YEREMIA 29:17 - WUKE SUSI WATTI'U AL᷊AL᷊USASSA

¹⁷ Mawu Apan Lembontaṛṛino nabbisara, ‘I Ya'u sarun mandantan pangalo, ṛutumma, wuṛṛu al᷊aṛṛusa'itta si mangitou. I mangitou sarun Ta'u olaanna ere manga wuan ara apan tumanite mawukku'a na'oman sara tate iaanna.

YEREMIA 29:17 Referans Kwoze

YEREMIA 29:18

I mangitou sarun Ta'u enggenanna ringannu pangalo, ṛutumma, wuṛṛu al᷊aṛṛusa'itta ma'oman sara al᷊awo'u walahanna su ahewallu runia sarun maapendamma atata'utta maasilo ola'i mangitou. Sauapan tampa i Ya'u manal᷊iawukki mangitou, taumata sarun maapendamma atata'utta maasilo apa apan buatte nariaddi si mangitou. I mangitou sarun al᷊uandahanna, wuṛṛu aranni mangitou ipaatta maola'a wawontoga.

LUKAS 21:23

Ma'ata'utta atonna manga allo udde su wawine apan ta'e pia illoṛṛo, wuṛṛu wawine apan ta'e mappasusun ana'a! Wanua indi sarun maapendamma asasusa wahewa, wuṛṛu Mawu sarun maṛṛuumannu walahanna udde.

LUKAS 21:11

Su alawo'u tampa sarun mariaddi linukka apan wahewa, al᷊aṛṛutumma wuṛṛu al᷊aṛṛusa'itta. Sarun mariaddi manga tanda apan ma'ata'utta wuṛṛu wahewalla su langitta.

YEREMIA 52:6

Su allo assione wul᷊anna aiappanne tonna udde lai, sutempo al᷊aṛṛutumma tumaniten masaddatta na'oman sara tumanangnge tate lai anna saran addio'a,

YEREMIA 43:11

I Nebukadnezar sarun dumanta wuṛṛu mamaddo Mesir. Wuṛṛu manga taumata apan buatte nitantunna mate ana waugu al᷊aṛṛusa'itta sarun maten al᷊aṛṛusa'itta. I mangitou apan nitantunna iapidda maola'a tawananna sarun iapidda maola'a tawananna, wuṛṛu nitantunna mate sulal᷊ummu pangalo sarun mate sulal᷊ummu pangalo.

YEREMIA 27:8

Walahanna wuṛṛu araratuanna apan tawe tumuṛṛutta si Nebukadnezar sarun Ta'u iṛṛuumanna ringannu pangalo, ṛutumma, wuṛṛu al᷊aṛṛusa'itta, ma'oman sara panginsueanne tumuṛṛutta si tou.

SONDAPPA 6:8

I ya'u na'ellega, see niasiloangku sambau awal᷊o hatine namillosa. Sumasa'ene aranne Papate. Wuassu liudde, i tou tatantalongannu Runiam Papate marani-rani. Taṛṛino su wageangnge aiappane su runia indi tinantilla si mangitou, tadea'u i mangitou wotongnge mamate sulal᷊ummu pangalo, sulal᷊ummu ṛutumma, ara'e al᷊aṛṛusa'itta wuṛṛu wuassu manga winatangnga mal᷊aṛṛaga.

YEREMIA 32:24

Manga taumatan Babel buatte napararisikku manga tanda'a batu palliwunanna mipamal᷊iwutta soa huna ipangaṛṛo, wuṛṛu orassa indi i mangitou mammangalote. Pangalo, ṛutumma, wuṛṛu al᷊aṛṛusa'itta maola'a pangillul᷊ennu soa indi manawo su lima mangitou. I'o maasilo manungku sarangkanambone apan niwisara-Nu nilumiatta'e.