YEREMIA 29:23 - WUKE SUSI WATTI'U AL᷊AL᷊USASSA

²³ Etearoddi ola'u wiakki mangitou ana waugu buatte na'ola'a manga rosa wahewalla su Israel: i mangitou sussandaga, wuṛṛu nappaattu arannu Mawu ipabbatti'u manga inolaanna awusu. Udde napapaṛṛalan apulu Mawu. I tou masingkattu apa apan a'olaanni mangitou, wuṛṛu i tou sassane nabal᷊i tialane lumawangnga si mangitou. Mawu buatte nabbisara.”

YEREMIA 29:23 Referans Kwoze

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

YEREMIA 23:14

Arawe su Yerusalem i Ya'u naasilo manga nabi ma'ola'a lembon al᷊al᷊eoanne lai. I mangitou mammahia wuṛṛu sussandaga, see mannasa taumata apan ma'ola'a al᷊al᷊eo, na;oman sara taweddu sangkatou apan mawal᷊u. Si Ya'u i mangitou sarangkanambone lal᷊eo ere tumana'u Sodom wuṛṛu Gomora.”

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.

YEREMIA 29:21

Mawu Apan Lembontaṛṛino, Ruatan Israel, buatte nabbisara su ola'i Ahab ana'i Kolaya, wuṛṛu su ola'i Zedekia ana'i Maaseya apan nappaattu arannu Mawu ipamasingkattu manga inolaanna awusu. Mawu nabbisara manungku i Tou sarun manantilli mangitou su taṛṛino Nebukadnezar ratun Babel, apan sarun mamate si mangitou su saruannu matanu.

YEREMIA 16:17

I Ya'u naasilo al᷊awo'a apan a'olaanni mangitou. Taweddu uawuni si Ya'u; manga rosan mangitou lai buatte niasiloang-Ku.

AMSAL 5:21

Mawu maasilo al᷊awo'a apan a'olaannu taumata. Suapan taumata umamatta Mawu ual᷊u'adda.

SONDAPPA 3:14

“Su mala'ekattu jamaatta su Laodikia, woṛṛetta'a arendi: Ete indi tanata wuassu Awantuhanne Amin, Mattatiala apan matammuda wuṛṛu naṛṛino, punnu al᷊awo'u sarannapa apan niola'u Ruata.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

MALEAKHI 2:14

I yamiu ma'iwal᷊o i Tou maddirite manengkamma sasamba udde. Ana waugu Mawu masingkatta i yamiu tate satia su wawine apan buatte niawingngi yamiu sutempo i'o ta'e umbasanna. Wawine udde hawe sulal᷊ummu pabbiaṛṛannu, arawe i yamiu buatte nallobbossa si tou, salaiwe su saruannu Ruata i yamiu buatte naddiandi tadea'u sidutu satia si tou.

ZEFANYA 3:4

Manga nabine tawe apendamma mandiaga wuṛṛu tawe apangimananna; manga iman mandal᷊eo apa apan niṛṛae su Mawu wuṛṛu mammal᷊elongngu manga titan Duata ipaddea'a auntunganni mangitou sassane.

YEREMIA 23:21

Mawu nabbisara, “Maṛṛimadda atonna manga nabi udde, sumbal᷊i i mangitou tawe Ta'u nirolokka. Ringannu arang-Ku i mangitou mabbatti'u watti'a, sumbal᷊i tawe tanata apan Ta'u nionggolla si mangitou.

YEREMIA 13:27

I Ya'u buatte naasilo si yamiu ma'ola'a manga apa apan iaaranting-Ku. I Ya'u naasilote si yamiu mangngenggenna manga nawu waine su wuidda wuṛṛu su wawail᷊anna, ere sangkatou esakka mabbewan awingngu taumata waine ara'e ere awal᷊o esakka mabbewan awal᷊o wawine. Tumana'u Yerusalem, nasilakate i yamiu! Tingngera i yamiu mapallossa wuassu al᷊al᷊eo?”

PANDARIADDI 31:50

I Laban nabbisara apia, “Amungkangu i'o ma'ola'a al᷊al᷊eo su al᷊aṛṛana'u, ara'e ma'awingngu manga wawine waine, salaiwe taweddu maasingkatta, paanaunge Ruata uariaga si ite.

PANDARIADDI 34:7

Naṛṛindo'a su tempo udde manga ana'i Yakub napul᷊e wuassu wadda'a. Naaringikka watti'a udde, i mangitou niṛṛumindu'a wuṛṛu lembon massa'u. Ana waugu ringannu nandal᷊eo ana'i Yakub udde, i Sikhem buatte nalobbossa anambon taumatan Israel.

MAL᷊AṚṚUUNGNGA 11:10

I mangitou sinumimbakka, “Yami maapulu. Mawu matatialane.”

2 SAMUEL 13:12

“Eh, arie, pahul᷊u!” sasimbakku maṛṛuala udde. “Arie i'o mamata'u ma'ola'a inolaanna apan dal᷊eo udde! Olangnge udde tawe saran paassa niola'a su Israel.

YEREMIA 5:8

I mangitou naal᷊ihidda ere awal᷊o esakka apan matawa wuṛṛu apulune mabbawatianna tumaniten bahewalla; sambau-sambau maapulun awingngu hawene.

YEREMIA 7:11

Apa i yamiu massunna Wal᷊e-U indi sal᷊akku mallaṛṛampassa?Anambon inolaannu buatte niasiloang-Ku.

YEREMIA 29:31

nangirimmu watti'a su ola'i Semaya su anambon taumatan Israel apan niwuanga su Babel. Eteindi watti'a udde, “Semaya buatte nabbisara si yamiu ere ola'u i tou nabi; sumbal᷊i Ya'u, Mawu, tawe nandolokki tou. Ana waugu i tou buatte na'ola'a si yamiu mangngimanna su wisara awusu,

YEHEZKIEL 35:13

Ei walahannu Edom, moṛṛongngi yamiu mal᷊oangnga wuṛṛu mabbisara ringannu mawunga si Ya'u. I Ya'u naaringikke sarangkanambone udde.

YEREMIA 23:16

Su tumana'u Yerusalem, Mawu Apan Lembontaṛṛino nabbisara, “Imbaṛṛangnga maddaringikka wisara manga nabi apan sidutu tumba'u mangngonggollu antimma apan tawe loṛṛone. I mangitou tumba'u mammasingkattu wal᷊iawa mangitou sassane wuṛṛu wal᷊ine tanata-U.

YEREMIA 23:32

I Ya'u, Mawu, sarun mando'appa manga nabi apan mammasingkattu manga wal᷊iawane apan napenen awusu. I mangitou mangngal᷊iwun uma-U ringannu awusu wuṛṛu wawahia mangitou. I Ya'u tawe nandolokku manga nabi udde. I mangitou mangke tawe gunane su uma-U. I Ya'u, Mawu, buatte nabbisara.”