YEREMIA 3:11 - WUKE SUSI WATTI'U AL᷊AL᷊USASSA

¹¹ Wua'udde Mawu namasingkatta si ya'u manungku salaiwe Israel buatte tinumal᷊iudda si Tou, arawe inauranna Israel ta'e mappianne wuassu Yehuda apan mal᷊awangnga udde.

YEREMIA 3:11 Referans Kwoze

YEHEZKIEL 23:11

I Oholiba, tuarine naasilo arariadianna udde, arawe i tou lembon ma'apulu sumandaga wuassi Ohola.

HOSEA 11:7

wuṛṛu mangke mappulu manantang-Ku. Ne i mangitou sarun allanganna, arawe taweddu mamallossi manitou salaiwe i mangitou mangngintul᷊i ma'iontolla.”

HOSEA 4:16

I yamiu, ei taumatan Israel, tumaniten tawe maddaringikka! Ereapa wotongnge i Ya'u mallu'adda si yamiu ere domba su wadda'u nannal᷊o?”

YEHEZKIEL 16:47

Nawusatewe i'o uatantuṛṛutta ual᷊aṛṛeggenna lempangngi mangitou wuṛṛu mangaṛṛussa pallal᷊agu mangitou apan ma'arantinna udde? Taambe! Tate mal᷊annu lai i'o ewe'e a'atambannu al᷊al᷊eone wuassi mangitou.

YEREMIA 3:22

Ei i yamiu sarangkanambone apan nanantangke Mawu, pabbelengke! I tou sarun mangapia si yamiu, wuṛṛu ma'ola'a si yamiu mabbal᷊i satia. I yamiu mabbisara, “Ore, orassa indi i yami rumantate ringannu Mawu, ana waugu i Tou Ruatan kami.

YEREMIA 3:7

Ṛingi-U napawe i tou buatte na'ola'a sarangkanambone udde, i tou sarun mabbelengnga apia ringang-Ku. Arawe i tou tawe nabbelengnga, ewe'e inai sinumandaga. Ana waugu udde i Ya'u nanindo wuṛṛu nallimbuakka si tou. Yehuda, tuṛṛangngu Israel, apan mal᷊awangnga udde maasilo sarangkanambone udde, arawe i tou tawe nata'utta. Ewe'e i tou lai nabbali masandaga,

YEREMIA 11:10

I mangitou buatte na'ola'a rosa apan niola'u al᷊amona mangitou apan maddiri tumuṛṛutta si Ya'u, i mangitou massubba mawu waine wuṛṛu maddiri tumuṛṛutta parenta-U. Mawae Israel aroddi lai Yehuda lullawangnga paaire apan buatte Ta'u niola'a ringannu al᷊amonan mangitou.