda. Pua mangitou sarun lungguṛṛanna wuṛṛu i mangitou sarun pansilianna.

LAL᷊ALLU 5:16

Al᷊al᷊uassi yami nasuete, i yami nasilaka ana waugu marosa.

LAL᷊ALLU 5:7

Al᷊amonan kami na'ola'a rosa, orassa indi i mangitou tate su runia; arawe i yami ṛinone matataṛṛangnga, ana waugu manga rosan mangitou.

YEREMIA 6:26

Mawu nabbisara su uman-Ne, “palluṛṛete laubba karongnga wuṛṛu tattal᷊inggite su awu. Lallal᷊ote wuṛṛu lalluaite ringannu massusa ere taumata apan lulluai niapateannu anangnge man sambau, ana waugu mamamate sarun mamangalo si yamiu ringannu mamaṛṛoro.”

YEREMIA 2:19

Al᷊al᷊eonu sassane apan makkuumannu, i'o nasusa ana waugu nanol᷊a-U, Ruatanu. Orassa indi pamendampe aroddi apettane wuṛṛu aṛṛagene amungkangngu i Ya'u tal᷊i'urannu wuṛṛu tawe addatannu. I Ya'u, Mawu Ruatanu buatte nabbisara; Ete i Ya'u Mawu Ruata Apan Atanggaṛṛanne wuṛṛu Lembontaṛṛino.”

YEREMIA 2:17

I'o sassane apan namonse sarangkanambone apan nariaddi su watangannu, ana sutempo i'o Ta'u ni'ehetta su amatanna, i'o tinumal᷊iudda si Ya'u, Mawu Ruatanu.

YEREMIA 2:2

mangal᷊iatan batti'a indi su anambon taumata su Yerusalem, “Ei Israel, i Ya'u mannaungnga i'o aroddi asatiane sutempo i'o ta'e dario'a; aroddi ahewalle darangngunu sutempo i ite buatte naawingnga. Watukku wadda'u anne i Ya'u tatantalongannu u'amatta su wageangngu leta'a apan tawe nisuananna.

YESAYA 50:11

Ei i yamiu apan mappandumma manilaka taumata waine, i yamiu sarun pateannu ṛiinni yamiu sassane. Ete Mawu apan ma'ola'a udde matipussa, i yamiu sarun sansaranna ringannu mawakkatta.

YESAYA 48:8

I Ya'u masingkatta i'o tawe apangimananna, ro'en dorone i'o tinumelengnga mapontol᷊osanna. Ana waugu udde i'o waggan olangnge udde, tawe sampaddi wisara apan na'oma su tal᷊inganu.

AMSAL 5:13

I ya'u maddaringikka manga huru'u wuṛṛu maddiri tumuṛṛutta si mangitou.

DARALO 109:29

Wala'e manga taumata apan mangngansilla si ya'u papal᷊iwutannu aal᷊uandaga, wuṛṛu asasili apan uapi'unna si mangitou ere jubah.

DARALO 106:7

Sutempo su Mesir al᷊amonan kami tawe maasunna; manara-Nu apan maatiangnga tawe asunnanni mangitou. I mangitou naabul᷊in darangngu-Nu apan nilumambalanna, wuṛṛu su maranin Tahal᷊oangngu Gelagah i mangitou nilumawanga Apan Atanggaṛṛanne.

MAL᷊AṚṚUUNGNGA 2:2

Ana waugu udde i yamiu tawe wotongnge ma'ola'a pa'aire ringannu tumana'u wanua indi. Manga meddan sasamban mangitou ṛinone ihohakki yamiu.’ Arawe i yamiu tawe tinumuṛutta parenta-U. I yamiu na'ola'a al᷊aṛaene!

DARALO 106:6

I yami narosate ere al᷊amonan kami; i yami buatte na'ola'a al᷊al᷊eo wuṛṛu nilumawanga.

YEREMIA 3:13

Panga'ute manungku i'o nassala wuṛṛu buatte nilumawangnga su saruannu Mawu, Ruatanu. Panga'ute manungku su al᷊ungngu suapan punnu alu apan mappaṛṛampunga i'o buatte namatu'a apulunu su manga mawun balahanna waine, wuṛṛu tawe tumuṛṛutta manga parenta-U. I Ya'u, Mawu buatte nabbisara.”

