YEREMIA 29:11 - WUKE SUSI WATTI'U AL᷊AL᷊USASSA

¹¹ Wal᷊inewe i Ya'u sassane mamasingkattu manga ṛiing-Ku si yamiu? Manga ṛiinna udde wal᷊ine ma'asilaka si yamiu, arawe hunan lal᷊umanna'i yamiu wuṛṛu mangonggolla si yamiu tempo addantane apan piaddu a'antimanna.

YEREMIA 29:11 Referans Kwoze

DARALO 33:11

Arawe ṛiinnu Mawu sidutu ta'e aroddi, apan niatokke uata'a su al᷊o'engngu tempo.

MIKHA 4:12

Arawe manga walahanna udde wagga apa apan tantal᷊anna ihagol᷊agu Mawu. I mangitou tawe maatutukka manungku i mangitou buatte niammullu Mawu tadea'u iṛṛuumanna, naal᷊ihidda gandumma niammulla tadea'u wabbal᷊anna.

DARALO 40:5

Lal᷊umanna'a su taumata apan mangngimanna Mawu, apan tawe tinumantalonga massubba manga monganna, ara'e maiontolla su taumata mawunga.

AYUB 23:13

Ruata udde tawe mawal᷊u, taweddu maal᷊awangnga si Tou. I Tou ma'ola'a sarangkanambone apan ipaapulu-Ne.

LAL᷊ALLU 3:26

Nariaddi, mappianne i ite mallaṛṛado ringannu matammudda ma'oman sara Mawu rumanta mangonggollu aontolla;

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

ZAKARIA 1:6

Ringannu nappaattu manga nabi manga allang-Ku udde, i Ya'u namasingkattu manga parenta wuṛṛu manga tataggu su iupungngu al᷊amonanu. Arawe i mangitou tawe maddaringikka na'oman sara i mangitou ṛinone mamasanna pangillul᷊eanne. Wua'udde i mangitou sinumassilla wuṛṛu nanga'u manungku i Ya'u, Mawu Apan Lembontaṛṛino, buatte nakkuumanni mangitou uasul᷊ungngu pasasal᷊a mangitou, wuṛṛu uasul᷊ungngu apa apan buatte nitantung-Ku.”

YEREMIA 23:5

Mawu nabbisara, “Sarun a'omanna tempone, i Ya'u sarun manenegu sangkatou ratu apan matul᷊idda wuassu papapulunni Daud. Ratu udde sarun mamarenta ringannu masiṛṛongnga, wuṛṛu mapaamattu atatul᷊idda wuṛṛu atonna su ahewallu wanua.

YEREMIA 23:6

Napawe i tou mamarenta, taumatan Yehuda sarun masal᷊amatta, wuṛṛu taumatan Israel sarun mabbiakka ringannu mal᷊angnganna. Ratu udde sarun isaggo ‘Mawu Asasal᷊ammatti Ite’.

YEREMIA 30:9

I yamiu sarun mattaṛṛamawu si Ya'u, Mawu Ruatanu, wuṛṛu su sangkatou papapulunni Daud apan sarun Ta'u itenega maola'a ratu.

YEREMIA 30:10

Uma-U Israel, ariete pa'ata'utta! Allang-Ku Yakub, arie suminggawanga! I yamiu wuṛṛu papapulunnu sarun Ta'u iapaasal᷊amatta wuassu wanua marau, su tampa i yamiu niatawanna. I yamiu sarun mapul᷊e wuṛṛu matana'a su wanuanu ringannu mal᷊angnganna. I yamiu sarun mabbiakka ringannu matammudda; taweddu iata'utti yamiu.

YEHEZKIEL 11:16

Ana waugu udde, wal᷊oa'e tanata-U indi su manga hawenu sulal᷊ummu pamamuanganna, manungku ete i Ya'u apan mangapiddi mangitou marau-rau wuassu wallattu manga walahanna wuṛṛu manal᷊iawukki mangitou su manga wanua udde. Arawe tantal᷊anna i mangitou poiaroddi, i ya'u sarun uarundinganna si mangitou.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

DARALO 85:9

I ya'u maapulu maddaringikka wisaran Mawu Ruata; i Tou naddiandin lal᷊umanna'a si ite, al᷊aṛanang-Nge, sawal᷊iate i ite tate ma'ola'a rosa.

YESAYA 27:4

Ya'u tate maapendamma massa'u apia. Unnuwisara pia nannal᷊o ara'e aputta ṛoaanna, i Ya'u sarun mamabbassa, wuṛṛu sarangkanambone tutunganna.

YEREMIA 24:5

“Manga taumata apan buatte Ta'u niwala niapidda watukku Babel udde mawala si Ya'u ere wuan ara apan mangkapia indi; ana waugu udde i Ya'u, Mawu, Ruatan Israel, sarun mappadul᷊i si mangitou ringannu mapia.

YEREMIA 33:6

Arawe sutempo addantane i Ya'u sarun mapawelengngu ola'u soa indi wuṛṛu tumanangnge; i mangitou sarun matohassa apia. I Ya'u sarun mangonggolla si mangitou lal᷊umanna'a wuṛṛu atatahul᷊andimma apan nangillembo.