YEREMIA 28:15 - WUKE SUSI WATTI'U AL᷊AL᷊USASSA

¹⁵ Sarangkanambone udde ta'u niapasingkatta si Hananya, ana see i ya'u nabbisara apia, “Paddaringikka, ei Hananya! I'o tawe nirolokku Mawu; i'o buatte na'ola'a manga walahanna indi mangngimanna wisara awusu.

YEREMIA 28:15 Referans Kwoze

YEREMIA 27:15

I mangitou nabbisara manungku i mangitou mabbisara ringannu arannu Mawu, arawe i mangitou mangngawusu. Mawu sassane nabbisara manungku i Tou tawe nandolokki mangitou. Ana waugu udde i Tou sarun manal᷊iawukka wuṛṛu mamate si Tuangnga suadio'a ringannu manga nabi apan buatte nangawusu si Tuangnga.”

YEREMIA 23:21

Mawu nabbisara, “Maṛṛimadda atonna manga nabi udde, sumbal᷊i i mangitou tawe Ta'u nirolokka. Ringannu arang-Ku i mangitou mabbatti'u watti'a, sumbal᷊i tawe tanata apan Ta'u nionggolla si mangitou.

YEHEZKIEL 22:28

Manga nabi mammuni manga rosa udde; i mangitou naal᷊ihidda taumata apan mammuṛṛa darandungnga apan kotoṛṛe. Manga aellegi mangitou awusu, aroddi lai manga pani'atti mangitou. I mangitou mangnga'u manungku tanata apan niapasingkatti mangitou uddewe apan nisengkammi mangitou wuassu Mawu Apan Atanggaṛṛanne, sumbal᷊i i Ya'u mangke tawe nabbisara si mangitou.

LAL᷊ALLU 2:14

Apan niapasingkattu manga nabi si'o, tumba'u aawusu wuṛṛu wawahia sassane. I mangitou taambe naasi'attu rosanu, na'oman sara ana waugu udde i'o maddiri mawal᷊u. Nawal᷊i'a i mangitou tumba'u mammasingkatta si'o manga wisara awusu apan maasarootta.

YEREMIA 29:23

Etearoddi ola'u wiakki mangitou ana waugu buatte na'ola'a manga rosa wahewalla su Israel: i mangitou sussandaga, wuṛṛu nappaattu arannu Mawu ipabbatti'u manga inolaanna awusu. Udde napapaṛṛalan apulu Mawu. I tou masingkattu apa apan a'olaanni mangitou, wuṛṛu i tou sassane nabal᷊i tialane lumawangnga si mangitou. Mawu buatte nabbisara.”

YEHEZKIEL 13:22

Manga taumata mapia apan maddiri Ta'u olaanna lal᷊eo, niadio'i yamiu naungnge ringannu wawahianu. Manga taumata lal᷊eo niola'i yamiu wahewalla naungnge tadea'u sidutu marosa wuṛṛu tawe iapaasal᷊amatta.

1 MARARATU 22:23

Wua'udde i Mikha nabbisara, “Ne, eteudde apan nariaddi! Mawu buatte na'ola'a manga nabin Tuangnga namahia si Tuangnga ana waugu Mawu buatte nanantunna maṛṛia'u asasilaka udde si Tuangnga!”

YEREMIA 20:6

Wuṛṛu i'o, Pasyhur, suadio'a ringannu anambon amonannu lai sarun sametanna wuṛṛu iapidda watukku Babel. Poiaroddi i'o sarun mate wuṛṛu ilabbingnga; aroddi lai anambon hawenu apan buatte naddaringikka manga awusunu.’ ”

ZAKARIA 13:3

Wuṛṛu amungkangngu ta'e pia taumata apan mabbisara manungku i tou mammasingkattu tanata, iamangnge inangnge sassane sarun mabbal᷊o si tou manungku i tou ṛinone iṛṛuumanna pateanna, ana waugu apan niwisarane uddewe awusu. Amungkangngu i tou sidutu mangnga'u watanganne sangkatou nabi lai, i tou sarun usu'annu iamangnge inangngene sassane ma'oman sara nate.

YEREMIA 28:11

Su saruannu anambon tumana'u soa apan nirumanta isudde, i tou nabbisara, “Mawu nabbisara manungku ete arendi olangnge i Tou sarun mamaddi pasanganna apan niandangngi Ratu Nebukadnezar su pal᷊u'an al᷊awo'u walahanna; Mawu sarun mapaamattu udde sulal᷊ummu rua tonna indi.” Wua'udde i ya'u napul᷊ete.

YEREMIA 7:8

Arawe, atonna tawe gunane i yamiu mangimanna su manga wisara awusu.

YEREMIA 29:8

I Ya'u Mawu, Apan Lembontaṛṛino, Ruatan Israel, mapanaungnga si yamiu tadea'u arie mamala batangannu awusuannu manga nabi apan uatana'a su pattangnganni yamiu ara'e isai-sai lai apan mabbisara manungku i mangitou wotongnge mani'attu tempo addantane. Ariete maṛṛingiddu manga wal᷊iawa mangitou.

YEHEZKIEL 13:6

Manga aellegi mangitou awusu, wuṛṛu manga pani'atti mangitou tumba'u wawahia. I mangitou mangnga'u uaapiddu tanata wuassia-U, sumbal᷊i Ya'u tawe nandolokki mangitou. Ereapa wotongnge i mangitou mangngantimma pani'atti mangitou udde sarun mariaddi?

YEHEZKIEL 13:9

I Ya'u sarun makkuumanni yamiu, ei manga nabi apan mammasingkattu pani'atta awusu wuṛṛu ma'ira-ira manga sondappa! I yamiu tate lai wotongnge mangonggollu laṛṛawessa sulal᷊ummu manga ammul᷊annu uma-U. Manga rannu sarun pappasanna wuassu reengannu walahannu Israel, wuṛṛu i yamiu tate maapule su leta'a inariaddiannu. Ne i yamiu masingkatte manungku ete i Ya'u Mawu Apan Atanggaṛṛanne.

TAHIUL᷊E 13:6

Napawe tuṛṛangngu ara'e anangngu esakka ara'e wawine, ara'e awingnga arangnguannu ara'e hawenu apianne, ringannu mal᷊anna-l᷊annaba massal᷊ongngu massubba manga Mawu waine apan awagananni yamiu wuṛṛu awaganannu al᷊amonanu, manga mawun balahanna apan uatana'a marani ara'e marau,

TAHIUL᷊E 18:20

Arawe amungkangngu sangkatou nabi waṛṛani mamasingkattu sambau tanata wuassu arang-Ku sumbal᷊i Ya'u tawe nandolokki tou ma'ola'a aroddi, i tou ṛinone mate; aroddi lai suapan nabi apan mabbisara ringannu arannu manga Mawu waine udde ṛinone mate.’

YEREMIA 23:31

I Ya'u lai mando'appa manga nabi apan mammasingkattu manga wisarane sassane, ana see mabbal᷊o manungku udde wuassia-U.