YEREMIA 8:14

“Anio i ite mangke mal᷊anna-l᷊annabba?” unnu umattu Ruata. “Wette i ite suaddio'a inaite massal᷊iu watukku manga soa apan pia tanda batune wala'e i ite mate poiaroddi. Mawu Ruatang kite buatte nanantunna manungku i ite ṛinone mate. I tou buatte nangonggolla si ite racunna iapa'inumma ana waugu i ite marosa si Tou.

YEREMIA 14:7

Uma-U ma'ial᷊are, ‘Mawu, salaiwe rosan kami mammaṛṛansilla si yami arawe ontol᷊ewe i yami ere buatte nipa'ine-Nu. I yami buatte nanantang-Ngu masokka-sokka; atonna, i yami narosate su Mawu.

YEREMIA 14:20

Mawu, tumba'u su saruan-Nu i yami buatte na'ola'a rosa. I yami manga'u rosan kami sassane wuṛṛu rosan al᷊amonang kami.

YEREMIA 20:18

Anio i ya'u ṛinone iasungkangnga? Tumba'u iapaasusa wuṛṛu iapaasahadda? Wuṛṛu tadea'u wia'u mal᷊iudda sidutu mangke sulal᷊ummu asasili?

YEREMIA 31:19

I'o buatte tinal᷊i'uranni yami, arawe inolaanna udde iassasilli yami. Napawe I'o nakkuumanni yami, puang kami niumaruutta ana waugu massusa. I yami massili wuṛṛu nahelo ana waugu buatte na'ola'a rosa sutempo dario'a.’

YEHEZKIEL 2:3

“Ei taumata apan mattate, i'o Ta'u irolokka inai ringannu manga taumatan Israel apan lullawangnga si Ya'u. I mangitou udde lullawangnga ere iupungngi mangitou lai.

AMSAL 13:18

Taumata apan maddiri aṛṛaanna maola'a asiangnga wuṛṛu masa'ina; taumata apan maddaringikka tatantiro sarun addatanna.

YEREMIA 7:19

Arawe mangke atonna, wal᷊inewe i Ya'u apan raddal᷊eoanni mangitou, ewe'e watanganni mangitou sassane na'oman sara i mangitou nasili.

YEREMIA 9:18

Taumatan Yehuda mabbisara, “Doloṛṛa'e i mangitou mangngantarin aantarin lalal᷊o hunan kite sarangkanambone, tadea'u allon mata mangke lakkubbasanna su wambalan kite.”

YEREMIA 11:13

Manga mawun taumatan Yehuda manambo atonna, anambone ere manga soa mangitou. Tumana'u Yerusalem napararisikku manga mezbah anambone ere manga lal᷊anna su soan Yerusalem ipangonggollu sasamba su Monganna Baal.

YEREMIA 12:13

Walahang-Ku mangngasi'u ganduma, arawe ete ṛoa'a apan niitingnga. I mangitou mattinsahadda arawe sahadde udde tawe gessine. I Ya'u tumaniten nasa'u na'oman sara pangitinganni mangitou tawe loṛṛone.”

YEHEZKIEL 44:13

I mangitou imbaṛṛanga lai mangimbe si Ya'u maola'a sangkatou imam ara'e mangeṛṛetta apa apan na'ukkassa si Ya'u, ara'e sumutta su tampa Apan Lembonsusi. Eteudde ṛuumanna ana waugu manga inolaanna apan maarantinna apan buatte niola'i mangitou.

HOSEA 9:10

Mawu mabbisara, “Sutempo i Ya'u paarorone naasangkalla Israel, i Ya'u lalluassa ere taumata naasangkalla wuan anggore su wadda'a mamara. Sutempo i Ya'u paarorone naasilo al᷊amonanu, i Ya'u lulluassa naal᷊ihidda taumata naalio hessi wuan ara paarororne. Arawe, napawe i mangitou inaite watukku Wowon Peor, i mangitou mannattakke massubba si Baal, na'oman sara i mangitou nabbal᷊i nal᷊al᷊eo ere monganna apan raddangnguanni mangitou udde.

ZEFANYA 1:17

Mawu nabbisara, “I Ya'u sarun mandantan manambo asasilaka su umattu taumata, na'oman sara i mangitou sarun uasasaṛṛipo ere taumata wuta. I mangitou sarun ma'ola'a rosa si Ya'u, wuṛṛu orassa indi daṛṛan mangitou. Sarun mabboso ere ua'e, wuṛṛu manga winal᷊unanni mangitou sarun mawukku'a su leta'a.”