YEREMIA 29:14 - WUKE SUSI WATTI'U AL᷊AL᷊USASSA

¹⁴ Atonna, i yamiu sarun maasomba si Ya'u. I yamiu sarun Ta'u ihemonna wuassu pattangngannu al᷊awo'u walahanna wuṛṛu wuassu tiappu wanua su tampang kamiu nisal᷊iawukka wuṛṛu niwuanga. I yamiu sarun Ta'u iapidda watukku wanua inariaddiannu indi see mamelengngu ola'u pabbiaṛṛanni yamiu. I Ya'u, Mawu, buatte nabbisara.’

YEREMIA 29:14 Referans Kwoze

YEREMIA 30:3

Ana waugu sarun a'omanna tempone i Ya'u manul᷊en ola'u pabbiaṛṛannu uma-U Israel wuṛṛu Yehuda. I Ya'u sarun mangapiddi mangitou mabbelengnga watukku wanua apan buatte Ta'u nionggolla su al᷊amona mangitou. Wanua udde sarun tahuananni mangitou apia. I Ya'u, Mawu, buatte nabbisara.”

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

ROMA 10:20

Yesaya lembon waṛṛani lai. I tou nabbisara, “Arendi lai unnu Ruata, ‘Manga taumata tawe madea'a si Ya'u, buatte nassomba-U; wuṛṛu i Ya'u nattingkapasilon riri-U si mangitou apan tawe maiwal᷊o-U.’ ”

YEREMIA 30:10

Uma-U Israel, ariete pa'ata'utta! Allang-Ku Yakub, arie suminggawanga! I yamiu wuṛṛu papapulunnu sarun Ta'u iapaasal᷊amatta wuassu wanua marau, su tampa i yamiu niatawanna. I yamiu sarun mapul᷊e wuṛṛu matana'a su wanuanu ringannu mal᷊angnganna. I yamiu sarun mabbiakka ringannu matammudda; taweddu iata'utti yamiu.

YESAYA 45:19

I ya'u tawe mabbisara ringannu iwabbuni, ara'e iaaddapingnga. Ya'u tawe nandolokku uma-U Israel maddea'a si Ya'u ringannu tawe gunane. I Ya'u, Mawu, mabbisara atonna, wuṛṛu mammasingkattu apa apan naṛṛino.”

DARALO 126:4

Oh Mawu, sul᷊eaawe apia lal᷊umanna'i yami, ere sal᷊ukka namara piate ua'ene apia sutempo nanguranna.

DARALO 126:1

Aantarin patatembo. Napawe Mawu nanul᷊en ola'u Yerusalem, i ite naal᷊ihidda nabbal᷊iawa!

DARALO 46:1

Daralon ṛuanganni Korah. Su piaṛa'u mangangantari. Ringannu ronsin Alamot.

DARALO 32:6

Ana waugu udde suapan taumata susi ṛinone umal᷊iomanna sutempo mamendamma asasusa, na'oman sara amungkangngu manawangngu asasusa rumanta, i tou tawe aeleṛṛanne.

TAHIUL᷊E 30:3

ne Mawu Ruatanu sarun umakkanni yamiu. I yamiu sarun iapiddi Tou mabelengnga wuassu manga walahanna suapa i yamiu nisal᷊iawukka wuṛṛu iapawiakka su lal᷊umanna'a apia.

TAHIUL᷊E 4:7

Walahanna wahewalla suapa apan pia monganne aroddi aranine amungkangngu pappandumanna ere Mawu Ruatan kite maranin kite? I Tou sinumimbakka suapan tempo i ite sumal᷊ande maiontolla si Tou.

ZEFANYA 3:20

Tempone sarun dumanta, tumanangngu apan uasal᷊iawukka Ta'u ehetanna mapul᷊e. I yamiu Ta'u olaanna tumelengnga su ahewallu runia, wuṛṛu lal᷊umanna'a sarun Ta'u iapaawelengnga apia.” Mawu buatte nabbisara.

MIKHA 4:12

Arawe manga walahanna udde wagga apa apan tantal᷊anna ihagol᷊agu Mawu. I mangitou tawe maatutukka manungku i mangitou buatte niammullu Mawu tadea'u iṛṛuumanna, naal᷊ihidda gandumma niammulla tadea'u wabbal᷊anna.

YEREMIA 51:10

Umattu Mawu nabbisara, “Mawu buatte napal᷊iatta'a manungku i ite su samba'a apan naṛṛino. Wette inaite watukku Yerusalem wuṛṛu mabbatti'a poiaroddi apa apan buatte niola'u Mawu Ruatang kite.”

YESAYA 55:6

Pabbelengke ringannu Mawu tantal᷊anna ta'e wotongnge; pailelarete si Tou tantal᷊anna i Tou ta'e marani.

AMOS 9:14

I Ya'u sarun ma'ola'a uma-U Israel mal᷊angnganna apia. I mangitou sarun mapararisikka apia manga soan mangitou apan nassongkakka, ana see i mangitou matana'a poiaroddi. I mangitou sarun massuanna manga wawail᷊annu anggore, wuṛṛu ma'inumma anggorene. I mangitou sarun mabbailla, wuṛṛu umanna pabbawuan inasaharanne.

TAHIUL᷊E 30:1

“Orassa indi yamiu wotongnge mamile suwallatu al᷊amatta wuṛṛu wontoga ere buatte ta'u tinal᷊a'a si yamiu. Amungkangngu i yamiu buatte naapendamma al᷊awo'u asasusa udde wuṛṛu mabiakka suwallatu walahanna waine sutampa i yamiu nisal᷊iawukku Mawu Ruatanu, i yamiu sarun maanaungnga pamamile apan ta'u nionggolla si yamiu.

TAHIUL᷊E 30:5

Ne i yamiu wotongnge maatahuanna apia leta'a dorone wawanuannu iupungngu al᷊amonanu. Wuṛṛu wiakki yamiu olaanna lembon ala, wuṛṛu reengannu mannamboanna wuassu al᷊amonanu.

YESAYA 43:5

Imbaṛṛangnga mata'utta, ana waugu i Ya'u ual᷊u'adda si'o. Wuassu waṛṛatta wuṛṛu wuassu ra'i Ta'u irolokka ana'a pulunnu iaparanta ma'ammulla.

YESAYA 43:6

I Ya'u namarenta sawannakka wuṛṛu timukka, tadea'u i mangitou mal᷊ihakka ipallossa. Wala'e manga anangngu esakka mawelengnga wuassu tampa marau, wuṛṛu manga anangngu wawine mapul᷊e wuassu manga pentakku runia.

YEREMIA 3:14

Mawu nabbisara, “Ei umatta apan mal᷊awangnga, pabbelengke ringang-Ku! I yamiu uddewe pussa'a-U. I Ya'u sarun manganu si yamiu, sangkatou wuassu suapan soa, ruang katou wuassu suapan amonanna, wuṛṛu mangapiddi yamiu apia su Wuiddu Sion.

YEREMIA 8:3

Ne manga taumata apan ta'e wiakka wuassu walahanna apan dal᷊eo indi apan buatte Ta'u nisal᷊iawukka su al᷊awo'u tampa sarun mappulun mate wuassu mabbiakka. I Ya'u, Mawu Apan Lembontaṛṛino, buatte nabbisara.”

YEREMIA 12:15

Arawe napawe buatte napasabbangngi mangitou, i Ya'u sarun umakkanni mangitou apia; suapan balahanna sarun Ta'u iapidda mabbelengnga su wanuane sassane.

YEHEZKIEL 37:21

Ana see wal᷊oa'e si mangitou manungku i Ya'u, Mawu Apan Atanggaṛṛanne sarun mangul᷊e apia anambon walahang-Ku wuassu manga wanua suapa i mangitou buatte nanu. I mangitou sarun Ta'u iammulla wuṛṛu Ta'u iapidda apia watukku wanua mangitou sassane.

YESAYA 14:1

Mawu sarun umakkannu Israel uman-Ne, wuṛṛu mamile si mangitou apia maola'a pussa'a-Ne. I Tou sarun mapaatana'i mangitou apia su wanua mangitou sassane. Taumata raho sarun dumanta wuṛṛu ma'ammulli mangitou.

YEREMIA 30:18

Mawu nabbisara apia: “I yamiu, uma-U sarun Ta'u iakkanna wuṛṛu Ta'u isul᷊e olangnge su wanuanu sassane. Yerusalem sarun iapararisikka apia, wuṛṛu wal᷊en araratuanne apianna.

YEREMIA 31:16

Illol᷊oa'e lal᷊uainu wuṛṛu peddate allo matanu! Sahaddu sarun pia lal᷊antakke su al᷊aṛṛanangngu. Si'o sarun pia bawal᷊inne, manga anangngu sarun mapul᷊e wuassu wanuan seetta.

YEREMIA 31:17

Pia antimma si'o sutempo addantane; manga anangngu sarun mawelengnga su tampa inariaddianne.

YEREMIA 31:23

Mawu Apan Lembontaṛṛino, Ruatan Israel nabbisara, “Napawe uma-U buatte Ta'u niola'a tumelengnga ere dorone, ne su wanua Yehuda wuṛṛu su manga ampungnge sarun aringiṛṛanna apia taumata mabbisara, ‘Antimanna Mawu mangal᷊amatta wuidda susi su Yerusalem tampa atatanaanna apan niṛṛae si Tou.’

YEHEZKIEL 39:25

Mawu Apan Atanggaṛṛanne nabbisara, “Arawe orassa indi i Ya'u sarun umakkannu umattu Israel papapulunni Yakub, wuṛṛu ma'ola'a si mangitou su lal᷊umanna'a apia. Ringannu aroddi i Ya'u uariaga tadea'u arang-Ku sidutu aadatanna.